Nzambi mmukumanya ne mmukunanga
Nzambi mmunanga bana benda bonsu—tshidi tshiumvuija ne Nzambi mmukunanga. Kupitshila ku disambila, wewa udi mua kusemena pabuipi ne Tatu weba wa mu Diulu bua kumanya buludiki Buenda bua dinanga mu moyo weba.
Udi Muana wa Nzambi
Bumua bua ku malelela manena a mu bibilia budi ne tudi buonsu “bana ba Nzambi” (Bienzedi 17:29 ), bafukibua ku tshimfuanyi tshienda. Bu muana wa Nzambi, udi ne bukola ne mushinga wa bungi.
Nzambi Mmukumanya mu bumuntu bueba
Yezu Kilisto wakalongesha ne, Nzambi udi mumanya malu etu. Mmumanya diba dionsu didi mushamusha umua umata panshi, ne tudi “ne mushinga wa bungi mutambe wa mishamisha ya bungi“ kudiyi (Matayo 10:29 –31 ). Mu ntatu yonsu yiwudi utuilangana nayi, kuena nkayeba to. Nzambi mmukumanya biakana ne mumanya tshiwudi natshi dijinga bua kukuambuluisha bua kutantamena ntatu yeba ne kumvua dinanga dienda.
Nzambi udi Umvua bu Tatu wa Dinanga
Bu Tatu wetu wa mu Diulu, Nzambi mmusua kututeleja. Mmusua bua atulombola, ne udi mua kuyukila nenda kupitshila ku disambila.Nzambi Mmusua Kuyukila
Disambila kadiena anu tshilela anyi mushindu wa kuambila diulu tshitudi basua to—didi muyuki Udi mua kuambila Nzambi malu awudi muanyisha, malu awudi mutekemena ne awudi ujinga, malu adi akutonda ne awudi ujinga.Nzambi udi unteleja ne Wandamuna
Nzambi udi uteleja ne wandamuna ku masambila etu. Mandamuna ku disambila nealua misangu yonsu, nansha wowu manenga anyi kaayi mandamuna atuvua bindila anyi batekemena. Tudi mua kutekesha mioyo yetu bua kuitaba disua dienda. Mandamuna ku disambila adi mua kuikala mu mishindu ya bungi, bu mudi meji ne mushindu uwudi udiumvua, malu adi muntu kampanda mukuenzela anyi mufundu udi ulenga moyo weba.Nyuma muimpa udi ujadika ne nyuma wetu ne, tudi bana ba Nzambi.
Utata bua Kumvua Dinanga dia Nzambi?
Pawikala wewa utata ne mpata anyi udiumvua mutukakana ne Nzambi, udi mua kulonga bua kumanya bimpa buikadianganyi buenda mu moyo weba.
- Ikala ne diba dituku dionsu bua kumbusha ditanaji ne kuyukila ne Nzambi.
- Sambila Misangu Yonsu. Lomba bua Kumvua Dinanga Denda!
- Longa dîyi dia Nzambi mu mifundu.
- Ikala ne journal bua kufunda mabenesha ne ngenyi ya mu nyuma.
- Yukila ne balunda ba lulamatu ne dîku pa mushindu udibu bumvua dinanga dia Nzambi.
- Enzela dinanga dia buena kilisto mu disadila ne difuilangana lusa.
Kankamika Ditabuja Dieba mu Nzambi
Ditabuja didi mua ku kuambuluisha bua kupeta ditalala ne bukola mu bikondu bikola. Bamissionaire badi mua kukuambuluisha bua kubandisha ditabuja dieba mu Nzambi ne kukolesha malanda eba nenda.