Yezu Kilisto Udi Mupandishi Weba

Pavua Nzambi mututuma pa buloba bua kulonga ne kukola, uvua mumanya ne tuvua ne bua kuenza bilema. Ki bualu kayi wakatupesha Mupandishi.

Tudi tuitabuja ne Yezu Kilisto udi Muana mumanyika wa Nzambi ne tshidimba tshia pabuatshi tshia bunzambi, pamua ne Nzambi Tatu ne Nyuma wa tshijila. Wakalua pa buloba bua kukumbaja mudimu wa bunzambi, uvuaye ne bua:

• Kumanya ntatu ne moyo wa tshifuaka.
• Kulongesha ne kujadika bua Nzambi.
• Kuenza bishima bikola.
• Kukenga ne kufua bua mibi yetu mu kutupepejela bua kulua batokeshibua ku bubi
• Kutshimuna lufu kupitshila ku Dibika dienda dia ku Lufu, mu difila mushindu bua tuetu bonsu tuikala babishibua ku lufu.

Yezu Kilisto uvua tshilejelu tshia dinanga dikezuka. Wakondopa ne lusa lonsu babêdi ne balema, kudisha bavua ne nzala, kujula bafua, kusamba bakengi, kuakidila badiombola, ne kusadila bonsu bavua bamukeba ne lulamatu.

Mupandishi udi umvua lusa ne dinanga bia momumua bueba.

Bu Bena Kilisto, tudi tudienzeja bua kuikala bu Mupandishi ne kuleja dinanga dienda mu bionsu bitudi tuenza.

Yezu Kilisto uvua mulongishi muludiki. Malongesha enda, mafila kukadi bidimu 2000 bipita, atshidi apesha bantu meji a nyuma mu buloba bujima bua kuludika biakana mioyo lelu. Wakalongesha misumba ya bantu, kadi Bibilia udi utulongesha ne wakangata kabidi tshikondu bua kutuilanga ne bantu pa nkaya.

Yonsu wa kutudi, biangata wewa, udi mua kumvua disanka dikola ne ditalala mu kulonda malongesha a Yezu Kilisto. Tshikongu tshieba tshia pabuipi tshia Ekelezia wa Yezu Kilisto wa Bansantu ba Matuku a Ndekelu tshidi ne bisangilu bia ku lumingu muwudi mua kulonga bia bungi pa mushindu udi malongesha â enzeka kuwudi wewa nkayeba. Mukanda wa Molomo udi ne miandiku ya malongesha a Kilisto adi mua kukumbajibua ku a Bibilia.

Mulambu ne Lufu bia Yezu Kilisto

Nansha muvua Mupandishi musomba mu moyo mupuangana, bamua bavua badiumvua baluishibua kudi buenzeji buenda anyi bavua bapeta tshiji bu muvuaye wela patoka lobombu luabu. Bakenza tshifufu bua Yezu ashipibua.

Butuku bua muladilu wa dipopibua dienda pa mutshi mutshiamakana, Yezu Kilisto wakapengama mu Budimi bua Getesemane, momu wakakenga busami ne masama a umua yonsu wa ku bana ba Nzambi. Etshi tshiakapepeja bua yeya kufila diambuluisha ne londopu mu tshikondu tshionsu.

Pa nanku wakatungidibua, kukuatshibua, kututshibua, kusekibua, ne kupopibua misonsu pa mutshi mutshiamakana. Panyima pa matuku asatu, wakabika ku lufu bua kuikala ne moyo kabidi, mu ditshimuna dia lufu ne bubi. Nansha muvua lufu lua Yezu Kilisto lua dikenga ne kaluyi luakana, mulambu wenda wa bunzambi wakapepeja bua yonsu wa kutudi ikala mubuikidibua ne ajuka ku lufu.

Tudi Mua Kuikala Babuikidibua Kupitshila ku Mulambu wa Bupikudi wa Kilisto

Pavua Mupandishi mukenga mu Budimi bua Getesemane ne pa mutshi mutshiamakana, wakangata pa mutu penda mibi yetu yonsu. Wakafuta dibanza dia buakana bua ne yonsu wa kutudi afuidibua lusa. Patudi tukudimuna mutshima menamena, tudi mua kuikala babuikidibua.

Tudi mua Kuikala Kabidi ne Moyo Kupitshila ku Dibika ku Lufu

Yezu Kilisto wakabika ku bafua mu dituku disatu panyima pa dipopibua dienda dia pa mutshi mutshiamakana. Kupitshila ku yeya, yonsu wa kutudi udi mua kubishibua ku lufu ne kuikala ne moyo kabidi. Tudi mua kusomba ne Nzambi ne bananga betu mu mubidi mupuangana, balekeledibua ku disama, kanyinganyinga, ne busami.

Mupandishi udi ukutabelela ne ukumvua. Mmumvua bujitu bua ntatu mitamba bukola yeba ne mmukenga mua mibi yeba. Udi ukubikila bua umulonda ne upeta ditalala.