Vahe 7
1 Oku ne fai be ene akonaki ke nau moui maonioni, 2 bea ke nau ofa kiate ia o hage be ko ene ofa kiate kinautolu. 3 Bea telia naa hage oku ikai ke ne tui ki he e nau ofa, oku ne fakaha ae fiemalie lahi naa ne ma‘u i he ene gaahi mamahi, koe mea i he ogoogo, lelei nae alu mo Taitusi, koe fakaha oe nau mamahi o tāu moe Otua aia nae tubu mei he uluaki tohi a Baula kiate kinautolu, 13 bea moe nau ofa ogogofua moe talagofua kia Taitusi, o fakatatau ki he ene tomua vikiviki iate kinautolu.
¶ 1 KOIA, e kaiga ofeina, i he e tau ma‘u ae gaahi talaofa ni, ke tau fakamaa akitautolu mei he uli kotoabe oe kakano moe laumalie, o fakahaohaoa ae maonioni i he manavahe ki he Otua.
2 Mou ma‘u akimautolu; nae ikai te mau fai taetotonu ki ha toko taha, nae ikai te mau fakaagahala‘i ha toko taha, nae ikai te mau kākā‘i ha toko taha.
3 Oku ikai teu lea ko ha tautea: he kuo oji eku tala atu, oku mou i ho mau loto ke mau mate mo moui mo kimoutolu.
4 Oku lahi eku faa lea atu kiate kimoutolu, oku ou vikiviki lahi koeuhi ko kimoutolu: kuo fakafonu au i he fiemalie, oku ou fiefia lahi aubito i he e mau mamahi kotoabe.
5 Koeuhi i he e mau hoko ki Masitonia, nae ikai ha mālōlō ki ho mau kakano, ka nae fakamamahi akimautolu mei he botu kotoabe; nae i tua ae gaahi tau, bea i loto ae manavahe.
6 Ka koe Otua, oku ne fakafiemalie‘i akinautolu kuo li ki lalo, naa ne fakafiemalie‘i akimautolu, i he ha‘u a Taitusi;
7 Bea nae ikai i he ene ha‘u be, ka i he fakafiemalie aia nae fakafiemalie ai ia iate kimoutolu, i he ene tala kiate kimautolu hoo mou holi lahi, mo hoo mou mamahi, mo hoo mou feiga kiate au; koia nae ajili ai eku fiefia.
8 He oku ikai teu fakatomala i he eku fakamamahi akimoutolu aki ae tohi, ka naaku fakatomala ai: he oku ou vakai koe tohi koia, kuo ne fakamamahi akimoutolu, kae fuoloa jii be.
9 Ka koeni, oku ou fiefia, oku ikai i ho mou fakamamahi, ka i ho mou mamahi ki he fakatomala: he naa mou mamahi o tāu moe Otua, ke oua naa mou majiva i ha mea e taha iate kimautolu.
10 He koe mamahi oku tāu moe Otua oku ne lagaki ae fakatomala ki he fakamoui, e ikai toe fakatomala ai: ka koe mamahi fakamama, oku ne lagaki ae mate.
11 Vakai eni ki he mea ni be, a hoo mou mamahi o tāu moe Otua, ki he faa fai naa ne fakatubu iate kimoutolu, io, ae fakaataatā okimoutolu, ae fakai-seisa, ae manavahe, ae holi lahi, io, ae fai feiga, ae tautea! kuo mou fakaha aki ia kotoabe a hoo mou ataatā i he mea ni.
12 Koia neu tohi kiate kimoutolu, ka nae ikai koeuhi ko ia be nae fai ae kovi, be ko ia be naa ne mamahi i he kovi, ka koeuhi ke ha ai kiate kimoutolu e mau tokaga kiate kimoutolu i he ao oe Otua.
13 Koia naa mau fiemalie i hoo mou fiemalie: bea nae lahi hake aubito e mau fiefia koeuhi koe fiefia a Taitusi, he nae fakafiemalie‘i hono laumalie ekimoutolu kotoabe.
14 He kabau naaku bolebole i ha mea kiate ia koeuhi ko kimoutolu, oku ikai teu ma ai; kae hage koe mau lea mooni kiate kimoutolu i he mea kotoabe, oku behe be moe mau bolebole i he ao o Taitusi, oku ilo ia koe mooni.
15 Bea ko ene manavaofa oku lahi hake aubito kiate kimoutolu, i he ene manatu ki he talagofua amoutolu kotoabe, bea mo hoo mou ma‘u ia i he manavahe moe tetetete.
16 Bea oku ou fiefia i he eku falala kiate kimoutolu i he mea kotoabe.