ARIT, I-Rom 4:2–5. Kabotaua I-Rom 4:2–5
Te aomata e ti kona ni kamaiuaki n ana akoi Iesu Kristo, ao tiaki ni mwakuri aika irekereke ma kawakinan ana tua Mote.
2 Bwa ngkana e karaoiroaki Aberaam n tuan mwakuri, e na bon kamoamoaa i bon irouna; bwa tiaki mai iroun te Atua.
3 Bwa tera ae taekinaki ni koroboki aika tabu? Aberam e kakoaua te Atua, ao e warekaki ibukina bwa raoiroina.
4 Ngkai ibukin teuare e karaoiroaki n tuan mwakuri, e bon tia ni baireaki kaniwangana, tiaki man te akoi, ma bon man te tarau.
5 Ma nakon teuare e aki ukoukoria bwa e na karaoiroaki n tuan mwakuri, ma e kakoaua teuare e aki karaoiroia aika buakaka, ana onimaki e warekaki bwa te raoiroi.
ARIT, I-Rom 4:16. Kabotaua I-Rom 4:16
Te onimaki ao mwakuri, rinanon te akoi, a uaia ni kainnanoaki ibukin te kamaiuaki.
16 Ngaia are kam a karaoiroaki n te onimaki ao mwakuri, rinanon te akoi, ni karokoa te toki bwa e aonga ni koaua te berita nakoia kanoaia ni kabaneia; tiaki ti nakoia ake ana bwai te tua, ma nakoia naba ake ana bwai ana onimaki Aberaam; are bon tamara ni kabaneira.