ARIT, Mareko 9:3. Kabotaua Mareko 9:4
Ioane te Tia Bwabetito e mena i aon te Maunga are Bitaki iai te Rabwata.
3 Ao a kaoti nakoia Eriati ma Mote, ke n taeka tabeua, Ioane te Tia Bwabetito ao Mote; ao a bon taetae ma Iesu.
ARIT, Mareko 9:40–48. Kabotaua Mareko 9:43–48
Iesu e kabotaua kabakuan te bai ke te wae e kabotauaki nakon katokan irekerekeia are a kona ni kaira temanna nakon ae buakaka.
40 Ngaia are, ngkana e kabwakako baim, koroia, ke ngkana tarim e bure nakoim ao e aki kaotia ao n aki mwanuokinna, e na katinanikuaki. E raoiroi riki ibukim bwa ko na rin i nanon te maiu bwa te mauku, nakon ae iai uaai baim, n rin nako moone.
41 Bwa e raoiroi riki ibukim bwa ko na rin i nanon te maiu n akea tarim, nakon ae ngkoe ao tarim kam na teweaki nako moone; i nanon te ai are e aki mamate, ike inoia e aki mamate, ao te ai e aki mamate.
42 Ao teuana riki, ngkana waem e kabwakako, koroia, bwa teuare bon te banna nakoim, are ko katootongnga, ngkana e riki bwa te tia urua te tua, e na katinanikuaki.
43 E raoiroi riki ibukim, bwa ko na rin ni mwauku i nanon te maiu, nakon ae iai uoua waem ao ko na teweaki nako moone; i nanon te ai are e aki kona ni mamate.
44 Ngaia are, a riai aomata nako n tei ke ni bwaka, i bon irouna, ao tiaki ibukin temanna; ke n aki mwioko iroun temanna.
45 Ukoukoria nakon Tamau, ao e na karaoaki n te tai naba anne te bwai are ko bubuti, ngkana ko bubuti ma te onimaki, ni kakoaua bwa ko na karekea.
46 Ao ngkana matam are e taratara ibukim, are ngaia ae e rineaki bwa e na tararuaiko ni kaota nakoim te oota, e riki bwa te tia urua te tua ao e kabwakako, autia kanakoa.
47 E raoiroi riki ibukim bwa ko na rin i nanon uean te Atua, ma ti teuana matam, nakon ae iai uoua matam ma n teweaki nako nanon ain moone.
48 Bwa e raoiroi riki bwa ngkoe ko na kamaiuaki, nakon ae ko na teweaki nako nanon moone ma tarim, ike inoia e aki mamate, ao ike e aki mamate te ai.