Mosese 2
    Footnotes

    Wase 2

    (June–Okotova 1830)

    Sa bulia na lomalagi kei na vuravura na Kalou—Sa buli na veika bula kecega—Sa bulia na tamata na Kalou ka solia vua na lewa ni ka kecega.

    1 Ka sa yaco ni sa vosa vei Mosese na Turaga, ka kaya: Raica, au sa na avakatakila vei iko na veika ni blomalagi, kei na cvuravura oqo; mo vola na vosa au sa tukuna. Koi au na iVakatekivu kei na iVakataotioti, na dKalou Kaukauwa; mai vua na noqu eLe Duabau Ga au sa fbulia kina na veika oqo; io, ena ivakatekivu au sa bulia na lomalagi ia sa bulia na veika kece oqo na noqu Le Duabau ga ena vukuqu; io ena ivakatekivu au sa bulia na lomalagi, kei na vuravura ko sa tiko kina oqo.

    2 A sa sega ni vakacokotaki ko avuravura, ka sa lala tu; au sa vakavuna me tu na butobuto ena wasa titobu; ka sa yavavala e dela ni wai na Yaloqu; ni sai Au na Kalou.

    3 Ia koi Au na Kalou, au sa kaya: Me ararama mai; a sa rarama mai.

    4 Ia koi Au na Kalou, au sa raica na rarama, ka ni sa avinaka na rarama. Ia koi Au na Kalou, au sa wasea na rarama mai na butobuto.

    5 Ia koi Au na Kalou au sa vakatoka na rarama me Siga; ia na butobuto, Au sa vakatoka me Bogi; ia oqori au sa vakayacora ena avosa ni noqu kaukauwa, ka sa vakavotukana ena gauna au bvosa tiko kina; ia na yakavi kei na mataka sa kena imatai ni csiga.

    6 Au sa kaya tale koi Au na Kalou: Me dua na amaliwa lala me wasea na wai, ia sa yaco me vaka na noqu vosa; kau sa kaya: Io me wasea na wai mai na wai; ka sa yaco me vakakina;

    7 Ia koi Au na Kalou, au sa cakava na maliwa lala ka wasea na awai, io, na wai lelevu e ruku ni maliwa lala mai na wai e cake ena maliwa lala, a sa yaco me vaka na noqu vosa.

    8 Ia koi Au na Kalou, au sa vakatoka na maliwa lala me aLomalagi; ia na yakavi kei na mataka sa kena ikarua ni siga.

    9 Ia koi Au na Kalou, au sa kaya: Me soqoni vata na wai e rukui lomalagi ki na adua na yasana, a sa vakakina; ia koi Au na Kalou, au sa kaya: Me rairai mai na vanua mamaca, a sa vakakina.

    10 Ia koi Au na Kalou, au sa vakatoka na vanua mamaca me aVuravura; kei na wai sa vakasoqoni vata, Au sa vakatoka me Wasawasa; ia koi Au na Kalou, au sa raica ni sa vinaka na veika au sa kitaka.

    11 Ia koi Au na Kalou, au sa kaya: Me vakatubura na aco ko vuravura, na co sa vakasorena, kei na kau dau vua, ena kena mataqali, kei na kau vuata, ia na sorena sa tiko ga kina e vuravura, ia a sa yaco me vaka na noqu vosa.

    12 A sa vakatubura na co ko vuravura, na co kecega sa vakasorena ena kena mataqali, kei na kau dau vua, sa tiko kina na sorena, ena kena mataqali; ia koi Au na Kalou, au sa raica ni sa vinaka na veika au sa kitaka.

    13 Ia na yakavi kei na mataka sa kena ikatolu ni siga.

    14 Ia koi Au na Kalou, au sa kaya: Me tu na rarama e maliwa lala ni lomalagi, me wasea na siga mai na bogi, io me ivakatakilakila tale ga ni gauna, kei na siga, kei na yabaki.

    15 Ia me rau vunirarama mai na maliwa lala kei lomalagi me vakararamataki vuravura; a sa vakakina.

    16 Ia koi Au na Kalou, au sa bulia e rua na vunirarama lelevu; na avunirarama levu me lewa na siga, kei na vunirarama lailai me lewa na bogi, ia na vunirarama levu na matanisiga, ka vunirarama lailai na vula; ia na kalokalo talega sa buli me vaka na noqu vosa.

    17 Ia koi Au na Kalou, au sa vakatikori rau ena maliwa lala kei lomalagi me vakararamataki vuravura.

    18 Ia na matanisiga sa lewa na siga, kei na vula sa lewa na bogi; ka me wasea na rarama mai na butobuto; ia koi Au na Kalou, au sa raica ni sa vinaka na veika au sa kitaka;

    19 Ia na yakavi kei na mataka sa kena ikava ni siga.

    20 Ia koi Au na Kalou au sa kaya: Me vakatubura vakalevu sara na wai na ka sa lako voli ka bula rawa; kei na manumanu vuka me vuka voli e delai vuravura ena maliwa lala ni lomalagi.

    21 Ia koi Au na Kalou, au sa bulia na aika lelevu ka rerevaki, kei na ka buli kecega sa bula ka yavavala rawa, sa vakatubura vakalevu na wai, ena kedra mataqali; ia koi Au na Kalou, au sa raica ni sa vinaka na veika kecega au sa kitaka.

    22 Ia koi Au na Kalou, au sa vosa vakalougatataki ira ka kaya: Dou luvea ka atubu me lewe vuqa, ka vakatawa na wai ni veiwasawasa; ia me tubu talega me lewevuqa na manumanu vuka e vuravura.

    23 Ia na yakavi kei na mataka sa kena ikalima ni siga.

    24 Ia koi Au na Kalou, au sa kaya: Me vakatubura na ka bula na qele ena kedra mataqali, na manumanu e yavaiva, kei na ka sa qasi voli, kei na manumanu tawa lasa ni vanua, ena kedra mataqali, ka sa vakakina;

    25 Ia koi Au na Kalou, au sa bulia na manumanu tawa lasa ni vanua ena kedra mataqali, kei na manumanu e yava i va ena kedra mataqali, kei na ka kecega sa qasi voli e dela ni vanua ena kedra mataqali; ia koi Au na Kalou, au sa raica ni sa vinaka na veika kecega oqo.

    26 Ia koi Au na Kalou, au sa kaya vua na noqu aLe Duabau ga, o koya sa tiko vata kei au mai na ivakatekivu: Me daru ia ka bbulia na tamata ena kedaru cibulibuli, ka me ucui kedaru; a sa vakakina. Ia koi Au na Kalou, au sa kaya: Me ra dlewa na ika ni veiwasawasa, kei na manumanu vuka ni macawa, kei na manumanu e yavaiva, kei vuravura taucoko, kei na ka kecega sa qasi voli e delai vuravura.

    27 Ia koi au na aKalou, au sa bulia na tamata ena kequ ibulibuli, io Au sa buli koya ena kena ibulibuli na noqu Le Duabau ga; au sa bulia na tagane kei na yalewa.

    28 Ia koi au na Kalou, au sa vosa vakalougatataki rau, ka kaya vei rau: Drau vakaluveni, ka atubu me lewe vuqa, ka vakatawai vuravura, ka vakamalumalumutaka, ka lewa na ika ni waitui, kei na manumanu vuka ni macawa, kei na ka bula kecega sa veitosoyaki voli e delai vuravura.

    29 Ia koi Au na Kalou, au sa kaya vua na tamata: Raica, au sa solia vei kemudrau na co kecega sa vakasorena, sa tu e delai vuravura taucoko, kei na kau kecega sa tu kina na vua ni kau sa vakasorena; ko ya ena kemudrau akakana.

    30 Ia ki na manumanu tawalasa kecega ni vanua, kei na manumanu vuka kecega ni macawa, kei na ka kecega sa qasi voli e delai vuravura, ka’u sa solia kina na bula; au sa solia na co drokadroka kecega me kedra kakana; a sa yaco me vakakina, ena noqu vosa.

    31 Ia koi Au na Kalou, au sa vakaraica na ka kecega au sa bulia, ka’u raica ni sa avinaka sara na veika kecega au sa bulia; ia na yakavi kei na mataka sa kena bikaono ni siga.