ARIT, Iakobo 2:1. Kabotaua Iakobo 2:1
Kaaina a riai n aki iangoa temanna te aomata bwa e rietata riki nakon temanna.
1 Tariu, kam aki kona ni karekea ana onimaki ara Uea ae Iesu Kristo, Uean te mimitong, ao n iai iroumi te inanonano nakoia aomata.
ARIT, Iakobo 2:14–21. Kabotaua Iakobo 2:14–22
Te onimaki n akea te mwakuri e bon mate ao e aki kona ni kamaiu.
14 Tariu, tera manena, ngkana e taku te aomata bwa bon iai ana onimaki, ao akea ana mwakuri? e kona te onimaki ni kamaiua?
15 Eng, e kona te aomata ni kangai, N na kaotia nakoim bwa iai irou te onimaki n akea taian mwakuri; Ma I kangai, Kaota nakoiu am onimaki ae akea mwakurina, ao N na kaota nakoim au onimaki n au mwakuri.
16 Bwa ngkana akea karaban tarim ke mwaanem ao e kainnano, ao temanna i buakomi e kangai, Nako ma te rau, kam na ang ao kam na nuai; e ngae ngke e aki angania baike e kainnanoi te rabwata; tera manenan am onimaki nakoia naakai?
17 Te onimaki naba, ngkana akea ana mwakuri e bon mate, ngkai ti ngaia.
18 Ngaia are ko riai n ataia, O te aomata ae akea manenam, bwa te onimaki ae akea ana mwakuri e bon mate ao e aki kona ni kamaiuko?
19 Ko kakoaua bwa ti temanna te Atua; eti anne iroum; a kakoaua naba taian riaboro, ao a ruru; ko a tia ni karikiko n aroia, n aki karaoiroaki.
20 Tiaki e bon karaoiroaki tamara are Aberaam n ana mwakuri, ngke e riai n anga Itaaka are natina i aon te baonikarea?
21 Ko nooria bwa e kanga ni mwamwakuri te mwakuri ma ana onimaki, ao man mwakuri e a kakororaoaki te onimaki?