Tshinyi tshia Kutekemena mu Ekelezia
Ekelezia wetu udi muaba uwudi mua kulua pamua ne bitabi bakuabu bua kunana meji, kutendelela, kulonga, ne kulua muntu muakana.
Benyi Batu Bajingila Difika Dilenga Misangu Yonsu
Bidi biamba “Difika Dilenga Benyi” mu bibambalu bientu bionsu—ne tudi tujadika nanku! Wewa muleja dijinga dieba bua Kulua tshidimba tshia Ekelezia wa Yezu Kilisto wa Bansantu ba Matuku a Ndekelu, dikumbula ne mulunda, anyi udi uleja amu lutangilu lukesa, tudi ne disanka bua kukumona.Tshinyi tshia Kutekemena mu Disadila dia Dialumingu
Ekelezia udi muaba wa nsangilu ne kulonga, kadi tshidi tshitamba mushinga udi muaba wa kutendelela Nzambi ne Yezu Kilisto. Yonsu 30,000 ya bikongu bietu mu buloba bujima bidi bilonda meba a momumua abidi bua disadila dia Dialumingu:Tshisangilu tshia Biakudia bia Tshijila
Mu tshitudi tubikila ne “tshisangilu tshia biakudia bia tshijila,” bidimba bionsu bia tshikongu bidi bisangila pamua. Tshisangilu tshidi tshiangata disambila dia kukangula ne kukanga, misambu mikesa, ne mayisha mafila kudi bidimba bia Ekelezia.Tshitupa tshidi tshitamba mushinga tshia tshisangilu tshia biakudia bia tshijila tshidi kuangata biakudia bia Tshijila bidi bifuanangana ne Nkomônyi mu ntendelelu mikuabu ya Bena Kilisto. Padibu babanya biakudia bia tshijila, tudi tuvuluka Yezu Kilisto patudi tuangata tutupa tukesa tua diampa ne tukopu tua mâyi bidi tshifuanyikijilu tshia mubidi ne mashi bivuayi mulambula buetu. Mu diba edi dia tshimuma tshikola, tudi tuteta bua kuela meji pa mishindu itudi mua ku mulonda ne lulamatu luabungi mu lumingu lualua.
Bu muenyi, kuena mua kuikala mutekemenyibua bua kuenza bintu bionsu bidi kabiyi bikuteka bimpa. Diumvua mupepela bua kusomba tshimuma mu nsangilu ne kupeta dimanya.
Tulasa
Bua kukumbaja ku biakudia bia tshijila, bantu badi babikidibua bua kuindila bua diba dimua dibidi bua kulonga mu bisombelu bikesa.Bana badi baya mu Tshilongelu tshia Mbedi, muaba udibu mua kulonga miyuki ya mu mifundu, misambu, ne malongesha pa Yezu Kilisto ne lumu luimpa luenda adi apetangana ne bidimu biabu. Basongalume ne Bansongakaji badi babuela mu tulasa tua momumua mu bisumbu bia bidimu biabu.
Mu dishintuluka dia Malumingu, bakulumpa badi babuela mu Kalasa ka Dialumingu pamua, balonga mikanda ya mifundu misungula bua Ekelezia mujima kulonga tshidimu atshi. Mu mbingu mikuabu, badi bakosoloka mu tulasa tushilashilangana bua ba tatu (kamanyibua bu mpuilu wa bakulu) ne bamamu (kamanyibua bu Kasumbu Kambuluishi)
Wewa kuyi mutuishibua muaba wa wewa kuya, suaku ukonka, ne muntu neakuambuluisha bua kupeta kalasa kadi kakumbana.
Bibilu Bikuabu bia Ekelezia
Wewa mubuela mu dikukuila dia Dialumingu netu anyi muikala ne mulunda udi tshidimba tshia Ekelezia, udi mua kubikidibua mu bimua bia ku bibilu bua kuya mu nsangilu wa muaba weba. Bilejelu bikesa biangata:- Bibilu bia nsombelu, bumudi difesto dia Tshikondu tshia Diledibua dia Yezu.
- Bibilu bia tshisumbu bia basonga bia ku lumingu.
- Institut de religion bua bansonga bakulumpa kulonga mifundu ne kumanyangana pamua.
- Midimu ya kusadila nsangilu.
- Tulasa tua Budikadidi.
- Bibilu bia Misambu anyi imua midimu mienza kudi bafumbi.
Nkonku ya Tshibidilu
Tshinyi tshindi mua kuluata mu ekelezia?
Tshinyi tshindi mua kuluata mu ekelezia?
Udi mutamba kujingila difika dilenga mu mushindu uwudi. Wewa udiabakena newutamba kuikala mujingudibua, tudi tuteta kuvuala bilamba bimpa bitamba bitutu tuluata mu lumingu bua kuleja kanemu ketu kudi Nzambi. Bilamba bia momumua biwamona mu ekelezia bidi mutelu muluata ne kalavanda bua bantu baluma ne njipa anyi nkanzu bua bantu bakaji.
Bantu bonsu nebamanya ne Ndi muenyi anyi?
Bantu bonsu nebamanya ne Ndi muenyi anyi?
Tudi ne benyi mu nsangilu yetu yonsu, tudi bibidila bua kumona mpala mipia-mipia. Mu tshikongu tshinena, bantu kabena nansha mua kumanya ne udi muenyi to. Mu ntenji mikuabu, bantu badi mua kukujingulula ne kukuela moyo. Nansha mudibi nanku, kuelakanyi bua kuditenja ne ela nkonku yonsu iwudi mua kuikala nayi.
Nengikala mua kusangila anyi?
Nengikala mua kusangila anyi?
To. Padi diampa ne mayi bia biakudia bia tshijila bifidibua kudi nsangilu, udi mua kupitshisha ne kanemu dilongu kudi muntu udi ulonda ne pashisha usomba ne usanka ne bitupa bidi bishala bia disadila. Newumona bantu badisuila benza mu mishindu mikuabu, bumudi kuandamuna ku lukonku lua mulongeshi mu Kalasa ka Dialumingu, kadi kuena mulombibua bua kuela tshianza mulu tshiotshi katshiyi tshintu tshiwudi kuyi mujinga mua kuenza to.
Nebandomba bua kufila makuta anyi?
Nebandomba bua kufila makuta anyi?
To. Tudi tuitabuja mu mukenji wa tshia dikumi mupetshibua mu Bibilia. Kadi bidimba bidi bijinga kufuta tshia dikumi bidi bifuta mu musokoku, kabiyi bu tshitupa tshia disadila dia kutendelela to. Kua kuikala mulombibua mapa mu bisangilu to.
Ndi mua kulua ne bana banyi anyi?
Ndi mua kulua ne bana banyi anyi?
Eyowa! Etshi tshidi ekelezia muakididi wa Dîku. Bana badi basomba ne baledi babu mu tshisangilu tshia mushinga tshia biakudia bia tshijila ne pashisha basangila mu bibilu ne bana anyi bansonga ba bidimu biabu padi bakulumpa baya mu Kalasa ka Dialumingu. Tulasa tua bana ne bansonga tudi tutamba kulombodibua kudi bakulumpa babidi anyi ba bungi. Tshisombelu tshia bamamu tshidi tshifila muaba wa musokoku wa kuamuisha bana anyi majinga makuabu.
Udi mujinga kuya ku ekelezia nkayeba anyi?
Bidimba bia Ekelezia wetu bidi bidisuila bu bena bukenji mu ntenji weba bidi mua kukukumbula kumpala bua kukuambuluisha bua kumanya tshinyi tshia kutekemena ne kuandamuna nkonku yeba. Badi mua kukulamina muaba wa kusomba pawudi babuipi ne kulua.
Longa Bia Bungi pa Nsangilu Ya Ekelezia
Manya Ekelezia wa Yezu Kilisto wa Bansantu ba Matuku a Ndekelu, ne mona tshidi ekelezia mua kukupesha ne mishindu eyi ya email pa nsangilu ya ekelezia.