ARIT, Te Otinako 4:21. Kabotaua Te Otinako 4:21; 7:3, 13; 9:12; 10:1, 20, 27; 11:10; 14:4, 8, 17; Te Tua-Kaua 2:30
Te Uea e bon aki bukinaki ibukin matoatoan nanon Bwarao. Tara naba ARIT, Te Otinako 7:3, 13; 9:12; 10:1, 20, 27; 11:10; 14:4, 8, 17; bwaai aika a na taraaki n tatabeua nako, ngkana a eti rairakiia, a kaotia bwa Bwarao e bon kamatoa oin nanona.
21 Ao te Uea e taku nakon Mote, Ngkana ko nako n oki nako Aikubita, taraia raoi bwa ko na karaoi ni kabane kamiimi akekei imatan Bwarao, ake I a tia ni katikui i nanon baim, ao N karikirakea arom; ma Bwarao e na kamatoa nanona, ao e na aki kanakoia aomata.
ARIT, Te Otinako 4:24–27. Kabotaua Te Otinako 4:24–27
Ngke e na tiringaki Mote iroun te Uea ibukina bwa e aki korotobibia natina te mwaane, Tibora e kamaiua ngke e karaoa te otenanti i bon irouna. E kaota ana bure Mote.
24 Ao e koro bukina, bwa e kaoti te Uea nakoina i nanon te kawai, i rarikin te tabo n irua. Te Uea e un iroun Mote, ao e nang kabwaka baina i aona, bwa e na tiringnga; ibukin bwa e aki korotobibia natina te mwaane.
25 Ngkanne Tibora e anaa te atibu ae kakang ao e korotobibia natina te mwaane, ao e karenakoa te atibu nako rarikin waena, ao e taku, E koaua ae bon ngkoe buu ae raraa buabua.
26 Ao te Uea e aki tiringa Mote ao e kanakoa, ibukina bwa Tibora, are buuna, e korotobibia te ataei. Ao e taku neierei, Bon ngkoe te bu ae raraa buabua. Ao e mama Mote, ao e karaba ubuna mai iroun te Uea, ao e taku, I a tia ni bure imatan te Uea.
27 Ao te Uea e taku nakon Aaron, Nako nanon te rereua ni kaitibo ma Mote, ao e nako ao e kaitibo ma ngaia, n ana Maunga te Atua; n te maunga are e kaoti iai te Atua nakoina, ao e kaboria Aaron ma ngaia.