Vahe 2
1 Kuo fakaha e Baula ae uhiga o ene taealu atu kiate kinautolu, 6 bea ne fekau ke nau fakamolemolea mo fakafiemalie‘i ae toko taha koia nae tukua, 10 o hage foki koe fakamolemolea ia e Baula i he ene fakatomala mooni, 12 o ne fakamatala ai hono uhiga o ene alu mei Taloasi ki Masitonia, 14 moe foaki e he Otua ke aoga lahi aubito ene malaga i he botu kotoabe.
¶ 1 KA nae bau hoku loto ki he mea ni, e ikai teu toe alu atu kiate kimoutolu i he mamahi.
2 He kabau oku ou fakamamahi‘i akimoutolu, bea kohai ia oku ne faka-fiefia‘i au, ka ko ia kuo fakamamahi‘i iate au?
3 Koia neu tohi ai ae mea koia kiate kimoutolu, telia naa i he eku hoko atu, teu mamahi meiate kinautolu oku totonu keu fiefia ai; bea oku ou falala kiate kimoutolu kotoabe, ko eku fiefia koe fiefia ia o kimoutolu kotoabe.
4 He neu tohi atu kiate kimoutolu i he mamahi lahi moe feiga loto moe loimata lahi: ka nae ikai ke mou mamahi ai, ka koeuhi ke mou ilo ae ofa oku ou ma‘u o lahi aubito kiate kimoutolu.
5 Bea kabau kuo fai fakamamahi e ha taha, oku ikai teu mamahi au, kae i he niihi be: ke oua naaku fakamāfajia akimoutolu kotoabe.
6 Bea kuo lahi ki he toko taha koia ae tautea ni, aia nae ai e he toko lahi.
7 Koia ke oua, ka mou fakamolemole mu‘a, bea fakafiemalie‘i ia, telia naa fogia hifo ae toko taha koia i he mamahi lahi.
8 Koia oku ou kole atu kiate kimoutolu ke mou fakamooni ae ofa kiate ia.
9 He koe mea koia naaku tohi ai foki, koeuhi keu ilo ai ha fakailoga kiate kimoutolu, be oku mou talagofua ki he gaahi mea kotoabe.
10 Ko ia oku mou fakamolemole ha mea ki ai, oku ou fakamolemolea foki: bea ko ia kuou fakamolemolea, o kabau neu fakamolemolea ha mea, naaku fai ia koeuhi ko kimoutolu i he ao o Kalaisi;
11 Telia naa kākā‘i akitautolu e Setani: he oku ikai te tau vale ki he ene gaahi filioi.
12 Ka i he eku hoko atu ki Taloasi, ke malaga aki ae ogoogolelei o Kalaisi, bea fakaava e he Eiki ae mataba kiate au,
13 Nae ikai ha fiemalie i hoku loto, koeuhi nae ikai teu feiloaki mo hoku tokoua ko Taitusi: bea hili e mau mavae mo kinautolu, beau alu mei ai ki Masitonia.
14 Bea koeni, fakafetai ki he Otua, aia oku ne foaki ke mau faa ikuna ia Kalaisi, bea oku ne fofola atu ae gagatu o ene ilo iate kimautolu i he botu kotoabe.
15 He koe gagatu lelei o Kalaisi akimautolu ki he Otua, iate kinautolu kuo fakamoui, bea iate kinautolu oku fakaauha:
16 Koe nanamu oe mate ki he mate ki he niihi; bea ki he niihi koe nanamu oe moui ki he moui. Bea kohai oku tāu moe gaahi mea ni?
17 He oku ikai te mau hage koe toko lahi, oku fai kākā aki ae folofola ae Otua: ka i he mooni, ka i he Otua, bea i he ao oe Otua, oku mau lea kia Kalaisi