6. Lix b’eenik li Iglees toj sa’ rokeb’aal li saq’e

Fayette Li Profeet aj Jose Smith ki’el chaq Fayette re taaxik Kirtland, Ohio sa’ Enero 1831. Li oxib’ chi ruq’ li Iglees sa’ Nueva York (Fayette, Colesville, ut Manchester) xkoheb’ chirix sa’ Abril ut Mayo 1831, chi taqlanb’ileb’ xb’aan li Qaawa’ naq te’xch’utub’ rib’ (chi’ilmanq Tz. ut S. 37–38).

Kirtland Li jolomil na’ajej re li Iglees kiwan sa’ Kirtland chalen 1831 toj 1838.

Independence Li Qaawa’ kireetali Independence (sa’ li Condado Jackson, Missouri) jo’ li ch’oolil na’ajej re Sion sa’ Julio 1831 (chi’ilmanq Tz. ut S. 57:3). Eb’ li ch’uut chi aj rahob’tesinel ke’xmineb’ ru laj santil paab’anel chi elk chaq sa’ li Condado Jackson sa’ Noviembre 1833.

Liberty Eb’ laj santil paab’anel aj Condado Jackson ke’ch’utla sa’ li Condado Clay chalen chaq 1833 toj 1836, naq ke’teneb’aak wi’chik chi elk chaq. Li Profeet aj Jose Smith ut oob’eb’ chik ke’k’ehe’ sa’ tz’alam arin chi maak’a’eb’ xmaak chalen Diciembre 1838 toj sa’ Abril 1839.

Far West Jun kolb’a-ib’ na’ajej kixaqab’aman choq’ reheb’ laj santil paab’anel 1836–1838. Kiwan choq’ xjolomil li Iglees sa’ 1838. Sa’ 1838–1839 eb’ laj santil paab’anel ke’mine’ ru chi eelelik toj Illinois.

Nauvoo Li jolomil na’ajej re li Iglees 1839–1846. Chirix lix kamik li Profeet ut laj Hyrum li ras, eb’ laj santil paab’anel xkoheb’ sa’ rokeb’aal li saq’e.

Council Bluffs Eb’ laj tehol b’e ke’wulak arin sa’ Junio 1846. Eb’ li wankeb’ sa’ li teep aj pleet reheb’ laj Mormon ke’el chaq sa’ 21 Julio 1846, chi k’amb’ileb’ xb’e xb’aan laj James Allen.

Winter Quarters Jun xnimal ru na’ajej ke’kana wi’ laj santil paab’anel sa’ 1846–1848. Li teep aj k’amol b’e, chi b’eresinb’il xb’aan li Awa’b’ej Brigham Young, ke’el re te’xik sa’ rokeb’aal li saq’e sa’ Abril 1847.

Kolb’a-ib’ Ochoch Leavenworth Li teep aj pleet reheb’ laj Mormon ke’k’ehe’ xk’anjeleb’aal arin rub’elaj naq ke’xtikib’ lix b’eenikeb’ sa’ rokeb’aal li saq’e sa’ Agosto 1846.

Santa Fe Laj Philip Cooke kixjolomi li teep aj pleet reheb’ laj Mormon naq ke’b’eek chalen chaq arin sa’ 19 Octubre 1846.

Pueblo Oxib’ ch’uut re li teep aj pleet reheb’ laj Mormon li yajeb’ ke’taqlaak chi xik Pueblo re te’usaaq, ut aran ke’xnumsi li hab’alq’e sa’ 1846–1847 rochb’eeneb’ laj santil paab’anel li ke’chal chaq Mississippi. Eb’ li teep a’in ke’ok sa’ li ru taq’a Lago Salado sa’ Julio 1847.

San Diego Arin li teep aj pleet reheb’ laj Mormon ke’xchoy lix b’eenikeb’, 3,200 km. xnajtil, sa’ 29 Enero 1847.

Los Angeles Li teep aj pleet reheb’ laj Mormon ke’choyman xk’anjel arin sa’ 16 Julio 1847.

Sacramento Junjunq reheb’ li komon li ak ke’el chaq sa’ li teep aj pleet reheb’ laj Mormon ke’k’anjelak arin ut sa’ lix pech’leb’aal che’ laj Sutter sa’ li Nima’ American sa’ releb’aal li saq’e. Ke’wan aran naq kitawman li ch’iich’ oor sa’ Enero 1848.

Lago Salado Xjolomil li Iglees chalen chaq 1847 toj anajwan. Laj Brigham Young kiwulak sa’ li ru taq’a Lago Salado sa’ 24 Julio 1847.