1 ?Wanem hem i tingting blong Lod long saed blong ol sent long Teritri blong Aeowa?

2 I tru, olsem ia nao Lod i talem, mi talem long yufala. Sapos olgeta we oli tekem nem blong mi long olgeta mo oli stap traem blong stap olsem ol sent blong mi; sapos oli mekem tingting blong mi mo stap obei long ol komanmen blong mi long saed blong olgeta, nao oli mas kam tugeta wanples long ol ples we mi jusum blong olgeta tru long wokman blong mi, Josef, mo oli mas bildimap ol siti long nem blong mi, blong oli save rere blong kasem wanem we i stap blong olgeta long wan taem we bambae i kam yet.

3 Oli mas bildim wan siti long nem blong mi long graon we i stap long fored blong siti blong Nauvu, mo oli mas putum nem blong Sarahemla i nem blong hem.

4 Mo letem evriwan long olgeta we oli kam long Is, mo long Wes, mo long Not, mo long Saot, we oli wantem blong stap insaed long hem, oli tekem ples we i blong laen blong olgeta insaed long siti ia, mo tu, long siti blong Nasvil, o long siti blong Nauvu, mo long evri stek we mi bin jusum, Lod i talem.