¶ 1 KOE mea manuki ae kava, bea koe mea fakatubu lili ae kava malohi: bea ko ia kuo kākā‘i aki ia oku tae boto.

2 Koe tubutamaki oe tu‘i oku hage koe gugulu ae laione; bea ko ia oku ne fakatubu ene houhau oku fai agahala ia ki hono laumalie oona.

3 Koe mea ogoogolelei i ha tagata ke ne tuku ae ke: ka oku fie kau ai ae vale kotoabe.

4 Oku ikai ke keli ae fakabikobiko koeuhi koe momoko; koia te ne faa kole ai i he ututa‘u, ka e ikai ma‘u ha mea.

5 Oku hage koe vai loloto ae boto i he loto oe tagata; ka e fuji hake ia e he tagata faa fakakaukau.

6 Oku toko lahi ae kakai oku taki taha viki i he ene lelei aana: ka kohai oku ne faa ilo ki ha tagata agatonu?

7 Oku eveeva ae tagata agatonu i he ene maonioni: oku monuia a ene fānau kimui iate ia.

8 Koe tu‘i oku nofo i he nofoa oe fakamāu, oku ne fakahe‘e ae kovi aki hono fofoga.

9 Kohai oku ne faa lea o behe, Kuou fakamaa hoku loto, oku ou maa au mei he eku agahala?

10 Koe fai kehekehe i he fakamamafa mea, moe fai kehekehe i he fuofua mea, oku fakatou fakalielia tatau kia Jihova.

11 Naa moe tamajii oku ilo ia i he ene faiaga, be oku maa ene gaue, be oku totonu ia.

12 Kuo fakatou gaohi e Jihova ae teliga ke fanogo moe mata ke jio aki.

13 Oua naa ke manako ki he mohe, telia naa ke hoko o majiva ai: ke a be ho mata, bea e fakamakona koe aki ae ma.

14 Oku behe eia oku fakatau, koe mea noabe ena, koe mea noabe ena, ka oka alu ia i hono hala, oku ne toki bolebole.

15 Oku ai ae koula, bea taefaalaua ae gaahi maka koloa; ka koe teuga mahuiga ae lougutu oe boto.

16 Ke too be ae kofu oona oku togia ha taha oku tae ilo‘i: bea ke ma‘u mei ai ae tuku baaga koe lagomekina oe fefine muli.

17 Koe ma oku ma‘u i he kākā oku ifoifo lelei ki he tagata: ka e toki fakafonu kimui a hono gutu aki ae bata.

18 Oku tuu mau ae tuutuuni kotoabe i he fakakaukau: bea ka hoko ae tau, ke tomua fakakaukau lelei ki ai.

19 Ko ia oku alu fano koe faa fafana oku fakaha eia ae gaahi tala fufu: koia oua naa ke kau kiate ia oku faa labu aki hono lougutu.

20 Ko ia kotoabe oku kabe ki he ene tamai be ki he ene fa‘e, e tamate‘i ke mate a hono māma i he fakabouli oe uliuli.

21 E faa ma‘u fakavave ha tofia i he kamataaga; ka e ikai fakamonuia ia i hono ikuaga.

22 Oua naa ke behe ekoe, Teu totogi e au ki he kovi; ka ke tatali be kia Jihova, bea te ne fakamoui koe.

23 Koe fai kehekehe i he fakamamafa mea, koe fakalielia ia kia Jihova: bea koe mea fakamamafa kākā oku ikai lelei ia.

24 Oku bule be a Jihova ki he tagata i hono gaahi aluaga: bea koia, e faa ilo‘i fefe e he tagata a hono hala oona?

25 Koe kai oe mea oku tabu koe tauhele ia ki he tagata kuo ne fai ia: bea oku behe foki ae fai oe fuakava, kae toki fehui kimui ki hono uhiga.

26 Oku fakamovetevete ae agahala e he tu‘i oku boto; o ne taomi akinautolu aki ae mea teka.

27 Koe laumalie oe tagata koe māma ia mei a Jihova, oku fakamāma ae botu kotoabe oku i loto iate ia.

28 Oku fakamoui ae tu‘i e he aloofa moe mooni: bea oku fokotuu mau hono nofoa i he aloofa.

29 Koe toulekeleka oe kau talavou a ho nau malohi: bea koe mea matamata lelei i he kau mātua ko ho nau ulu hina.

30 Koe lavea oku toka uli koe faitoo ia ki he kovi: oku behe foki hono aoga oe tautea ki he gaahi botu i loto.