¶ 1 BEA toki behe e Akiliba kia Baula, Oku tuku kiate koe ke ke fakamatala maau. Bea toki mafao atu e Baula a hono nima, o ne fakamatala maana,  o behe,

2 E tu‘i ko Akiliba, oku ou behe oku ou monuia, i he eku fakamatala maaku i ho ao i he aho ni, ae mea kotoabe oku talatalaaki‘i ai au e he kakai Jiu:

3 Bea ajili be koeuhi oku ke boto i he gaahi gaue moe gaahi mea kotoabe oku eke i he kakai Jiu: koia oku ou kole kiate koe, ke ke kataki be, o fanogo kiate au.

4 Oku ilo e he kakai Jiu kotoabe ae aga o eku moui talu eku kei jii, i he eku nofo talu mei mu‘a mo hoku kakai i Jelusalema;

5 Akinautolu naa nau ilo au mei he kamataaga, o kabau te nau fakamooni, koeuhi naaku moui koe Falesi, o fakatatau ki he faahiga oku tokaga lahi taha be ki he e tau lotu.

6 Bea oku ou tuu ni, bea oku fakamāu‘i au, koe mea i he amanaki ki he talaofa nae fai e he Otua ki he gaahi tamai:

7 Aia foki oku amanaki ke lava‘i e ho tau faahiga e hogofulu ma ua, i he e nau lotu mau i he bo moe aho. Bea koeuhi koe amanaki be koia, e tu‘i ko Akiliba, kuo talatalaaki‘i au e he kakai Jiu.

8 Ka koeha oku mou behe ai, koe mea e ikai te mou faa tui ki ai, ae fokotuu ae mate e he Otua?

9 Koe mooni naaku mahalo eau i hoku loto, oku totonu eku fai kehe moe huafa o Jisu o Nasaleti ae gaahi mea lahi.

10 Bea neu fai foki ia i Jelusalema: bea koe toko lahi oe kakai maonioni neu fakahu ki he fale fakabobula, i he eku ma‘u ae malohi mei he kau taulaeiki lahi; bea naaku kau ki ho nau tamate‘i

11 Bea neu tautea akinautolu o liuga lahi i he fale lotu kotoabe, o fakamalohi‘i ke nau lea kovi, bea naaku loto lili fakamanavahe kiate kinautolu, bea  neu alu ki he kolo kehekehe o fakataga‘i.

12 Bea i he eku alu ki Tamasikusi, kuou ma‘u ae malohi moe tohi mei he kau taulaeiki lahi,

13 Neu mamata, e tu‘i, i he hala i he hoata malie, ki he māma mei he lagi, nae malama lahi ia i he laa, bea nae ulo takatakai ia iate au mo kinautolu naa mau fonoga.

14 Bea kuo mau to kotoabe ki he kelekele, beau fanogo ki he le‘o, oku behe mai kiate au, i he lea faka‐Hebelu, E Saula, e Saula, koeha oku ke fakataga ai au? oku faigataa hoo akahi ae mea majila.

15 Bea neu behe, Eiki, kohai koe? Bea behe mai eia, Ko au Jisu oku ke fakataga‘i.

16 Ka ke tuu hake i ho va‘e: he kuou ha atu kiate koe koeuhi keu fakanofo koe koe faifekau moe fakamooni oe gaahi mea kuo ke mamata ai, moe gaahi mea foki teu fakaha kiate koe;

17 Bea teu fakamoui koe mei he kakai moe gaahi Jenitaile, akinautolu oku ou fekau koe ki ai ni,

18 Ke fakaa ho nau mata, mo fakatafoki akinautolu mei he bouli ki he māma, bea mei he malohi o Setani ki he Otua, koeuhi ke nau ma‘u ae fakamolemole oe agahala, moe tofia fakataha mo kinautolu kuo fakamaonioni‘i i he tui kiate au.

19 Bea talu ai, e tu‘i ko Akiliba, nae ikai teu talagataa ki he mea nae ha mai mei he lagi:

20 Ka neu fuofua fakaha kiate kinautolu i Tamasikusi, bea i Jelusalema, moe gaahi botu kotoabe i Jutea, bea ki he gaahi Jenitaile, ke nau fakatomala bea tafoki ki he Otua, mo fai ae gaue oku tāu moe fakatomala.

21 Bea koeuhi koe gaahi mea ni, nae buke au e he kakai Jiu i he fale lotu lahi, o nau fai ke tamate‘i au.

22 Ka koe mea i he eku ma‘u ae tokoni mei he Otua, koia oku ou kei fai ai o hoko ki he aho ni, o fakamooni ki he iki moe lalahi, o ikai ha mea kehe ka koia nae tala e he kau balofita mo Mosese e hoko mai:

23 Koeuhi e mamahi a Kalaisi, bea koe uluaki ia i he toe tuu mei he mate, bea e fakaha eia ae māma ki he kakai, moe gaahi Jenitaile.

24 Bea fakamatala behe be eia, moe kalaga mai a Fesito, o behe, E Baula, kuo ke faha; kuo fakafaha koe e he boto lahi.

25 Ka nae behe eia, E eiki ko Fesito, oku ikai teu faha; ka oku ou fakaha atu ae lea oe mooni moe boto.

26 He oku ilo‘i ae gaahi mea ni e he tu‘i, oku ou fakamatala ni i hono ao: he oku ou ilo bau oku ikai lilo kiate ia ha mea i he gaahi mea ni; he nae ikai fai ae mea ni i ha tuliki.

27 E tu‘i ko Akiliba, oku ke tui ki he kau balofita? Oku ou ilo oku ke tui.

28 Bea behe e Akiliba kia Baula, Kuo ke meimei fakahehema‘i au keu hoko koe Kalisitiane.

29 Bea behe e Baula, Amujiaage eau ki he Otua, kuo ikai ko koe be, ka ko kinautolu kotoabe foki oku fanogo kiate au i he aho ni, kuo mou meimei tatau, mo matuaki tatau be mo au, ka koe gaahi ha‘i ni be.

30 Bea kuo behe ene lea, bea tuu hake ae tu‘i, moe bule, mo Belenaisi, mo kinautolu naa nau nonofo:

31 Bea kuo nau afe jii mei ai, bea nau alea, o behe, Kuo ikai fai e he tagata ni ha mea oku gali moe mate, be koe ha‘ijia.

32 Bea toki behe e Akiliba kia Fesito, Ka ne tae oua ene behe ke fakamāu ia ia Sisa, behe, kuo lelei ke tukuage ae tagata ni.