¶ 1 BEA nae kei mānava aki e Saula ae lea fakamanavahe moe fakabo ki he kau akoga ae Eiki, bea alu ia ki he taulaeiki lahi,

2 O kole mei ai ae tohi ki he gaahi fale lotu i Tamasikusi, koeuhi ka ilo eia ha niihi, ae tagata be koe fefine, i he hala ko eni, ke ne omi ha‘ijia akinautolu ki Jelusalema.

3 Bea i he ene fonoga, kuo ofi ki Tamasikusi: bea fakafokifa nae malama takatakai iate ia ae māma mei he lagi:

4 Bea to ia ki he kelekele, o ne fanogo ki he le‘o nae behe mai kiate ia, E Saula, e Saula, koeha oku ke fakataga ai au?

5 Bea ne behe, Eiki kohai koe? Bea behe mai e he Eiki, Ko au Jisu oku ke fakataga‘i: koe mea faigataa hoo akahi ae mea majila.

6 Bea tetetete ia mo ofo lahi, o ne behe, Eiki, ko ho finagalo keu fai ae ha? Bea  behe e he Eiki kiate ia, Tuu, o alu ki he kolo, bea e fakaha kiate koe aia oku totonu te ke fai.

7 Bea nae tuu taefaalea ae kau tagata nae fonoga mo ia, o nau fanogo be ki he le‘o, kae ikai jio ki ha taha.

8 Bea tuu hake a Saula mei he kelekele; bea i he a a hono mata, kuo ikai ilo eia ha mea: ka naa nau taki nima ia, o omi ki Tamasikusi.

9 Bea nae kui ia i he aho e tolu, bea nae ikai ke kai be inu.

¶ 10 Bea nae i Tamasikusi ae akoga e toko taha, ko Ananaia hono higoa; bea nae folofola ae Eiki kiate ia i he mea nae ha mai,  o ne behe, Ananaia. Bea behe eia, Vakai, ko au, Eiki.

11 Bea  behe ae Eiki kiate ia, Tuu, o alu ki he hala oku ui koe Totonu, bea ke fehui i he fale o Jutasi kiate ia oku ui ko Saula, mei Tasusi: bea vakai, he oku lotu ia:

12 He kuo ne mamata I he mea ha mai ki he tagata ko Ananaia hono higoa, oku aluage mo hilifaki hono nima kiate ia, koeuhi ke a hono mata.

13 Bea toki behe e Ananaia, Eiki, kuou fanogo i he toko lahi, ki he kovi lahi kuo fai e he tagata ni ki ho kakai maonioni i Jelusalema:

14 Bea mo ene ma‘u i heni ae fekau mei he kau taulaeiki lahi, ke ha‘i akinautolu kotoabe oku ui ki he huafa.

15 Ka nae behe e he Eiki kiate ia, Alu koe: he koe mea gaue ia kuo fili maaku, ke fakaha hoku huafa ki he gaahi Jenitaile, moe gaahi tu‘i, bea moe fānau a Isileli:

16 He teu fakaha kiate ia ae mea lahi e mamahi ai ia koeuhi ko hoku higoa.

17 Bea nae alu a Ananaia, o hu ki he fale; bea ne hilifaki hono nima kiate ia, mo ne behe, E kaiga Saula, koe Eiki ko Jisu, aia nae ha mai kiate koe i he hala naa ke ha‘u ai, kuo ne fekau au koeuhi ke a ho mata, bea ke fakabito aki koe ae Laumalie Maonioni.

18 Bea fetoki fakafokifa mei hono mata  ae mea o hage koe uno‘i ika: bea a leva ia, bea tuu, o babitaiso.

19 Bea hili ene kai naa ne malohi. Bea nae nonofo a Saula moe kau akoga i Tamasikusi i he gaahi aho niihi.

20 Bea kamata leva eia ke malaga aki a Kalaisi koe Alo ia oe Otua, i he gaahi fale lotu.

21 Ka nae ofo akinautolu kotoabe nae fanogo, mo nau behe; Ikai ko eni ia nae fakabogi akinautolu nae ui ki he higoa ni i Jelusalema, bea nae ha‘u foki ki heni ke ne ave ha‘ijia akinautolu ki he kau taulaeiki lahi?

22 Ka nae tubulaki ae malohi ia Saula, bea naa ne fakatafuua ae kakai Jiu nae nofo i Tamasikusi, o ne fakamooni koe Kalaisi eni.

¶ 23 Bea kuo hili ae gaahi aho lahi, nae fakakaukau ae kakai Jiu ke tamate‘i ia:

24 Ka nae ilo e Saula e nau toitoi‘i ia. Bea naa nau leohi ae gaahi mataba i he aho moe bo ke tamate‘i ia.

25 Bea nae toki ave bouli ia e he kau akoga, o tukutuku hifo i he kato mei hea.

26 Bea i he hoko a Saula ki Jelusalema, nae fie ului ia ki he kau akoga: ka nae manavahe kotoabe kiate ia, he nae ikai te nau tui koe akoga ia.

27 Ka nae too ia e Banebesa o omi ki he kau abosetolo, bea naa ne fakaha kiate kinautolu a ene mamata ki he Eiki i he hala, mo ene folofola kiate ia, bea mo ene malaga malohi i Tamasikusi i he huafa o Jisu.

28 Beo nae nofo ia bea felemofafo mo kinautolu i Jelusalema.

29 Bea nae lea malohi ia i he huafa oe Eiki ko Jisu, mo ne fakakikihi moe kau Elinisito: ka naa nau kumi ke tamate‘i ia.

30 Bea i he ilo eni e he kaiga, naa nau o hifo ia ki Sesalia, bea nau fekau ia  ke alu ki Tasusi.

31 Bea nae toki ma‘u ae fiemalie e he gaahi jiaji i Jutea kotoabe mo Kaleli mo Samelia, bea nae laga hake akinautolu; bea naa nau aeva i he manavahe ki he Eiki, moe fiemalie oe Laumalie Maonioni, bea tubu o toko lahi.

¶ 32 Bea koeni, i he alu fano be a Bita i he gaahi botu, nae hoko hifo foki ia ki he kau lotu nae nofo i Lita.

33 Bea naa ne ilo i ai ha tagata ko Enia hono higoa, bea kuo valu ta‘u ene tokoto i hono mohega, bea nae moua ia i he mahaki tete.

34 Bea behe e Bita kiate ia, Enia, oku fakamoui koe e Jisu Kalaisi: tuu, o takai ho mohega. Bea tuu leva ia.

35 Bea nae mamata kiate ia bea tafoki ki he Eiki akinautolu kotoabe nae nofo i Lita mo Seloni.

¶ 36 Bea nae i Joba ae akoga e taha nae higoa ko Tabaita, koe higoa tatau ia mo Toakasi: bea nae faa fai e he fefine ni ae gaahi gaue lelei moe faa foaki.

37 Bea koeni, nae tuia hono mahaki i he gaahi aho koia, bea bekia: bea kuo nau tatafi ia, naa nau fakatokoto  ia i he botu fale i oluga.

38 Bea nae vaofi a Lita mo Joba, bea i he fanogo ae kau akoga oku i ai a Bita, naa nau fekau ae ogo tagata, o kole kiate ia ke oua naa tuai ene ha‘u kiate kinautolu.

39 Bea tuu a Bita, o alu mo kinaua. Bea kuo hoko atu ia, naa nau omi ia ki he botu fale i louga: bea nae tutuu mo tagi o ofi kiate ia ae kau fefine kotoabe kuo mate ho nau unoho, o nau fakaha ae gaahi kofu tua moe kofu kehekehe nae gaohi e Toakasi, i he ene kei iate kinautolu.

40 Ka kuo tuku atu e Bita akinautolu kotoabe kitua, bea tuulutui ia, o lotu; bea haga ia ki he jino mo ne behe, Tabaita, tuu hake. Bea ne a hake hono mata: bea i he ene mamata kia Bita, naa ne nofo hake.

41 Bea ne mafao hono nima kiate ia,  o fokotuu hake ia, bea kuo ne ui ae kau lotu moe kau fefine kuo mate ho nau unoho, naa ne atu ia kuo moui.

42 Bea nae ogoogoa ia i Joba kotoabe; bea tui ae toko lahi ki he Eiki.

43 Bea koia, nae nofo ai ia, o aho lahi, i Joba, moe toko taha ko Saimone koe tufuga gaohi kili‘i manu.