1 Ekuqalekeni ivangeli yayishunyayelwa ngoNyana. Kwaye ivangeli ibingulizwi, waye ulizwi ekuye uNyana, waye uNyana ekuye uThixo, noNyana engokaThixo.

2 Yena lowo ebekho ekuqalekeni kuThixo.

3 Izinto zonke zabakho ngaye; engekho yena akubangakho nanye into ethe yabakho.

4 Kuye kwakukho ivangeli, yaye ivangeli ibubomi, nobomi bulukhanyiselo lwabantu;

5 Kwaye ukhanyiselo olo lubonakala ehlabathini, nehlabathi abaluqiqa.

6 Kwakukho mntu uthunyiweyo evela kuThixo, ugama linguYohane.

7 Ofanayo weza ehlabathini ukuba lingqina, ukuze angqine ngalo ukhanyiso, ukuze angqine ngevangeli ngoNyana, kubo bonke, ukuze abantu bakholwe ngaye.

8 Yena lowo ubengelulo olo khanyiso kodwa weza wangqina ngoloo kanyiso,

9 Olwalulu khanyiso oluyinene, olubakhanyiselayo abantu bonke abeza ehlabathini;

10 Nkqu uNyana kaThixo. Lowo waye sehlabathini, kwaye ihlabathi lenziwa nguye, laze ihlabathi alamazi.

11 Weza kokwakhe, baza abakhe abamvuma.

12 Kodwa abaninzi abamkelayo, kubo wabanika igunya lokuba ngoonyana bakaThixo; kuphela abo bakholelwayo egameni lakhe.

13 Ebengazelwanga, ngagazi, nantando yanyama, nantando yamntu kodwa ngokukaThixo.

14 Kwaye kwayena ulizwi waba yinyama, waza wahlala phakathi kwethu, kwaye sabubona ubuqaqawuli bakhe, ubuqaqawuli balowo oKuphela kwamZeleyo uYise, ezele lubabalo nayinyaniso.

15 UYohane ungqina ngaye, wadanduluka, esithi, Lo nguye ebendithetha ngaye; Lowo uzayo emva kwam, usuke waba phambi kwam; kuba waye etanci kunam.

16 Kuba ekuqalekeni ube ekho uLizwi, nkqu uNyana, owaba yinyama, yaye wathunyelwa kuthi yintando kaYise. Kwaye abaninzi abakholwayo egameni lakhe baya kwamkela ukuzaliseka kwakhe. Kwaye enzalisekweni yakhe thina sonke samkela, nkqu ukungafi nobomi obungunaphakade, ngobabalo lwakhe.

17 Ngokuba umthetho wawiswa ngoMoses, kodwa ubomi nenyaniso beza ngoYesu Krestu.

18 Kuba umthetho waba ngumthetho, ngokomyalelo wenyama, ekuzisweni kokufa; kodwa ivangeli yaba semva kwamandla obomi obungenakupheliswa, ngoYesu Krestu, oKuphela koZelweyo uNyana, lowo usesifubeni sikaYise.

19 Kwaye akukho namnye owakha wambona uThixo nangaliphi na ixesha, ngaphandle kokuba unike ubungqina boNyana; kuba ngaphandle kokuba kungaye akukho nomnye unako ukusindiswa.

20 Kwaye obu bubungqina bukaYohane, xa amaYuda ayethuma ababingeleli nabaLevi bephuma eYerusalem, ukuze bambuze; Wena ungubani?

21 Kwaye wavuma, waze akazikhanyela okokuba wayenguEliyasi; kodwa wavuma, esithi; Andinguye uKrestu.

22 Baye bambuza, besithi; UnguEliyasi njani ke? Waye wathi, Andinguye lowo uEliyasi ubeza kubuyisela zonke izinto. Baye bambuza, besithi, Unguye na umprofeti lowo? Wathi ukuphendula, Hayi.

23 Bathi ngoko kuye, Ungabani na ke? ukuze sibaphendule abo basithumileyo. Uthini na ngawe?

24 Wathi, mna ndililizwi lodandulukayo entlango, Yityenenezeni indlela yeNkosi, njengoko watshoyo uIseyasi umprofeti.

25 Baye abo babethunyiwe bengabakubo abaFarisi.

26 Baye bambuza, kwaye besithi kuye; Ubhaptizelani na ke, ukuba wena akunguye uKrestu, naEliyasi owayeza kubuyisela zonke izinto, namprofeti lowo?

27 Wabaphendula uYohane, esithi; Mna ndibhaptiza ngamanzi, ke phakathi kwenu kumi, lowo ningamaziyo nina;

28 Ungondinika ngaye ubungqina. Ungumprofeti lowo, nkqu uEliyasi, lowo, uza emva kwam, wakhethwa waba phambi kwam, endingafanelekileyo mna ukuba ndinyobulele umtya wembadada yakhe, okanye ondawo yakhe mna ndingenako ukuyifinca; kuba uya kubhaptiza, ingengawo amanzi kuphela, kodwa ngomlilo, nangoMoya oyiNgcwele.

29 Ngengomso uYohane umbona uYesu esiza kuye, aze athi; Nantso iMvana kaThixo, ethwala issue isono sehlabathi!

30 Kwaye uYohane wangqina ngaye ebantwini, esithi, Nguye lo ndathi mna; Emva kwam kuza indoda eyakhethwa phambi kwam; ngokuba yayitanci kum, yaye ndayiyazi, nokukuba imele ukwenziwa ibonakale kuSirayeli; ke ngoko mna ndize kubhaptiza ngamanzi.

31 Ke wangqina uYohane, esithi, Xeshikweni ndandimbhaptiza, ndabona uMoya usihla njengehobe uphuma ezulwini, waye wahlala phezu kwakhe.

32 Kwaye ndamazi mna; kuba nguye owandithumayo ukubhaptiza ngamanzi, kwayena owathi kum; Othe wambona uMoya usihla uhlala phezu kwakhe, ikwa nguye lowo ubhaptiza ngoMoya oyiNgcwele.

33 Ndaye ndabona kwaye ndiyangqina, ukuba lo nguye uNyana kaThixo.

34 Ezi zinto zenziwa eBhetabhara, phesheya kweYordan, apho uYohane wayebhaptizela khona.

42 Kwaye wamsa kuYesu. Uthe ke uYesu wondela kuye, wathi, Wena unguSimon, unyana kaYona, kuya kuthiwa unguKefas, oko kukuthi, ngentetho evakalayo, imboni, okanye ilitye. Baye bengabalobi beentlanzi. Baye ngoko nangoko bashiya konke, baza balandela uYesu.