¶ 1 KOE gaahi lea fakatātā a Solomone. Oku fakafiefia‘i ae tamai e he foha oku boto: ka koe tama vale koe fakaogojia ia ki he ene fa‘e.

2 Oku ikai aoga ae koloa oe agahala: ka oku fakamoui mei he mate e he maonioni.

3 E ikai tuku e Jihova ke fiekaia ae laumalie oe maonioni: ka oku liaki eia ae koloa ae agahala.

4 Koia oku fai aki ae nima vaivai e fakaaau ia ke majiva: ka oku fakakoloaia e he nima oku faa gaue.

5 Koe foha boto ia aia oku utu mai i he faahita‘u mafana: ka koia oku mohe i he lolotoga ae ututa‘u koe foha ia oku  tau ma ai.

6 Oku hilifaki ae gaahi tabuaki ki he ulu oe agatonu: ka oku tabuni aki ae fakamalohi ae gutu oe agakovi.

7 Oku monuia ae fakamanatu ki he agatonu: ka e bobo ae higoa oe agahala.

8 E ma‘u ae gaahi fekau ekinautolu oku loto boto: ka e higa ae vale oku faa lau.

9 Oku alu malohi ia aia oku eveeva i he agatonu: ka koia oku femioaki hono gaahi hala e iloa ia.

10 Oku tubu ae mamahi iate ia oku kakamo aki hono mata: bea e higa ae vale oku faa lau.

11 Koe gutu oe tagata maonioni koe matavai oe moui: ka oku tabuni aki ae fakamalohi ae gutu oe agakovi.

12 Oku tubu mei he fehia ae fekeikei: ka oku ufiufi e he ofa ae agahala kotoabe.

13 Oku ilo ae boto i he lougutu oona oku faa ilo: ka koe mea ta ki he tua oona oku majiva fakakaukau.

14 Oku tokonaki e he kakai boto ae ilo: ka oku ofi ae gutu oe vale ki he fakaauha.

15 Koe kolo malohi oe tagata koloaia ko ene koloa: ka e auha ae majiva koe nau majiva.

16 Oku tautonu ki he moui ae gaue ae maonioni: ka koe fua oe kakai agakovi ki he agahala.

17 Koia oku ne ma‘u ae tala fakaboto oku i he hala ki he moui: ka koia oku liaki ae valoki oku he ia.

18 Koia oku fufu ene fehia aki ae lougutu loi, mo ia oku leaaki ae mea fakakovi‘i, oku fakatou vale.

19 I he lahi oe lea oku ikai ke majiva ia i he agahala: ka koe boto ia aia oku taofi ki hono lougutu.

20 Oku tatau moe siliva lelei ae elelo oe agatonu: ka oku tae aoga ae loto oe agahala.

21 Oku fafaga‘i ae toko lahi e he lougutu oe maonioni: ka oku mate ae kakai vale koe mea i he e nau majiva boto.

22 Koe tabuaki mei a Jihova, oku ne fakama‘umea‘i, bea oku ikai te ne omi mo ia ha mamahi.

23 Oku hage koe mea vaiga ki he vale a ene fai kovi: ka oku i he tagata faa fakakaukau ae boto.

24 E hoko mai be ki he agahala a ene manavahe: ka e foaki ki he maonioni ae mea oku ne holi ki ai.

25 O hage koe mole atu ae ahiohio, oku behe ae agahala: ka oku i he maonioni ae tuuga taegata.

26 O hage koe vaimahi ki he nifo, moe ohuafi ki he mata, oku behe ae fakabikobiko kiate kinautolu oku nau fekaua ia.

27 Oku fakalahi ae gaahi aho e he manavahe kia Jihova: ka e fakanounou ae gaahi ta‘u oe agahala.

28 Koe amanaki lelei oe maonioni koe fiefia ia: ka e auha ae amanaki oe agahala.

29 Koe hala o Jihova koe malohi ia ki he agatonu: ka e hoko ae fakaauha kiate kinautolu oku gaue i he agahala.

30 E ikai aubito faa ue‘i ae maonioni o taegata: bea e ikai nofo i mamani ae kakai agahala.

31 Oku omi mei he gutu oe agatonu ae boto: ka e motuhi ae elelo oe talagataa.

32 Oku ilo e he lougutu oe maonioni ae mea oku lelei: ka oku leaaki ae kovi e he gutu oe agahala.