Vahe 6
1 Koe holi oe kau abosetolo ke ma‘u e he kakai majiva ae mea kai ki he jino, ka nau tokaga foki ke tufahi ae folofola ae Otua, koe mea kai ki he laumalie, 3 oku fakanofo ae kau tagata e toko fitu kuo fili ki he gaue oe tokoni. 5 Ko ho nau toko taha ko Setiveni, koe tagata kuo fonu i he tui, moe laumalie Maonioni. 12 Oku buke ia ekinautolu nae fakakikihi mo ia, 13 bea oku nau fakailo loi kiate ia kuo ne lea kovi ki he fono moe fale lotu lahi.
¶ 1 BEA i he gaahi aho koia, i he tubu o toko lahi ae kau akoga, nae tubu i he kau Elinisito ae lāuga ki he kau Hebelu, koeuhi nae taetokaga‘i e nau kau fefine kuo mate ho nau unoho, i he tufa nae fai i he aho kotoabe.
2 Bea nae fekau e he toko hogofulu ma toko ua ke fakataha mai ae kau akoga, o nau behe, Oku ikai tāu ke mau liaki ae folofola ae Otua, kae tokonaki ki he gaahi keinagaaga.
3 Bea koeni, e kaiga, mou fili meiate kimoutolu ae kau tagata ogoogo leleiia e toko fitu, oku bito i he Laumalie Maonioni moe boto, ke mau fakanofo akinautolu ki he gaue ni.
4 Ka te mau tuku akimautolu mau ai be ki he lotu, bea moe malaga aki ae folofola.
¶ 5 Bea nae lelei ae lea koia ki he kakai kotoabe: bea naa nau fili a Setiveni, koe tagata nae bito i he tui moe Laumalie Maonioni, mo Filibe, mo Bikolo, mo Nikanoolo, mo Taimoni, mo Bamina, mo Nikola koe ului ki he lotu faka Jiu mei Aniteoke:
6 Aia naa nau omi ki he ao oe kau abosetolo: bea hili e nau lotu, nae ai ho nau nima kiate kinautolu.
7 Bea nae mafola ae folofola ae Otua; bea nae fakatokolahi aubito ae kau akoga i Jelusalema; bea talagofua ki he tui ae fuu toko lahi oe kau taulaeiki.
8 Bea kuo bito a Setiveni i he tui moe malohi, nae fai eia ae mea fakaofo moe gaahi mana lahi, i he ao oe kakai.
9 Bea nae tuu ae niihi i he fale lotu, aia oku ui koe fale lotu oe Libataine, moe kau Sailine, moe kau Alekisanitia, mo kinautolu mei Silisia, mo Esia, bea naa nau fakakikihi mo Setiveni.
10 Bea nae ikai te nau faa tali ae boto moe loto naa ne lea aki.
11 Bea naa nau toki fakaloto‘i ae kau tagata, ke nau behe, Kuo mau fanogo ki he ene lea aki ae lea kovi kia Mosese, bea moe Otua.
12 Bea naa nau ue‘i ae kakai, moe mātua, moe kau tagata tohi, ke nau feohofi o buke ia, o omi ki he kau fakamāu,
13 Bea naa nau omi ae kau fakamooni loi, ke nau behe, Oku ikai tuku e he tagata ni ene lea kovi ki he botu maonioni, bea moe fono:
14 He kuo mau fanogo ki he ene behe, Koe Jisu ni o Nasaleti, e fakaauha eia ae botu ni, bea fakakehe ae gaahi gaue nae foaki e Mosese kiate kitautolu.
15 Bea ko kinautolu kotoabe nae nofo i he fakamāu, naa nau jio fakamama‘u kiate ia, o nau vakai ki hono mata kuo hage koe mata o ha agelo.