¶ 1 BEA jio fakamama‘u a Baula ki he kau fakamāu, bea ne behe, Ae kau tagata koe kaiga, Kuou moui agatonu be i he ao oe Otua o a‘u mai ki he aho ni.

2 Bea nae fekau e Ananaia koe taulaeiki lahi kiate kinautolu nae tuu ofi kiate ia, ke nau jibi‘i hono gutu.

3 Bea toki behe e Baula kiate ia, E ta‘i koe e he Otua, akoe, koe holiji kuo vali hinehina: he oku ke nofo ke fakamāu au o fakatatau ki he fono, bea ke fekau ke ta‘i au o taetatau moe fono?

4 Bea behe ekinautolu nae tutuu ai, Oku ke lea kovi ki he taulaeiki lahi ae Otua?

5 Bea behe e Baula, E kaiga, nae ikai teu ilo koe taulaeiki lahi ia: he kuo tohi, Oua naa ke lea kovi ki he bule a hoo kakai.

6 Ka kuo ilo e Baula koe Satusi ae niihi, bea koe Falesi ae niihi, bea kalage ia i he ao oe kau fakamāu,  o behe, Ae kau tagata koe kaiga, koe Falesi au, bea koe foha oe Falesi: bea koe mea i he amanaki ki he toetuu oe mate oku fakamāu ai au.

7 Bea kuo hili ene lea koia, bea tubu ae kikihi i he kau Falesi moe kau Satusi: bea nae vaeua ae kakai.

8 He oku behe e he Satusi, oku ikai ha toetuu, be ha agelo, be ha laumalie: ka oku tui ki ai fakatouoji be ae kau Falesi.

9 Bea nae tubu ae fuu vālau: bea tuu hake ae kau tagata tohi nae kau moe kau Falesi, bea lea malohi, o behe, Oku ikai te mau ilo ha kovi i he tagata ni: bea kabau kuo lea kiate ia ha laumalie be ha agelo, ke oua naa tau tau‘i ae Otua.

10 Bea kuo tubu ae kikihi lahi, bea i he manavahe ae eiki tau naa haehae a Baula ekinautolu, naa ne fekau ke alu hifo ae kau tau, o omi fakamalohi ia meiate kinautolu, bea omi ki he fale lahi oe kau tau.

11 Bea i he bo koia, nae tuu o omi mai kiate ia ae Eiki, mo ne behe, Baula, ke ke fiemalie: koeuhi e hage ko hoo fakamooni au i Jelusalema, e behe foki hao fakamooni kiate au i Loma.

12 Bea kuo bogibogi ai, bea alea bau ae kau Jiu niihi, mo nau fefuakavaaki, o nau behe, e ikai te nau kai be inu kae oua ke nau tamate‘i a Baula.

13 Bea nae toko fagofulu tubu akinautolu naa nau fai ae fuakava ni.

14 Bea naa nau alu ki he kau taulaeiki lahi moe mātua, o nau behe, Kuo mau fefuakavaaki fakamamafa, e ikai te mau kai ha mea kae oua ke mau tamate‘i a Baula.

15 Bea koeni, ke lea fakataha akimoutolu moe kau fakamāu ki he bule oe kau tau, ke o hifo ia kiate kimoutolu abogibogi, o hage ko haa mou fie fehui fakababau i ha mea kiate ia: bea i he heeki ke teitei ofi ia, te mau tali ke tamate‘i ia.

16 Bea kuo fanogo ae tama ae tuofefine o Baula ki he toitoi e fai, naa ne alu o hu ki he fale lahi oe kau tau, o ne tala ia kia Baula.

17 Bea nae ui e Baula ki he eiki tau e taha, o ne behe, Ke ke ave ae talavou ni ki he bule oe tau: he oku ai ene mea ke fakaha ki ai.

18 Bea ne too ia o ave ki he bule oe tau, o ne behe, Nae ui mai a Baula koe bobula kiate au, o ne kole keu omi ae talavou ni kiate koe, he oku iate ia ae mea ke tala atu kiate koe.

19 Bea buke nima ia e he bule oe tau, o na afe ki he botu lilo, bea ne fehui, Koeha ia oku ke fie tala mai kiate au?

20 Bea ne behe, Kuo alea ae kakai Jiu ke kole kiate koe ke ke o hifo a Baula abogibogi ki he kau fakamāu, o hage ko haa nau fie fehui fakababau i ha mea kiate ia.

21 Kae oua naa ke fai ki ho nau loto: he oku toitoi kiate ia ae kau tagata e toko fagofulu tubu meiate kinautolu, kuo nau fefuakavaaki, e ikai te nau kai be inu, kae oua ke nau tamate‘i ia: bea kuo nau teuteu eni, mo amanaki te ke fai ki ho nau loto.

22 Bea tukuage e he bule oe kau tau ae talavou ke alu, o ne nainai,  o behe, Oua naa ke tala ki ha taha kuo ke fakaha mai ae mea ni kiate au.

23 Bea ui ia ki he ogo eiki tau, o ne behe, Teuteu ae kau tau e toko uageau, ke nau o ki Sesalia, i hono tolu oe feituubo, moe kau tagata heka hose e toko fitugofulu, moe kau tagata too tao e toko uageau;

24 Bea teuteu moe faga manu, ke heka ai a Baula, bea a‘utaki moui ia kia Filike koe tu‘i.

25 Bea naa ne fai ae tohi, o behe:

26 Ko Kalotiusi Lisia ki he tu‘i lelei aubito ko Filike: jiotoofa atu.

27 Nae buke ae tagata ni e he kakai Jiu, o nau fai ke tamate‘i ia: bea neu alu atu moe kau tau, o fakahaofi ia, i he eku ilo koe Loma ia.

28 Bea i he eku fie ilo ae mea oku nau tukuaki‘i ai ia, neu atu ia ki he e nau kau fakamāu:

29 Bea neu ilo kuo tukuaki‘i ia i he gaahi mea oe nau fono, ka nae ikai tukuaki‘i ia i ha mea e totonu ai ke ne mate be ha‘ijia

30 Bea i hono tala mai kiate au oku toitoi ae kau Jiu ki he tagata, neu tuku atu leva ia kiate koe, mo fekau ki he kau tukuaki foki ke nau fakaha i ho ao a hono talatalaaki‘i. Ofa ke ke lelei be.

31 Bea nae toki ave e he kau tau a Baula, o hage koe fekau kiate kinautolu, bea omi bouli ai ki Anitebeta.

32 Bea bogibogi hake, naa nau tukuage ae kau tagata heka hose ke nau o mo ia, kae foki akinautolu ki he fale lahi oe kau tau.

33 Bea i he e nau a‘u atu ki Sesalia, o tuku ae tohi ki he tu‘i, naa nau omi foki a Baula ki hono ao.

34 Bea kuo oji hono lau e he tu‘i  ae tohi, bea ne fehui be oku mei he fonua fe ia. Bea kuo ne ilo koe Silisia ia;

35 Bea ne behe, Teu fanogo kiate koe oka ha‘u ho kau tukuaki‘i. Bea ne fekau ke leohi ia i he fale fakamāu o Helota.