¶ 1 BEA e hoko o behe, i he fai ae gaahi mea ni kotoabe kiate koe, ae tabuaki moe malaia, aia kuou fokotuu i ho ao, bea ke fakamanatu ki he gaahi mea ni i he buleaga kotoabe, aia kuo kabuji koe ki ai e Jihova ko ho Otua,

2 Bea ke tafoki kia Jihova ko ho Otua, o fai talagofua ki hono le‘o o fakatatau ki he mea kotoabe aia oku ou fekau kiate koe he aho ni, akoe mo hoo fānau, aki ho loto kotoa bea i ho laumalie kotoa;

3 E toki liliu ai e Jihova ko ho Otua a ho bobula, bea e aloofa  ia kiate koe, bea e tafoki  ia o tanaki koe mei he gaahi buleaga kotoabe, aia kuo fakamovetevete koe ki ai e Jihova ko ho Otua.

4 Kabau oku ai hao niihi kuo kabuji atu ki he botu mamaoage aubito oe lagi, e tanaki koe mei ai e Jihova ko ho Otua, bea te ne omi koe mei ai:

5 Bea e omi koe e Jihova ko ho Otua ki he fonua aia nae ma‘u e hoo gaahi tamai, bea te ke ma‘u ia; bea e fai lelei eia kiate koe, bea fakatokolahi hake koe i hoo gaahi tamai.

6 Bea e kamu‘i ho loto e Jihova ko ho Otua, moe loto o ho hako, ke ke ofa kia Jihova ko ho Otua aki ho loto kotoa, bea i ho laumalie kotoa, koeuhi ke ke moui.

7 Bea e ai e Jihova ko ho Otua ae gaahi malaia ni kotoabe ki ho gaahi fili, bea kiate kinautolu oku fehia kiate koe, mo fakataga‘i koe.

8 Bea te ke tafoki o fai talagofua ki he le‘o o Jihova, o fai ae gaahi fekau ni kotoabe aia oku ou fekau kiate koe he aho ni.

9 Bea e fakamonuia‘i koe e Jihova ko ho Otua i he gaue kotoabe a ho nima, i he fua o ho jino, i he fua o hoo faga manu, bea i he fua o ho fonua, ke ke lelei ai: koeuhi e toe fiefia a Jihova kiate koe i he lelei, o hage ko ene fiefia ki hoo gaahi tamai:

10 Kabau te ke tokaga ki he le‘o o Jihova ko ho Otua, ke tauhi ene gaahi fekau mo ene gaahi tuutuuni aia kuo tohi i he tohi oe fono ni, bea kabau te ke tafoki kia Jihova ko ho Otua aki ho loto kotoa, mo ho laumalie kotoa.

¶ 11 He koe fekau ni aia oku ou fekau ai kiate koe he aho ni, oku ikai lilo meiate koe, bea oku ikai mamao ia iate koe.

12 Oku ikai i he lagi ia, koeuhi ke ke behe ai, Kohai e alu hake ki lagi maa tautolu, bea omi ia kiate kitautolu, koeuhi ke tau fanogo ki ai, o fai ia?

13 Bea oku ikai mamao atu ia i he tua tahi, koeuhi ke ke behe ai, Kohai e alu mamao atu i he tahi bea omi ia kiate kitautolu, koeuhi ke tau fanogo ai, bea fai ia?

14 Ka oku ofi aubito ae lea kiate koe oku i ho gutu, bea i ho loto, koeuhi ke ke fai ki ai.

¶ 15 Vakai, kuou fokotuu i ho ao he aho ni ae moui moe lelei, moe mate moe kovi;

16 Koeuhi i he eku fakau kiate koe he aho ni ke ke ofa kia Jihova ko ho Otua, ke alu i hono gaahi hala, bea tauhi ene gaahi fekau mo ene gaahi tuutuuni mo ene gaahi fakamāu, koeuhi ke ke moui bea hoko o toko lahi: bea e tabuaki koe e Jihova ko ho Otua i he fonua aia oku ke alu ki ai ke ma‘u ia.

17 Bea kabau e tafoki ho loto, bea ikai te ke tokaga, kae tohoekina koe ke mamao, bea  ke lotu ki he gaahi otua kehe, bea tauhi akinautolu;

18 Oku ou valoki akimoutolu he aho ni koe mooni te mou auha, bea e ikai te mou fakatologa ho mou gaahi aho i he fonua, aia oku mou alu ai ki he kau vai e taha o Joatani ke ma‘u ia.

19 Oku ou ui ki he lagi mo mamani ke fakamooni he aho ni, kuou fokotui: i ho mou ao ae moui moe mate, ae tabuaki moe malaia: koia ke ke fili ae moui, koeuhi ke moui fakatouoji ai koe mo ho hako:

20 Koeuhi ke ke ofa kia Jihova ko ho Otua, bea ke fai talagofua ki hono le‘o, bea koeuhi ke ke bikitai kiate ia: he ko hoo mouiaga ia, moe fakatologaaga o ho gaahi aho: koeuhi ke ke nofo ai koe i he fonua aia nae fuakava ki ai e Jihova ki hoo gaahi tamai, kia Ebalahame, mo Aisake, bea mo Jekobe, ke foaki kiate kinautolu.