ARIT, Ebera 7:3. Kabotaua Ebera 7:3
Merekitereak bon te ibonga ni katotongan ana botaki Natin te Atua. Ni kabane naake a karekea te nakoanibonga aei a kona n riki n aiaron Natin te Atua.
3 Bwa Merekitereka aei e katabuaki bwa te ibonga ni katotongan ana waaki Natin te Atua, are te waaki are akea tamana, akea tinana, akea ana kateiriki, ae akea moan ana bong, ke tokini maiuna. Ao ni kabane ake a katabuaki nakon te nakoanibonga aei a karaoaki ni katotongan Natin te Atua, n teimatoa bwa te ibonga n aki toki.
ARIT, Ebera 7:19–21. Kabotaua Ebera 7:19–21
Te tua e katauraoia aomata ibukin Iesu, are bon “te kakoaua raoi ibukin taeka ni kakoaua ae raoiroi riki.”
19 Bwa e bon kamwakuraki te tua n akea te berita ao e aki kakororaoa te bwai teuana, ma bon ti karinan te kantaninga ae raoiroi riki; ae ti kaania te Atua iai.
20 Ngkana teibonga ae rietata aei tiaki n ae akea ana berita, n aron naba ae Iesu e karaoaki bwa kakoauan raoi te kakoaua ae raoiroi riki.
21 (Bwa a karaoaki ibonga akekei n akea te berita; ma aio bon te berita iroun teuare e kangai nakoina, Te Uea e tuea ao e na aki bita nanona, Te ibonga ngkoe n aki toki ni katotongan ana waaki Merekitereka;)
ARIT, Ebera 7:25–26. Kabotaua Ebera 7:26–27
Iesu e anga bon Ngaia bwa te karea ae akea burena ibukin ara bure.
25 Bwa te ibonga ae rietata aei e tau ibukira, are e tabu, e aki tiritiri, akea barekana, e okoro mai irouia taan bure, ao e karikaki bwa te tia tautaeka i aon karawa;
26 Ao tiaki n aroia ibonga aika rietata akekei ake anga karea ni katoa bong, te moan ibukin oin aia bure, ao i mwina ibukin aia bure aia botanaomata; bwa e aki kainnanoa te anga karea ibukin oin ana bure, bwa e aki ata te bure; ma ibukin aia bure te botanaomata. Ao aio e karaoia teuana te tai, ngke e anga boni ngaia.