Nkonku ya Tshibidilu pa Ekelezia
Ndi mulombibua bua kubuela anyi?
Tudi tujingila benyi betu difika dilenga, kadi kabena benzejibua to. Padi diampa ne mâyi bia biakudia bia tshijila (bifuanangana ne Nkomônyi) biabanyibua mu tshisangilu, udi mua kupitshisha dilongu kudi muntu udi ulonda anyi udi mua kudia. Suaku udiumvua mupepela bua kusomba panyima ne kusanka ne ntendelelu.
Ndi mua kubuela mu tshisangilu pandi tshiyi tshidimba anyi?
Eyowa! Udi mubikidibua bua kututakena netu mu bibilu bia mu lumingu ne bia pambelu pa bibambalu, mu midimu ya disadila, ne ya ekelezia. Tudi bananga kukumanya ne netuanyisha didifila dieba mu nsangilu.
Tshinyi tshindi mua kuluata?
Suaku udiumvua muakidibua bua kulua muwudi amu. Tudi tuteta kuvuala bilamba bimpa bitamba bitutu tuvuata mu lumingu bua kuleja kanemu ketu kudi Nzambi. Bilamba bia momumua biwamona mu ekelezia bidi mutelu ne kalavanda bua bantu baluma, ne njipa anyi nkanzu bua bantu bakaji.
Bisangilu bidi biangata meba bungi munyi?
Bisangilu bietu mu buloba bujima bidi bilonda ndongamu wa momumua wa meba abidi bua disambila dia Dialumingu. Kudi bisangilu bibidi, ne tshisangilu tshionsu tshidi ne diba dimua.
Mu tshitudi tubikila ne “tshisangilu tshia biakudia bia tshijila,” bidimba bionsu bia nsangilu, bidi bisangila pamua. Tshisangilu esthi tshidi ne misambu, masambila, ne mayisha (anyi miyuki mikesa) bifidibua kudi bidimba bia mu tshikongu lumingu lonsu. Tshitupa tshitamba mushinga tshia tshisangilu etshi, mpatudi tuangata biakudia bia tshijila (bidi bifuanangana ne Nkomônyi) bua kuvuluka Mupandishi wetu, Yezu Kilisto.
Panyima pa tshisangilu tshia biakudia bia tshijila, bantu badi bindila bua tshitupa tshibidi, bua kulonga mu bisumbu bikesa ne tulasa bua bantu baluma, bantu bakaji, bansonga, ne bana.
Tshikongu anyi ditamba ntshinyi?
Bikongu anyi matamba bidi bisumbu bia bidimba bia Ekelezia bidi bisomba mu muaba musunguluka wa ntenji wa buloba ne bienza nsangilu—biobi ke bantu bawamona mu lumingu lonsu mu tshisangilu tshia Biakudia bia tshijila. Mu nsangilu eyi, udi mua kupeta balunda, udi mua kudiumvua musankishibua, ne udi mua kudisuika ne bantu badi mua kukukankamika mu muaba uwudi musombela. Bilondeshila muaba uwudi usombela, kudi mua kuikala mishindu mishilangana ya bikongu ne matamba bidi koku.
Tshikongu tshidi nsangilu munena ne ditamba didi nsangilu mukesa.
Bikongu ne Matamba Binena
Muntu yonso udi muakidibua bua kubuela mu tshikongu tshinena. Emu, bantu ba bidimu bionsu badi basadila pamua mu nsangilu wa Ekelezia. Mêku, bansonga bakulumpa bajika, bana, bakamba, ne baluma ne bakaji badi baselangana bapia-bapia, badi bakukuila pamua mu tshisangilu tshimua.
Miakulu ya bikongu ne matamba
Mu miaba mikuabu, udi mua kumona ne kudi bikongu anyi matamba bifunda ne muakulu kuluseka luabi. Ebi bidi bikongu bidi bienza bisangilu mu muakulu mukuabu udi mushilangana ne muakulu wa tshibidilu wa muaba uwudi ukeba.
Bikongu ne matamba bia bansonga bakulumpa badi nkaya
Bikongu ne matamba bia bansonga bakulumpa badi nkaya, bidiku bua bantu batshidi nkayabu ba bidimu pankatshi pa 18 tô ne 35. Nsangilu eyi idi itamba kuikala pabuipi ne tulasa tutumbuka ne idi yenza bibilu mu lumingu mu dikumbaja dia masambila a dia Dialumingu.
Bikongu ne matamba bia bakulumpa badi nkaya
Nsangilu ya bakulumpa badi nkaya, idiku bua bantu badi nkayabu badi bidimu pankatshi pa 36 tô ne 45. Nsangilu eyi idi yambuluisha bantu bua kutendelela ne kusambila pamua aba badi mu malu a momumua ne balumbila bintu bimua.