2. Palemaila-Manisesitā, Niu ʻIoke, 1820–1831

Fale ʻAkau ʻo Siosefa Sāmita ko e Lahí Naʻe hā mai ʻa e ʻāngelo ko Molonaí kia Siosefa Sāmita ʻi ha kiʻi loki ʻi ʻolunga ʻi he ʻapi ko ʻení, ʻi he ʻaho 21–22 ʻo Sepitema 1823 (vakai ki he SS—H 1:29–47).

Faama ʻo Siosefa Sāmita ko e Lahí Naʻe ngāueʻi ʻa e faama ʻeka ʻe 40 ko ʻení ʻe he fāmili Sāmitá mei he 1820 ki he 1829.

Vao ʻAkau Tapú Naʻe maʻu ʻe Siosefa Sāmita, ko e Siʻí ʻa e ʻUluaki Meʻa-hā-maí ʻi ha vao ʻakauʻi he faama ʻa e fāmili Sāmitá he kamataʻanga ʻo e faʻahitaʻu matala ʻo e 1820 (vakai ki he SS—H 1:11–20).

Fale Papa ʻo Siosefa Sāmita ko e Lahí Naʻe kamata langa ʻa e fale ko ʻení ʻi he 1822 ʻe ʻAlavini Sāmita, pea nofo ai ʻa e fāmili Sāmitá mei he 1825 ki he 1829.

Moʻunga Komolá Naʻe foaki mai ʻi heni ʻe he ʻāngelo ko Molonaí ʻa e ngaahi peleti koulá ki he Palōfita ko Siosefa Sāmitá ʻi he ʻaho 22 ʻo Sepitema 1827 (vakai ki he SS—H 1:50–54, 59).

Faama ʻo Māteni Hālisí Naʻe mōkisi ʻa e faama ko ʻení pea fakatau atu hano konga ke totongi ki hono pulusi ʻo e Tohi ʻa Molomoná.

Fale Paaki ʻo E. B. Kalanitiní Naʻe pulusi heni ʻa e tatau ʻe 5,000 ʻo e Tohi ʻa Molomoná ʻi he 1829–1830.

Vaitafe Siʻi Hataueí Naʻe fakahoko ʻi he kiʻi vaitafe siʻi ko ʻení, ʻoku faʻa ui ko e Vaitafe Pikopikó ʻe he kakai ne fuofua nofo aí, ha niʻihi ʻo e ngaahi papitaiso ʻa e Siasí ʻi he kamataʻangá.