Yezu Kilisto Wakatulongesha bua Tunangangana Umua ne Umua

Yezu Kilisto wakalongesha ne mikenji minena ibidi idi kunanga Nzambi ne kunanga bakuabu.

Mupandishi wakaleja patoka ne, kunanga bakuabu kudi kutamba kuikala muimpa amu kudi bantu badi basomba pabuipi neba. Tshitupa tshia mudimu wa bamulondi benda tshidi tshia kuleja bunangi— dinanga dikezuka dia Kilisto—kudi muntu yonsu, biangata aba bawudi mua kumona bu baluishi beba.

Tudi tuitaba ne dikuata mudimu pamua bua kuleja bunangi bua Buena Kilisto tshidi tshimua tshia ku bintu bia diondopa, disanka, ne dituangaja pamua bidi tshikongu mua kuenza. Eyi idi mishindu mikesa itudi tufila diambuluisha, ne itudi mua kunanga bua ubuela momu!

Mambuluisha bua Buikadianganyi Buimpa

Mu Ekelezia mujima, bidimba bidi bikoleshibua bua kujila biadidia ngondu yonsu, dibenga biadidia ne biadinua bua meba 24 (bikala mibidi yabu ikumbayina). Bidimba bia Ekelezia pashisha bidi bifila makuta avuabu mua kuikala batula bua biadidia abi bua kuambuluisha badi mu majinga.

Ne mapa â, balombodi ba pabuipi badi mua kufila diambuluisha dia mu mpetu bua biadidia, bua nzubu, ne diendakana. Balombodi ba Ekelezia badi kabidi mua kuambuluisha bantu ku dipeta diambuluisha bua kuenza dilongolola dia kulengeja buikadianganyi buabu, misangu mivula dienzela biambuluisha bia bungi bumudi mianda ya difila midimu, kuabanyangana ngenyi kupitshila ku Family Services, malongesha a didikadila, ne bia bungi.

Diambuluisha edi didi dipepejela badi mu dijinga bua kumvua dinanga dia Mupandishi popamua ne dinanga dia mu nsangilu wabu—nangananga padi bikondu bikala bikola.

Diambuluiisha mu Bipupu

Padi bipupu bia buloba, mvita, ne bipupu bikuabu bilua, Ekelezia ne bidimba bienda bidi bidisonsola bua kufila biadidia, mambuluisha a londopu, bivualu, ne bintu bikuabu bidi ne mushinga.

Ekelezia udi uya kukuata mudimu ne biawu bia kalolu bua kuandamuna ku majinga a pa buawu adi amueneka mu tshikondu tshionsu, mu kuenzela bikongu bia pabuipi bua kuenza bintu bumudi kusangisha ne kutapulula mapa, kusukula bishadila, kufila biadidia, bivualu, muaba wa kusomba, ne diambuluisha dia mu meji padibi bikengela.

Diambuluisha Bantu

Ekelezia udi ukuata mudimu bua kukuba badi mu dijinga munda mua buloba bujima ndongamu mishilangana ne midimu mipangadika.

Mudimu ewu udi ushintuluka bilondeshela majinga a pa buawu a nteji mishilangana. Ekelezia udi bushuwa mushindamena pa difila diesa ku mâyi a kazeza ne londopu, dikuba dia badi balela ne bana balela, dikuba dia bukola bua mubidi, dilonga, dikuba bua biadidia, ne diambuluisha bua bena tshimuangi.

Dikuata mudimu ne biawu bia kalolu bua kujadika mapangadika â didi diambuluisha Ekelezia bua kutantshisha madienzeja enda bua kusadila.

Bukubi

Munda mua bikongu bietu, bidimba bidi bitapulula mu bitupa ne biabanyina bantu bakesa bua “kubakuba”. Dikuba didi mu kabujima difuka malanda a Buena Kilisto. Ela meji buatshi bu ngikadilu wa ditualangana—bidimba bikubi bieba bidi bibaka ngikadilu bua diambuluisha uwudi mua kudisangisha nenda mu bikondu bimpa ne kubalomba diambuluisha mu bikondu bia dijinga.

Tshinyi tshidi kunanga mukueba kumvuija bueba nkayeba? Eyi idi ngenyi mikesa ya mushindu wa kunanga mukueba:

• Sambila bua kupeta bipolu bia kuleja buimpa mu dituku dieba dijima.
• Dienzeja bua kufuila lusa aba bawudi umvua ne mbakubungamija.
• Tantamena dikankishangana, ditapulula dia bisamba, ne mishindu yonsu ya kansungansunga
• Tangalaja mikenji ya disanka ne ikala muimpa kudi bakuabu mu media a pa nshinga.
• Bikila bua upeta mapia-mapia a balunda beba badi bapitshila mu tshikondu tshia lutatu.
• Fila dianyisha dia bushuwa.
• Tuaku nyama ku mikolu ne biawu bua kukuba badi mu dijinga.

Udi kabidi mua kupeta midimu mipangadika ya disadila mu nteji weba anyi mishindu ya kusadila pa bula mu dikumbula JustServe.org.