¶ 1 BEA i he tuku ae maveuveu, nae ui a Baula ke ha‘u kiate ia ae kau akoga, o nau feofoofani, bea mahui ia ke alu ki Masitonia.

2 Bea kuo oji ae gaahi botu koia i he ene alu, bea lahi ene akonaki kiate kinautolu, bea alu ia ki Kilisi.

3 O nofo ai i he mahina e tolu. Bea kuo toitoi‘i ia e he kakai Jiu, i he ene teu folau ki Silia, bea loto ia ke toe fokiage ki Masitonia.

4 Bea nae alu mo ia ki Esia a Sobeta mei Belea; mo Alisitako mo Sekunio mei Tesalonika; mo Keio mei Teabe, mo Timote; mo Tikiko mo Talofimo mei Esia.

5 Bea nae muomua akinautolu ni, o tatali mai kiate kimautolu i Taloasi.

6 Bea naa mau folau mei Filibai, i he hili ae gaahi aho  kai ma tae mea fakatubu, bea mau a‘u atu kiate kinautolu i Taloasi i he aho e nima; bea naa mau nofo ai i he aho e fitu.

7 Bea i he uluaki aho oe uike, nae katoa ai ae kau akoga ke tofitofi ma, bea malaga a Baula kiate kinautolu, kuo amanaki alu ia i he abogibogi; bea malaga ia o a‘u ki he tuuabo malie.

8 Bea nae lahi ae m ma i he botu fale ki oluga, kuo nau fakataha ai.

9 Bea nae heka i he kātuba ae talavou e toko taha, ko hono higoa ko Utiko, bea nae mohe mau ia: bea i he malaga fuoloa a Baula, nae higa hifo ia i he mohe, bea to ki lalo mei hono tolu oe fata oe fale, bea hiki hake ia kuo mate.

10 Bea nae alu hifo a Baula, o foohifo iate ia, mo faufua, mo ne behe, Oua te mou mamahi; he oku iate ia a ene moui.

11 Bea kuo alu hake ia o tofitofi ae ma, mo kai, bea nau talanoa o fuoloa, o a‘u ki he maa ae aho, bea toki alu ia.

12 Bea naa nau omi ae talavou kuo moui, bea nae lahi e nau fiemalie.

¶ 13 Bea ne mau muomua ki he vaka, o folau ki Asosi, o mau tokaga ke fakaheka ai a Baula: ko ene fekau ia, he ko hono loto ke hala uta be ia.

14 Bea kuo mau fetaulaki ki Asosi, bea mau fakaheka ia, bea alu ki Meteline.

15 Bea mau folau mei ai, bea bogibogi hake, naa mau hoko o feouga mo Kaio; bea mau a‘u ki Semo i hono aho ua, bea mau nofo i Talokilio; bea a‘u atu i he aho naa na feholo‘i ki Mileto.

16 He kuo bau ae loto o Baula ke oua naa folau ki Efeso, koeuhi ke oua naa fuoloa ai ia ki Esia: he naa ne fakatootoo, o kabau e mafai eia, ke hoko ki Jelusalema i he aho oe Benitekosi.

¶ 17 Bea nae fekau eia mei Mileto, ke ha‘u ae kau mātua oe jiaji mei Efeso.

18 Bea kuo nau ha‘u kiate ia, bea behe eia kiate kinautolu, Talu ae uluaki aho neu ha‘u ai ki Esia, kuo mou ilo ae aga o eku nofo iate kimoutolu i he aho kotoabe,

19 A eku tauhi ae Eiki i he loto agavaivai lahi, moe loimata lahi, moe gaahi ahiahi, nae to kiate au i he toitoi‘i au e he kakai Jiu:

20 Mo eku taetaofi ki ha mea e taha oku aoga, ka kuou fakailo kiate kimoutolu, mo ako fakaha kiate kimoutolu, bea i he gaahi fale,

21 O fakababau atu ki he kakai Jiu, bea moe kakai Kiliki foki, ae fakatomala ki he Otua, moe tui ki ho tau Eiki ko Jisu Kalaisi.

22 Bea koeni, vakai, oku ou alu ha‘ijia i loto ki Jelusalema, bea oku ikai teu ilo ae gaahi mea e hoko mai i ai kiate au:

23 Ka koeni, oku fakamooni mai e he Laumalie Maonioni, o behe, oku tatali be kiate au ae gaahi ha‘i moe mea fakamamahi i he kolo kotoabe.

24 Ka oku ikai ue‘i ai au, bea oku ikai foki teu lau koe mea mahuiga kiate au eku moui, kae kehe keu fakaoji i he fiefia eku lakaga, moe gaue kuou ma‘u mei he Eiki ko Jisu, keu fakamooni ki he ogoogolelei oe aloofa ae Otua.

25 Bea koeni, vakai, oku ou ilo e ikai te mou toe mamata ki hoku mata, ak imoutolu kotoabe kuou malaga aki ki ai ae buleaga oe Otua.

26 Koia oku ou fakababau fakamoomooni atu kiate kimoutolu he aho ni, oku ou maa au mei he toto oe kakai kotoabe.

27 He nae ikai teu taofi ae fakaha kiate kimoutolu ae finagalo kotoabe oe Otua.

28 Koia ke mou vakai kiate kimoutolu, bea moe faga sibi kotoabe, aia kuo fakanofo akimoutolu e he Laumalie Maonioni ko hono kau tauhi, ke mou fafaga ae jiaji ae Otua, aia naa ne fakatau aki hono taataa.

29 He oku ou ilo eni, ka hili eku alu, e ha‘u kiate kimoutolu ae faga uolofi fakamalohi, bea e ikai te nau mamae ki he faga sibi.

30 Bea e tubu foki iate kimoutolu ae kau tagata, te nau ako aki ae mea fakahala, ke tohoaki ae kau akoga ke muimui kiate kinautolu.

31 Koia ke mou leo, bea manatu kuo tolu ta‘u moe ikai teu tuku eku valokiekina akimoutolu taki taha moe loimata i he bo moe aho.

32 Bea koeni, e kaiga, oku ou tuku akimoutolu ki he Otua, bea moe folofola o ene ofa, aia oku ne faa fai ke laga hake akimoutolu, bea ke tuku kiate kimoutolu ae tofia fakataha mo kinautolu kotoabe kuo fakamaonioni‘i.

33 Nae ikai teu manumanu ki he siliva, be ki he koula, be ki he kofu o ha toko taha.

34 Io, oku mou ilo ekimoutolu, koe ogo nima ni kuo na tauhi ki he eku gaahi majiva, bea mo kinautolu nae iate au.

35 Kuou fakaha ae mea kotoabe kiate kimoutolu, koeuhi i he behe‘i a hoo mou gaue, oku totonu ke mou tokoni ki he vaivai, bea manatu‘i ae lea ae Eiki ko Jisu, i he ene behe, Oku monuia lahi hake ae foaki atu i he ma‘u  ae foaki mai.

¶ 36 Bea kuo oji ene lea koia, naa ne tuulutui, o hufia akinautolu kotoabe.

37 Bea naa nau tagi mamahi kotoabe, mo nau faufua i he kia o Baula, o uma kiate ia,

38 O lahi taha be e nau mamahi koeuhi ko ene lea nae behe, e ikai te nau toe mamata ki hono mata. Bea naa nau o mo ia ki he vaka.