ՋՍԹ, Մատթեոս 4.1, 5–6, 8–9 (համեմատի՛ր Մատթեոս Դ.1, 5–6, 8–9. նմանատիպ փոփոխություններ են կատարվել Ղուկաս Դ.2, 5–11-ում)
(Հիսուսը տարվեց Սուրբ Հոգու կողմից, ոչ թե Սատանայի):
1 Այն ժամանակ Հիսուսը Հոգու կողմից տարվեց անապատ, որ լինի Աստծո հետ:
5 Այն ժամանակ Հիսուսը տարվեց սուրբ քաղաք, և Հոգին կանգնեցրեց նրան տաճարի աշտարակի վրա:
6 Ապա դևը եկավ նրա մոտ և ասաց. Եթե դու Աստծո Որդին ես, ապա ցած գցիր քեզ. որովհետև գրված է՝ Իր հրեշտակներին կհրամայի քեզ համար. և իրենց ձեռքերի վրա կբարձրացնեն քեզ, որ չլինի թե ոտքդ քարին դիպչի:
8 Եվ դարձյալ, Հիսուսը Հոգում էր, և այն բարձրացրեց նրան չափազանց բարձր մի սար, և նրան ցույց տվեց աշխարհի բոլոր թագավորություններն ու դրանց փառքը:
9 Եվ դևը կրկին եկավ նրա մոտ և ասաց. Այս բոլորը ես կտամ քեզ, եթե ընկնես ու երկրպագես ինձ:
ՋՍԹ, Մատթեոս 4.11 (համեմատի՛ր Մատթեոս Դ.11)
(Հիսուսը հրեշտակներ ուղարկեց, որ ծառայեն Հովհաննես Մկրտչին):
11 Եվ արդ, Հիսուսը գիտեր, որ Հովհաննեսը բանտ էր գցվել, և նա հրեշտակներ ուղարկեց, և ահա, նրանք եկան և ծառայում էին նրան:
ՋՍԹ, Մատթեոս 4.18 (համեմատի՛ր Մատթեոս Դ.19)
(Հին Կտակարանի մարգարեները խոսել են Հիսուսի մասին):
18 Եվ ասաց նրանց. Ես նա եմ, ում մասին գրվել է մարգարեների կողմից. հետևեք ինձ, և ես ձեզ մարդկանց որսորդներ կդարձնեմ:
ՋՍԹ, Մատթեոս 4.22 (համեմատի՛ր Մատթեոս Դ.23)
(Հիսուսը բժշկություններ էր անում նրանց մեջ, ովքեր նրա անվանը հավատում էին):
22 Եվ Հիսուսը ման էր գալիս ամբողջ Գալիլեայով, ուսուցանելով նրանց ժողովարաններում և քարոզելով արքայության ավետարանը. և բժշկելով ամեն հիվանդություն, և ամեն տկարություն՝ այն մարդկանց մեջ, որոնք հավատում էին նրա անվանը: