Koe Tohi ae Balofita ko Hosea

¶ 1 NAE hoko ae folofola a Jihova kia Hosea, koe foha o Beli, i he gaahi aho o Usia, mo Jotame, mo Ahasi, mo Hesekaia, koe gaahi tu‘i o Juta, bea i he gaahi aho o Jeloboami koe foha o Joasi, koe tu‘i o Isileli.

2 Ko hono kamataaga oe folofola a Jihova ia Hosea. Bea nae behe e Jihova kia Hosea, Alu, o omi kiate koe ha unoho mei he feauaki moe fānau ae feauaki: he kuo fai e he fonua ae feauaki lahi, o nau mahui mei a Jihova.

3 Bea nae alu ia o ne omi a Komela, koe ofefine o Tibilemi; bea nae tuituia ia mo fanau‘i ha tama tagata kiate ia.

4 Bea nae behe e Jihova kiate ia, Ke ke ui hono higoa ko Jesilili; he oku toetoe jii, bea teu totogi ae toto o Jesilili ki he fale o Jehu, bea teu fakagata ae buleaga oe fale o Isileli.

5 Bea e hoko i he aho koia teu feji‘i ae kaufana a Isileli, i he telea o Jesilili.

¶ 6 Bea nae toe tuituia ia, bea fanau‘i ha tama fefine. Bea nae behe  e he Otua kiate ia, Ke ke ui hono higoa ko Loluhama: koeuhi e ikai teu toe aloofa ki he fale o Isileli, ka teu matuaki ave akinautolu.

7 Ka teu aloofa ki he fale o Juta, bea teu fakamoui kinautolu ia Jihova koe Otua, ka e ikai teu fakamoui aki akinautolu ae kaufana, be koe heleta, be koe tau, be koe faga hose, be koe kau tagata heka hose.

¶ 8 Bea hili ene fakamavae a Loluhama naa ne tuituia, bea faele‘i ha tama tagata.

9 Bea nae toki behe  e he Otua, Ke ke ui hono higoa ko Loami: he oku ikai ko hoku kakai akimoutolu, bea oku ikai ko ho mou Otua au.

¶ 10 Ka ko hono toko lahi oe fānau a Isileli, e hage koe oneone oe tahi aia e ikai faa fua be lau; bea e hoko i he botu nae behe kiate kinautolu, Oku ikai ko hoku kakai akimoutolu, e behe i ai kiate kinautolu, Koe gaahi foha akimoutolu oe Otua moui.

11 Bea e toki tanaki fakataha ae fānau a Juta moe fānau a Isileli, bea e tuutuuni ha ulu be taha mo onautolu, bea te nau ha‘u mei he fonua: koeuhi e lahi ae aho o Jesilili.