1 Kavakava tauna bae matauraia na dia namo;una na snow siahu negana ai eiava medu taboro negana ai na heto.

2 Bisini e roho loaloamu eiava aibisi e roho laomu na heto,heuduguirai asi badina na gabu ta ai se roho kaumu.

3 Hekwadi varona na hosi ena, hahekau varona na doniki ena,bona hekwadi auna na kavakava tauna doruna ena.

4 Kavakava tauna na ena kavakava heḡereḡerena ai basio haere henia,ia ida ba heḡereḡere na garina.

5 Kavakava tauna na ena kavakava heḡereḡerena ai ba haere henia,ia sibona ena ita-ita ai baine aonega na garina.

6 Gwaukau herevana na kavakava tauna imana ai e siaia laomu tauna esesibona aena e utu ohomu bona daḡedaḡe e inuamu.

7 Hereva lada-isina kavakava taudia ududia ai naae-hedairike tauna aena e heveriverimu na heto.

8 Kavakava tauna e matauraiamu tauna benadi na vilipopo ai e kwatua kaumu tauna na heto.

9 Hereva lada-isina kavakava taudia ududia ai nakekero tauna imana e gwadaiamu giniginina na heto.

10 Kavakava tauna eiava kekero tauna raka-hanaina ai e vatuamu tauna napeva tauna taunimanima iboudiai e haberodiamu na heto.

11 Kavakava tauna ena kara kava ma e karaia loumu namumutana e lou heniamu sisiana na heto.

12 Tau ta o itaiamu, ia sibona namona e gwauraiamu?Kavakava tauna na sisina baine namo,a una tau na basine namo diba.

13 Lahedo tauna na e tomu “Leona ta na dala ai;leona ta na ariara ai”.

14 Iduara na garugaruna ai e davedavemu na heto,lahedo tauna na ena mahuta patana ai unu e davedave tomamu.

15 Lahedo tauna ese imana na dihu ai e dau dobimu;ma baine abia isi uduna ai na e hesikulaiamu.

16 Lahedo tauna sibona ena ita-ita ai ena aonega esemai lalo-pararadia ida e haeremu taudia hahitu e hereadiamu.

17 Haida edia heai lalonai e vareaimu tauna besisia na raka-hanaina ai taiana ai e abiamu tauna na heto.

18-19 Dekena tauna e koiamu, bena e tomu“Lau be na hevaseha mo” tauna nakava tauna lahi tutudia bona diba bona masee tahodiamu na heto.

20 Asi rakuraku audia dainai lahi na e bodomu;bona asi hemaunu tauna gabuna ai heai e dokomu.

21 Badu haraḡa tauna ese heai e havaraiamu,guma gida latanai eiava au lahi latanai na heto.

22 Hemaunu tauna ena hereva na aniani namodia taidia na heheto,boga ai e dihomu.

23 Bibinana e manada-manadamu a lalona e dikamu tauna nauro mai kopina kavari-kavarina na heto.

24 E heinaimu tauna na bibinana amo e helao ahumu,bona koikoi na lalona ai e huniamu danu;

25 hereva manadadia e gwauraimu negana ai basio kamonai henia,badina be lalo-hadai dika-rohorohodia hitu na ia lalona ai mimia.

26 Ena be ena heinai na koikoi ai e heḡova ahumu,to ena dika na hebou ai baine hedinarai.

27 Guri e ḡeiamu tauna na lalonai baine moru dobi,bona e hekeimu nadina ese e keiamu tauna na baine keia tao.

28 Koikoi malana ese e koidiamu taudia na e inai henidiamu,bona hahenamo koikoi herevadia e gwauraimu uduna ese hahebuatari e havaraiamu.