JST, Revelesen 2:22. Komperem long Revelesen 2:22
Ol man nogud, Lod i sakemaot olgeta i go long hel.
22 Luk, bambae mi sakemaot hem i go long hel, mo olgeta ia we oli stap mekem adaltri wetem hem long bigfala hadtaem blong olgeta, be nomo sapos oli sakem sin from ol wok blong olgeta.
JST, Revelesen 2:26–27. Komperem Revelesen 2:26–27
Olgeta we oli winim wol ia tru long fasin blong stap obei long ol komanmen blong Kraes, bambae oli rul long kingdom long wol we i stap kam, wetem fet, stret fasin mo jastis.
26 Mo long hem we i win long faet, mo i stap obei ol komanmen blong mi kasem en, bambae mi givim long hem blong hem i gat paoa ova long plante kingdom;
27 Mo bae hem i rulum ol kingdom ia wetem tok blong God; mo bae oli stap long han blong hem semmak olsem ol graon blong klei insaed long han blong man blong mekem graonpot; mo bae hem i lidim ol kingdom ia wetem fet, stret fasin mo jastis, semmak olsem we mi bin kasem long Papa blong mi.