Ol Seksen

Ol Skripja

Doktrin mo Ol Kavenan

Ol Samting we Oli Stap Insaed
Fas Toktok mo Oda Folem Deit
Ol Seksen
Ol Ofisol Toktok

Ol Seksen

Seksen 1
1–7, Voes blong woning i stap go aot long evri pipol; 8–16, Apostasi mo fasin nogud bae i hapen bifo long Seken Kaming; 17–23, Lod i singaotem Josef Smit blong putumbak ol trutok mo ol paoa blong Lod long wol; 24–33, Buk blong Momon bae i kamaot long ol pipol mo tru Jos bae i stanap; 34–36, Pis bae i lus long wol; 37–39, Lukluk gud long olgeta komanmen ia.
Seksen 2
1, Elaeja bae i soemaot prishud; 2–3, Lod i planem ol promes long ol papa insaed long hat blong ol pikinini.
Seksen 3
1–4, Wei blong Lod i olsem wan raon we i no save finis; 5–15, Josef Smit i mas sakem sin o i lusum presen ia blong save tanem ol lanwis; 16–20, Buk blong Momon i kamaot blong sevem laen blong Lihae.
Seksen 4
1–4, Fasin blong wok strong long wok blong God i sevem ol wokman blong Lod; 5–6, Ol fasin olsem ol fasin blong God i mekem olgeta oli inaf long seves ia; 7, Ol wokman blong Lod oli mas lukaotem ol samting we oli blong God mo oli kam long God.
Seksen 5
1–10, Jeneresen ia bambae i kasem toktok blong Lod tru long Josef Smit; 11–18, Tri witnes bambae oli testifae abaot Buk blong Momon; 19–20, Lod bambae i pruvum se toktok blong hem i tru semmak olsem long taem bifo; 21–35, Martin Haris i save sakem sin mo kam olsem wan long olgeta witnes ia.
Seksen 6
1–6, Ol man we oli wok long garen blong Lod, bae Lod i sevem olgeta; 7–13, I no gat wan presen we i moa bigwan bitim presen blong fasin blong sevem man; 14–27, Wan witnes abaot trutok i kam tru long paoa blong Spirit; 28–37, Lukluk long Kraes, mo mekem gud oltaem.
Seksen 7
1–3, Jon, Disaepol we Lod I Lavem, bae i laef long wol ia kasem taem we Lod i kam; 4–8, Pita, Jemes, mo Jon, olgetatri oli holem ol ki blong gospel.
Seksen 8
1–5, Revelesen i kam tru long paoa blong Tabu Spirit; 6–12, Save abaot ol sikret blong God mo paoa blong save transletem ol rekod blong bifo i kam tru long fet.
Seksen 9
1–6, I gat ol narafala rekod blong bifo we oli stap yet blong oli mas transletem; 7–14, Wan i mas transletem Buk blong Momon tru long stadi mo konfemesen we i kam long Tabu Spirit.
Seksen 10
1–26, Setan i stap tantanem ol nogud man blong oli agensem wok blong Lod; 27–33, Hem i lukaot blong stap spolem gud sol blong ol man; 34–52, Gospel i mas go long olgeta man blong Leman mo evri nesen tru long Buk blong Momon; 53–63, Lod bambae i stanemap Jos blong Hem mo gospel blong Hem long medel blong ol man; 64–70, Bambae Hem i pulum olgeta we oli wantem sakem sin insaed long Jos blong Hem mo bambae i sevem olgeta we oli stap obei.
Seksen 11
1–6, Ol man we oli wok insaed long garen, bae Lod i sevem olgeta; 7–14, Lukaot blong gat waes, taltalemaot fasin blong sakem sin, mo trastem Spirit; 15–22, Obei long olgeta komanmen, mo stadi long wok blong Lod; 23–27, No tanem baksaed long spirit blong revelesen mo profesi; 28–30, Olgeta we oli risivim Kraes bambae oli kam ol pikinini blong God.
Seksen 12
1–6, Ol man we oli wok insaed long garen, bae Lod i sevem olgeta; 7–9, Olgeta evriwan we oli wantem mo oli inaf, oli save givhan long wok blong Lod.
Seksen 13
Jon Baptaes i givimaot olgeta ki mo paoa blong Aronik Prishud.
Seksen 14
1–6, Ol man we oli wok insaed long garen bambae Jisas i sevem olgeta; 7–8, Laef we i no save finis i presen blong God we i moa bigwan long evri narafala presen blong hem; 9–11, Kraes i bin krietem ol heven mo wol.
Seksen 15
1–2, Han blong Lod i stap ova long ful wol ia; 3–6, Blong prijim gospel mo sevem ol sol i samting we i moa gud.
Seksen 16
1–2, Han blong Lod i stap ova long ful wol ia; 3–6, Blong prijim gospel mo sevem ol sol i samting ia we i moa gud.
Seksen 17
1–4, Tru long fet, bambae Olgeta Tri Witnes oli luk olgeta buk mo ol narafala tabu samting; 5–9, Kraes i testifae we Buk blong Momon i wan tabu buk.
Seksen 18
1–5, Ol skripja oli soem olsem wanem blong bildimap Jos; 6–8, Wol i stap kam raep long rabis fasin; 9–16, Praes blong wan sol i bigwan; 17–25, Blong Lod i sevem man, man i mas tekem nem blong Kraes long hemwan; 26–36, Lod i talemaot koling mo misin blong Olgeta Twelef; 37–39, Oliva Kaodri mo Deved Witma, tufala i mas go lukaotem mo faenem Olgeta Twelef; 40–47, Blong Jisas i save sevem man, man i mas sakem sin, kasem baptaes, mo obei long olgeta komanmen.
Seksen 19
1–3, Kraes i gat evri paoa; 4–5, Evri man i mas sakem sin o safa; 6–12, Panismen we i no save finis i panismen blong God; 13–20, Kraes i safa blong evriwan, blong oli no safa sapos oli sakem sin; 21–28, Prijim gospel blong fasin blong sakem sin; 29–41, Talemaot ol gudfala nius.
Seksen 20
1–16, Buk blong Momon i pruvum se wok blong lata-dei i kam long God; 17–28, Lod i talemaot se ol doktrin blong kriesen, blong taem blong foldaon, blong atonmen, mo blong baptaes oli tru; 29–37, Lod i givimaot ol loa we i rulum fasin blong sakem sin, jastis, fasin blong mekem man i kam tabu, mo baptaes; 38–67, Oli tokbaot smol ol diuti blong ol elda, ol pris, ol tija, mo ol dikon; 68–74, Lod i talemaot ol diuti blong ol memba, fasin blong mekem blesing blong ol pikinini, mo fasin blong mekem baptaes; 75–84, Lod i givim ol prea blong sakramen, ol rul we i lidim membasip blong Jos.
Seksen 21
1–3, Lod i singaotem Josef Smit blong kam wan sia, transleta, profet, aposol mo elda; 4–8, Toktok blong hem bae i lidim stamba tingting blong Saeon; 9–12, Olgeta Sent bambae oli bilivim ol toktok blong hem taem bae Hem i toktok wetem Spirit blong Givhan.
Seksen 22
1, Baptaes i wan kavenan we i niu mo i no gat en; 2–4, I nid blong kasem baptaes we oli mekem wetem stret atoriti.
Seksen 23
1–7, Lod i singaotem ol fas disaepol ia blong prij, blong askem strong, mo mekem Jos i kam strong moa.
Seksen 24
1–9, Lod i singaotem Josef Smit blong transletem, prijim, mo eksplenem ol skripja; 10–12, Lod i singaotem Oliva Kaodri blong prijim gospel; 13–19, Lod i talemaot loa long saed blong ol merikel, ol strong nogud tok, fasin blong klinimaot das long leg, mo fasin blong go emti han o no gat samting.
Seksen 25
1–6, Ema Smit, wan woman we Lod i jusum, Lod i singaotem hem blong givhan mo blong leftemap tingting blong hasban blong hem; 7–11, Mo tu, Lod i singaotem hem blong hem i raetem, mo eksplenem ol skripja, mo blong jusum ol hym; 12–14, Singsing blong stret mo gud man i wan prea long Lod; 15–16, Ol prinsipol blong fasin blong obei we oli stap long revelesen ia, oli blong evriwan i folem.
Seksen 26
1, Lod i bin talem long olgeta blong stadi long ol skripja mo blong prij; 2, Lod i apruvum loa blong ful sapot we i mas kam long evriwan long jos.
Seksen 27
1–4, Oli eksplenem ol samting blong yusum blong tekem sakramen; 5–14, Kraes mo ol wokman blong Hem blong evri dispensesen bambae oli tekem sakramen; 15–18, Putum ful klos blong faet blong God.
Seksen 28
1–7, Josef Smit i holem ol ki blong ol sikret blong God, mo hem nomo i kasem ol revelesen long saed blong Jos; 8–10, Oliva Kaodri i mas prij long Ol Man blong Leman; 11–16, Setan i giaman long Haeram Pej mo i bin givim hem ol giaman revelesen.
Seksen 29
1–8, Kraes i karem i kam wanples olgeta we Hem i jusum; 9–11, Taem blong Hem blong kam bambae i mekem se Mileniom i stat; 12–13, Olgeta Twelef bambae oli jajem ful Isrel; 14–21, Ol saen, ol bigfala sik we oli kilimded ol man, mo ol disasta bae oli hapen bifo long Seken Kaming; 22–28, Las laef bakegen long ded mo las jajmen bambae oli kam afta long Mileniom; 29–35, Long Lod, evri samting oli long saed blong spirit; 36–39, Devel mo ol ami blong hem, God i bin sakem olgeta aot long heven blong temtem ol man; 40–45, Foldaon mo Atonmen oli tekem fasin blong sevem man i kam; 46–50, Lod i pemaot ol smol pikinini tru long Atonmen.
Seksen 30
1–4, Lod i bin tok strong long Deved Witma from hem i no bin stap wok strong wetem strong tingting blong givim seves; 5–8, Pita Witma Junia i mas go wetem Oliva Kaodri long wan misin long ples blong Ol Man blong Leman; 9–11, Lod i singaotem Jon Witma blong prijim gospel.
Seksen 31
1–6, Lod i singaotem Tomas B. Mars blong prijim gospel mo i kasem gud toktok ia se famli blong hem bae i stap gud; 7–13, Hem i kasem advaes blong hem i mas save wet longtaem, prea oltaem, mo folem Spirit blong Givhan.
Seksen 32
1–3, Lod i bin singaotem Parli P. Prat mo Siba Piteson blong prij long Ol Man blong Leman mo blong go wetem Oliva Kaodri mo Pita Witma Junia; 4–5, Oli mas prea blong save andastanem ol skripja.
Seksen 33
1–4, Lod i singaotem ol man we oli stap wok blong talemaot gospel long nambaleven aoa; 5–6, Lod i stanemap Jos, mo Lod i karem olgeta we hem i bin jusum oli kam wanples; 7–10, Sakem sin, from kingdom blong heven i kam kolosap nao; 11–15, Oli bildim Jos antap long strong ston blong gospel; 16–18, Man i mas rere from taem ia we Man we Bae I Mared i kam.
Seksen 34
1–4, Olgeta we oli fetful oli kam ol pikinini blong God tru long Atonmen; 5–9, Fasin blong prijim gospel i mekem rere rod blong Seken Kaming; 10–12, Profesi i kam tru long paoa blong Tabu Spirit.
Seksen 35
1–2, Olsem wanem nao ol man oli kam ol pikinini blong God; 3–7, Lod i singaotem Sidni Rigdon blong mekem baptaes mo blong givim Tabu Spirit; 8–12, Ol saen mo ol merikel oli hapen tru long fet; 13–16, Ol wokman blong Lod bae oli klinim gud ol nesen ia tru long paoa blong Spirit; 17–19, Josef Smit i holem ol ki blong ol sikret blong God; 20–21, Olgeta we Lod i jusum, bae oli stap strong long dei we bae hem i kam; 22–27, Lod bae i sevem Isrel.
Seksen 36
1–3, Lod i putum han blong Hem antap long Edwod Patrij tru long han blong Sidni Rigdon; 4–8, Evri man we i kasem gospel mo prishud, ol lida blong Jos oli singaotem olgeta blong go aot mo blong prij.
Seksen 37
1–4, Lod i singaotem olgeta Sent blong oli kam wanples long Ohaeo.
Seksen 38
1–6, Kraes i bin krietem evri samting; 7–8, Hem i stap long medel blong olgeta Sent blong Hem, we bae oli luk Hem i no longtaem; 9–12, Evri bodi blong mit mo bun i kam nogud long fored blong Hem; 13–22, Hem i holemtaet wan graon blong promes i stap blong olgeta Sent blong Hem long taem ia mo long taem we i no save finis; 23–27, Lod i givim komanmen long olgeta Sent blong oli mas stap wan mo oli mas lukluk olgeta wanwan olsem ol brata mo sista; 28–29, Lod i stap talem finis se bambae i gat ol wo; 30–33, Olgeta Sent bae oli kasem paoa we i kam long heven mo bae oli go aot long medel blong evri nesen; 34–42, Lod i givim komanmen long Jos blong kea long olgeta we oli pua mo blong lukaotem olgeta rij samting blong taem we i no save finis.
Seksen 39
1–4, Olgeta Sent oli gat paoa blong kam ol pikinini blong God; 5–6, Blong akseptem gospel i blong akseptem Kraes; 7–14, Jemes Kovel i kasem komanmen blong kasem baptaes mo blong wok long plantesen blong Lod; 15–21, Ol wokman blong Lod oli mas prijim gospel bifo long Seken Kaming; 22–24, Olgeta we oli akseptem gospel, bae oli kam wanples long taem ia mo long taem we i no save finis.
Seksen 40
1–3, Fasin blong stap fraet blong kasem hadtaem mo fasin blong kea long ol samting blong wol, i mekem se man i sakemaot gospel.
Seksen 41
1–3, Ol elda bae oli lidim Jos tru long spirit blong revelesen; 4–6, Ol tru disaepol bae oli kasem mo obei loa blong Lod; 7–12, Lod i putum Edwod Patrij olsem wan bisop long Jos.
Seksen 42
1–10, Lod i singaotem ol elda blong prijim gospel, baptaesem ol konvet, mo bildimap Jos; 11–12, Oli mas singaotem mo odenem olgeta, mo oli mas tijim ol prinsipol blong gospel olsem we oli stap long ol skripja; 13–17, Oli mas tij mo profesae tru long paoa blong Spirit; 18–29, Ol Sent oli kasem komanmen blong oli no mas kilim man i ded, oli no mas stil, oli no mas giaman, oli no mas gat rabis tingting long saed blong seks, oli no mas mekem adaltri, o oli no mas talem ol nogud samting agensem ol nara man; 30–39, Lod i givim ol loa blong fasin blong lukaotem ol propeti we oli givim long jos; 40–42, Lod i tok agensem fasin blong gat hae tingting mo fasin blong stap mekem nating; 43–52, Lod i mekem ol sikman oli harem gud bakegen tru long fasin blong blesem man mo tru long fet; 53–60, Ol skripja oli stap blong lidim Jos mo ol elda oli mas talemaot olgeta i go long wol; 61–69, Lod bae i talemaot niufala ples blong Niu Jerusalem mo Lod bae i talemaot ol sikret blong kingdom; 70–73, Oli mas yusum ol propeti we oli givim i kam long Jos blong givim sapot long ol ofisa blong Jos; 74–93, Lod i givimaot ol loa we i rulum fasin blong slip wetem man o woman we i no mared, fasin blong adaltri, fasin blong kilimded man, fasin blong stil, mo fasin blong konfesem ol sin.
Seksen 43
1–7, Ol revelesen mo ol komanmen oli kam nomo tru long man ia nomo we God i jusum; 8–14, Ol Sent oli kam tabu, taem oli mekem samting long tabu fasin long fored blong Lod; 15–22, Lod i sendem ol elda blong oli go aot blong taltalemaot fasin blong sakem sin, mo blong mekem ol man oli rere long bigfala dei blong Lod; 23–28, Lod i toktok long ol man wetem stret voes blong Hem, mo tru long ol paoa blong kriesen; 29–35, Taem blong Mileniom, mo taem we bae oli fasem Setan bambae i kam.
Seksen 44
1–3, Ol elda oli mas kam tugeta long wan konfrens; 4–6, Oli mas oganaesem olgeta folem ol loa blong kantri mo oli mas kea long olgeta we oli pua.
Seksen 45
1–5, Kraes i loya blong yumi long fored blong Papa; 6–10, Gospel, hem i wan mesenja blong mekem rere rod bifo Lod i kam; 11–15, Lod i tekem long saed blong Hem, Inok mo ol brata blong hem; 16–23, Kraes i bin talemaot ol saen blong taem we bae Hem i kam olsem we Hem i bin talemaot long Hil blong Olif Tri; 24–38, Gospel bae i kambak, ol taem blong Ol Jentael bae oli hapen, mo wan sik we prapa spolem gud man bae i kavremap kantri ia; 39–47, Ol saen, ol sapraes, mo Laef Bakegen long ded bambae oli kam wetem taem blong Seken Kaming; 48–53, Kraes bambae i stanap long Hil blong Olif Tri, mo Ol Jiu bambae oli luk ol kil long han mo leg blong Hem; 54–59, Lod bambae i rul long taem blong Mileniom; 60–62, Profet i kasem instraksen blong statem translesen blong Niu Testeman, we tru long hemia, bambae Lod i talemaot plante impoten toksave; 63–75, Olgeta Sent oli kasem komanmen blong kam wanples mo blong bildim Niu Jerusalem, we ol pipol we bae oli kam long evri nesen oli go long hem.
Seksen 46
1–2, Ol elda oli mas lidim ol miting olsem we Tabu Spirit i lidim olgeta; 3–6, Olgeta we oli stap lukaotem trutok, ol memba blong Jos oli no mas stopem olgeta blong kam long ol seves blong sakramen; 7–12, Askem long God mo lukaotem ol presen blong Spirit; 13–26, Lod i taltalemaot wanem nao sam long ol presen we hem i givim; 27–33, Lod i givim paoa long ol lida blong Jos blong luksave ol presen blong Spirit.
Seksen 47
1–4, Lod i jusum Jon Witma blong i raetemdaon histri blong Jos mo blong hem i raet blong Profet.
Seksen 48
1–3, Olgeta Sent long Ohaeo oli mas serem ol graon blong olgeta wetem ol brata blong olgeta; 4–6, Olgeta Sent oli mas pem ol graon, bildim wan siti, mo folem kaonsel blong ol prisaeding ofisa blong olgeta.
Seksen 49
1–7, Dei mo aoa ia blong taem we Kraes bae i kam, bambae man i no save, kasem taem Hem i kam; 8–14, Ol man oli mas sakem sin, biliv long gospel, mo obei long ol odinens blong Lod i sevem olgeta; 15–16, God i odenem mared; 17–21, Blong kakae mit, hem i oraet; 22–28, Saeon bambae i gro gud mo Ol Man blong Leman bambae oli opengud semmak olsem wan ros flaoa bifo long Seken Kaming.
Seksen 50
1–5, Plante giaman spirit oli stap olbaot long wol; 6–9, Sore tumas long ol man we oli gat tufes mo olgeta we oli sakemaot olgeta long Jos; 10–14, Ol elda oli mas prijim gospel folem Spirit; 15–22, Tugeta, olgeta we oli prijim gospel mo olgeta we oli harem gospel, oli gat nid blong kasem moa laet tru long Spirit; 23–25, Samting we i no mekem man i kam antap, i no kam long God; 26–28, Olgeta we oli fetful, oli olgeta we oli gat evri samting; 29–36, Ol prea blong olgeta we oli kam stret evriwan, Lod i givim ansa long olgeta; 37–46, Kraes i Gudfala Man blong Lukaot long Sipsip mo Ston blong Isrel.
Seksen 51
1–8, Lod i jusum Edwod Patrij blong stretem fasin blong givim ol wok mo ol propeti; 9–12, Olgeta Sent oli mas mekem ol samting long ones fasin mo bambae oli kasem i semmak; 13–15, Oli mas gat wan stoahaos blong bisop mo oli mas oganaesem ol propeti folem loa blong Lod; 16–20, Ohaeo i mas stap olsem wan ples blong stap long hem blong sot taem nomo.
Seksen 52
1–2, Lod i talemaot se nekis konfrens bae i stap long Misuri; 3–8, Lod i jusum sam elda blong oli travel tugeta; 9–11, Ol elda oli mas tijim wanem we ol aposol mo ol profet oli bin raetem; 12–21, Olgeta we Spirit i givim laet long olgeta, oli givim ol frut blong pres mo waes; 22–44, Lod i jusum sam elda blong go aot blong prijim gospel taem oli stap travel i go long Misuri from konfrens.
Seksen 53
1–3, Koling mo diuti blong Sidni Gilbet insaed long Jos i blong oli odenem hem i kam elda; 4–7, Hem i mas givim seves tu olsem wan we i ripresentem bisop.
Seksen 54
1–6, Olgeta Sent oli mas gohed blong obei long kavenan blong gospel blong kasem sore; 7–10, Oli mas gat fasin blong save wet longtaem long taem blong hadtaem.
Seksen 55
1–3, Lod i singaotem mo jusum Wiliam W. Felps blong i baptaes, blong oli odenem hem i kam wan elda, mo blong hem i go prijim gospel; 4, Mo tu, blong hem i raetem ol buk blong ol pikinini we oli stap long ol skul blong Jos; 5–6, Hem i mas go kasem Misuri, we bae i stap olsem wan ples blong hem i mekem ol wok blong hem.
Seksen 56
1–2, Olgeta Sent oli mas karem kros blong olgeta mo folem Lod blong mekem se Lod i sevem olgeta; 3–13, Lod i givim komanmen mo i tekembak, mo olgeta we oli no obei, Lod i sakemaot olgeta; 14–17, Sore tumas long olgeta we oli rij we bambae oli no helpem olgeta we oli pua, mo sore tumas long olgeta we oli pua we hat blong olgeta i no harem nogud long sin; 18–20, Lod i blesem olgeta we oli pua we oli klin evriwan insaed long hat blong olgeta, from we bambae oli kasem wol ia.
Seksen 57
1–3, Indipendens, Misuri, i ples blong Siti blong Saeon, mo tempol; 4–7, Olgeta Sent oli mas pem ol graon mo kasem wanem we oli gat raet long hem long eria ia; 8–16, Sidni Gilbet i mas setemap wan stoa, Wiliam W. Felps i mas stap olsem wan man blong printim buk, mo Oliva Kaodri i mas editim ol buk blong pablisim.
Seksen 58
1–5, Olgeta we oli stap strong long hadtaem bae oli kasem glori antap long hed blong olgeta; 6–12, Olgeta Sent oli mas rere from mared blong Smol Sipsip mo from kaekae blong Lod; 13–18, Ol bisop oli ol jaj long Isrel; 19–23, Olgeta Sent oli mas obei long olgeta loa blong kantri; 24–29, Ol man oli mas yusum fridom blong olgeta blong mekem joes blong mekem gud; 30–33, Lod i givim komanmen mo i tekembak; 34–43, Blong sakem sin, ol man oli mas talemaot ol sin blong olgeta mo livim ol sin ia fogud; 44–58, Olgeta Sent oli mas pem graon we bae i blong laen blong olgeta mo kam wanples long Misuri; 59–65, Oli mas prijim gospel long evri man.
Seksen 59
1–4, Ol Sent we oli stap fetful long Saeon bae oli kasem blesing; 5–8, Oli mas lavem Lod mo wok blong Lod mo stap obei long ol komanmen blong Hem; 9–19, Taem oli kipim dei blong Lod i tabu, bae ol Sent oli kasem blesing long saed blong laef ia mo long saed blong spirit; 20–24, Lod i promes long olgeta we oli stret mo gud se bae oli kasem pis long wol ia mo laef we i no save finis long wol we bae i kam.
Seksen 60
1–9, Ol elda oli mas prijim gospel long ol kongregesen blong olgeta nogud man; 10–14, Oli no mas westem taem blong olgeta, mo oli no mas berem ol talen blong olgeta; 15–17, Oli save wasem leg blong olgeta olsem wan testemoni agensem olgeta we oli sakemaot gospel.
Seksen 61
1–12, Lod i talem wetem atoriti se bae i gat plante samting oli lus long ol wota; 13–22, Jon i sakem strong nogud tok long ol wota, mo man blong prapa spolem gud ol samting i stap ron long fes blong olgeta; 23–29, Sam oli gat paoa blong givim oda long ol wota; 30–35, Ol elda oli mas wokbaot tutu mo oli mas prijim gospel; 36–39, Oli mas rere from taem we Pikinini blong Man bae i kam.
Seksen 62
1–3, Oli rekodem ol testemoni long heven; 4–9, Ol elda oli mas travel mo prij folem jajmen blong olgetawan mo olsem we Spirit i talem long olgeta.
Seksen 63
1–6, Wan dei blong bigfala nogud kros bae i kam long ol nogud man; 7–12, Ol saen oli kam tru long fet; 13–19, Olgeta we oli mekem adaltri long hat blong olgeta oli tanem baksaed long fet mo bae Lod i sakem olgeta long lek blong faea; 20, Olgeta we oli fetful bambae oli kasem wan ples long wol we i jenis i kam niu; 21, Wan ful stori blong ol samting we oli bin hapen long Hil we Jisas I Jenis I Kam Niu, Lod i no talemaot yet; 22–23, Olgeta we oli stap obei oli kasem ol sikret blong kingdom; 24–31, Oli mas pem ol graon long Saeon; 32–35, Lod i talem wetem atoriti se bae i gat ol wo, mo ol nogud man oli kilimded ol nogud man bakegen; 36–48, Olgeta Sent oli mas kam wanples long Saeon mo givim ol mane blong bildimap Saeon; 49–54, Olgeta we oli fetful oli sua blong kasem blesing long Seken Kaming, long Taem blong Laef Bakegen long Ded, mo long taem blong Mileniom; 55–58, Hemia i wan dei blong woning; 59–66, Olgeta we oli no gat atoriti blong yusum nem blong Lod, oli yusum nogud nem blong hem.
Seksen 64
1–11, Olgeta Sent oli kasem komanmen blong fofogivim wanwan long olgeta, nogud sin we i moa bigwan i stap wetem olgeta; 12–22, Oli mas tekem olgeta we oli no sakem sin oli kam long fored blong Jos; 23–25, Hem we i stap pem taeting blong hem bae i no save bon long dei we bae Lod i kam; 26–32, Olgeta Sent oli kasem woning agensem fasin blong mekem kaon; 33–36, Olgeta we oli stap agens bambae Lod i katemaot olgeta long Saeon; 37–40, Jos bambae i jajem ol nesen; 41–43, Saeon bambae i gro gud.
Seksen 65
1–2, Lod i givim wetem tras, ol ki blong kingdom blong God long man we i stap long wol, mo wok blong gospel bambae i win; 3–6, Kingdom blong heven blong Mileniom bae i kam mo joenem kingdom blong God long wol.
Seksen 66
1–4, Kavenan we i no gat en i gospel we i fulwan; 5–8, Ol elda oli mas prij, testifae mo tokbaot gud samting wetem ol pipol; 9–13, Fetful wok blong jos i mekemsua se bambae yu mas kasem wan ples blong laef we i no save finis.
Seksen 67
1–3, Lod i stap harem ol prea blong ol elda blong Hem mo i stap lukaot long olgeta; 4–9, Hem i givim jalenj long man we i waes bitim ol narawan blong traem kopi wan smol pat nomo blong ol revelesen blong Hem; 10–14, Spirit bae i mekem ol fetful elda oli laef mo bae oli luk fes blong God.
Seksen 68
1–5, Ol toktok blong ol elda, taem Tabu Spirit i lidim olgeta blong talem, oli ol skripja; 6–12, Ol elda oli mas prij mo mekem baptaes, mo ol saen bae oli folem olgeta we oli biliv tru; 13–24, Fasbon long ol boe blong Eron oli save givim seves olsem Prisaeding Bisop (we hem i blong holem ol ki blong prisaed olsem wan bisop) anda long atoriti blong Fas Presidensi; 25–28, Ol papa mo mama oli kasem komanmen blong tijim gospel long ol pikinini blong olgeta; 29–35, Olgeta Sent oli mas obei long Sabat dei, wok strong wetem strong tingting mo stap prea.
Seksen 69
1–2, Jon Witma i mas go wetem Oliva Kaodri long Misuri; 3–8, Hem i mas prij tu, mo tekem, mo raetemdaon ol infomesen blong histri.
Seksen 70
1–5, Lod i jusum olgeta man we oli gat wok ia blong printim ol revelesen; 6–13, Olgeta we oli wok long saed blong ol samting blong spirit oli mas kasem pei blong olgeta; 14–18, Olgeta Sent oli mas semmak long saed blong ol samting blong laef ia.
Seksen 71
1–4, Lod i sendem Josef Smit mo Sidni Rigdon i go aot blong prijim gospel; 5–11, Lod bambae i blokem ol enemi blong olgeta Sent.
Seksen 72
1–8, Ol elda oli mas givim wan ripot blong wok blong olgeta we oli gat blong mekem, i go long bisop; 9–15, Bisop i lukaotem stoahaos mo i lukaotem olgeta we oli pua mo olgeta we oli stap long nid; 16–26, Ol bisop oli mas talem se i tru se ol elda oli klin inaf.
Seksen 73
1–2, Ol elda oli mas gohed blong prij; 3–6, Josef Smit mo Sidni Rigdon, tufala i mas gohed blong transletem Baebol kasem taem hem i finis.
Seksen 74
1–5, Pol i givim advaes long Jos long taem blong hem blong no kipim loa blong Moses; 6–7, Ol smol pikinini oli tabu mo Lod i mekem olgeta oli kam tabu tru long Atonmen.
Seksen 75
1–5, Ol fetful elda we oli prijim gospel bambae oli kasem laef we i no save finis; 6–12, Prea blong kasem Spirit blong Givhan, we i tijim evri samting; 13–22, Ol elda bambae oli sidaon long taem blong jajem olgeta we oli sakemaot mesej blong olgeta; 23–36, Ol famli blong ol misinari oli mas kasem help we i kam long Jos.
Seksen 76
1–4, Lod, hem i God; 5–10, Ol sikret blong kingdom bambae Lod i talemaot long olgeta evriwan we oli fetful; 11–17, Evriwan bae oli girap long laef bakegen long ded blong olgeta we oli stret o olgeta we oli no stret; 18–24, Ol pipol we oli stap long plante wol oli ol stret boe mo gel blong God tru long Atonmen blong Jisas Kraes; 25–29, Wan enjel blong God i bin foldaon mo i kam devel; 30–49, Ol pikinini blong tudak bae oli safa long fasin blong no save kam antap blong taem we i no save finis; ol narafalawan bae oli kasem wan level blong fasin blong sevem man; 50–70, Lod i tokbaot glori mo praes blong olgeta we oli kam olsem wan god insaed long selestial glori; 71–80, Lod i tokbaot olgeta we bambae oli kasem terestrial kingdom; 81–113, Lod i eksplenem se olgeta we oli stap long telestial, mo terestrial mo selestial glori, oli stap olsem wanem; 114–119, Olgeta we oli fetful bambae oli save luk mo andastanem ol sikret blong kingdom blong God tru long paoa blong Tabu Spirit.
Seksen 77
1–4, Ol animol oli gat spirit mo bambae oli stap long glad we i no save finis; 5–7, Wol ia, i stap ia blong 7000 yia; 8–10, Ol defren enjel oli putumbak gospel mo oli givhan long man long wol; 11, Siling blong olgeta 144,000; 12–14, Kraes bae i kam long stat blong nambaseven taosen yia; 15, Tufala profet, bambae Lod i mekem tufala i rere long nesen blong Ol Jiu.
Seksen 78
1–4, Olgeta Sent oli mas oganaesem mo setemap wan stoahaos; 5–12, Taem olgeta sent oli yusum gud ol propeti blong olgeta, bae i lidim olgeta i go long fasin blong sevem man; 13–14, Jos i mas indipenden, i mas seperet long ol paoa blong wol ia; 15–16, Mikael (Adam) i givim seves anda long daereksen blong Tabu Wan (Kraes); 17–22, Olgeta we oli fetful bae oli gat blesing, from we bae oli kasem evri samting.
Seksen 79
1–4, Lod i singaotem Jared Kata blong prijim gospel wetem Spirit blong Givhan.
Seksen 80
1–5, Lod i singaotem Stifen Benet mo Iden Smit blong tufala i prij long wanem ples we tufala i jusum.
Seksen 81
1–2, Oltaem nomo Fas Presidensi i holem ol ki blong kingdom; 3–7, Sapos Frederik G. Wiliams i fetful long seves blong hem, bambae hem i kasem laef we i no save finis.
Seksen 82
1–4, Taem we Lod i givim plante, nao Lod i askem plante; 5–7, Tudak i rul long wol; 8–13, Lod i mas mekem folem promes blong Hem taem yumi mekem wanem we Hem i talem; 14–18, Saeon i mas kam antap blong i kam moa naes mo i kam moa tabu; 19–24, Evri man i mas traem lukaotem gud laef blong neba blong hem.
Seksen 83
1–4, Ol woman mo ol pikinini oli gat raet blong kasem sapot long hasban mo papa blong olgeta blong lukluk long wanem oli nidim long laef; 5–6, Ol wido mo ol pikinini we oli nomo gat papa mo mama oli gat raet blong kasem sapot we i kam long Jos blong lukluk long wanem oli nidim long laef.
Seksen 84
1–5, Niu Jerusalem mo tempol, bambae oli bildim long Misuri; 6–17, Lod i givim laen blong prishud stat long Moses i gobak long Adam; 18–25, Prishud we i moa hae i tekem ki blong kasem save long saed blong God; 26–32, Prishud we i moa daon i tekem ki blong ol seves blong ol enjel mo blong gospel blong mekem rere; 33–44, Ol man oli kasem laef we i no save finis tru long tabu promes mo kavenan long saed blong prishud; 45–53, Spirit blong Kraes i givim moa laet long ol man, mo wol i slip long sin; 54–61, Olgeta Sent oli mas testifae abaot ol samting ia we oli bin kasem; 62–76, Oli mas prijim gospel, mo ol saen bae oli folem; 77–91, Ol elda oli mas go aot emti han mo nogat samting, mo Lod bae i tekem kea long ol nid blong olgeta; 92–97, Ol bigfala sik we oli kilimded man mo ol strong nogud tok oli stap wet long olgeta we oli sakemaot gospel; 98–102, Lod i givim niu singsing blong pemaot Saeon; 103–110, Evri man i mas stanap long ofis blong hem mo i mas wok long koling blong hem; 111–120, Ol wokman blong Lod oli mas talemaot rabis sin we bae i mekem prapa bigfala nogud taem blong ol las dei.
Seksen 85
1–5, Ol pat blong kasem long Saeon, oli mas kasem tru long fasin blong konsekresen, o blong givim evri samting; 6–12, Wan we i gat paoa mo i strong long saed blong spirit bae i givim ol Sent ol pat blong olgeta long Saeon.
Seksen 86
1–7, Lod i givim mining blong parabol blong gudfala sid mo rabis gras; 8–11, Hem i eksplenem ol prishud blesing blong olgeta we oli gat raet folem loa mo folem laen blong olgeta.
Seksen 87
1–4, Lod i talem fastaem abaot wo bitwin ol Stet long Not mo ol Stet long Saot; 5–8, Ol bigfala trabol bae i foldaon long evri man we oli stap laef long wol.
Seksen 88
1–5, Ol fetful Sent oli kasem Spirit blong Givhan, we i promes blong laef we i no save finis; 6–13, Laet blong Kraes i kontrolem mo i lidim evri samting; 14–16, Laef Bakegen long Ded i kam tru long Fasin blong Pemaot Man; 17–31, Fasin blong stap obei long selestial, terestrial, mo telestial loa i mekem man i rere blong kasem ol kingdom mo glori we hem i stap obei long loa blong hem; 32–35, Olgeta we oli wantem stap long sin bambae oli stap gohed nomo blong stap doti; 36–41, Loa i lidim evri kingdom; 42–45, God i givim ol loa long saed blong evri samting; 46–50, Man bambae i andastanem samting mo bambae i andastanem God tu; 51–61, Parabol blong man we i stap sendem ol wokman oli go wok long garen mo afta i go visitim olgeta, wan afta wan; 62–73, Kam kolosap long Lod, mo bambae yufala i luk fes blong Hem; 74–80, Mekem yufala i kam tabu mo tijim long wanwan long yufala bakegen ol doktrin blong kingdom; 81–85, Evri man we Lod i givim woning long hem bambae i mas givim woning long neba blong hem; 86–94, Ol saen, ol samting blong kriesen we oli blokem yumi, mo ol enjel oli mekem rere rod blong taem we Lod i kam; 95–102, Ol pupu blong ol enjel oli singaotem ol dedman oli kamaot long oda; 103–116, Ol pupu blong ol enjel oli talemaot gospel we i kambak, foldaon blong Babilon, mo faet blong God we i hae; 117–126, Go lanem samting, stanemap wan haos blong God (wan tempol), mo putum klos ia we hem i jareti; 127–141, Lod i presentem oda blong Skul blong Ol Profet, we i tekem tu, odinens blong wasem leg.
Seksen 89
1–9, Yus blong waen, ol strong drink, tabak, mo ol hot drink, Lod i blokem; 10–17, Ol grin lif, ol frut, mit, mo ol sid, Lod i putum blong man mo animol i yusum; 18–21, Fasin blong obei long loa blong gospel, we i tekem Tok blong Waes, i tekem i ol blesing long saed blong laef ia mo long saed blong spirit oli kam.
Seksen 90
1–5, Lod i givim wetem tras, ol ki blong kingdom long Josef Smit mo tru long hem, i givim long Jos; 6–7, Sidni Rigdon mo Frederik G. Wiliams oli mas stap long Fas Presidensi; 8–11, Bae oli mas prijim gospel long ol nesen blong Isrel, long Ol Jentael, mo long Ol Jiu, evri man i harem long lanwis blong hem; 12–18, Josef Smit mo ol kaonsela blong hem oli mas putum Jos i stap long oda; 19–37, Lod i givim kaonsel long plante blong oli wokbaot long stret laef mo oli givim seves insaed long kingdom blong Hem.
Seksen 91
1–3, Apokrifa (ol tok haed) oli bin transletem i gud be i gat sam toktok we han blong man i ademap, we oli no tru; 4–6, Apokrifa ia i givim gud samting long olgeta we Spirit i givim moa laet long olgeta.
Seksen 92
1–2, Lod i givim wan komanmen long saed blong joenem grup blong yunaet oda.
Seksen 93
1–5, Evriwan we oli fetful bambae oli luk Lod; 6–18, Jon i testifae se Pikinini blong God i kasem gladhat mo i gro mo kasem moa gladhat kasem taem Hem i kasem ful paoa mo glori blong Papa; 19–20, Ol fetful man, we oli kasem gladhat mo oli gro mo kasem moa gladhat, bambae oli kasem ful paoa mo glori blong Hem tu; 21–22, Olgeta we oli bon bakegen tru long Kraes oli blong Jos Ia blong Fasbon; 23–28, Kraes i bin kasem fulwan blong evri trutok, mo man, tru long fasin blong obei, bambae oli save kasem semmak; 29–32, Man i bin stap wetem God long stat; 33–35, Ol samting we God i mekem wol ia wetem, oli no save finis, mo man i kasem glad we i fulwan long taem blong Laef Bakegen long Ded; 36–37, Glori blong God, hem i waes; 38–40, Ol pikinini oli no gat rong long fored blong God from we Kraes i bin pemaot olgeta; 41–53, Ol brata we oli ol lida oli kasem oda blong putum famli blong olgeta i stap long oda.
Seksen 94
1–9, Lod i givim wan komanmen long saed blong wok blong bildim wan haos blong Presidensi i mekem ol wok blong Jos; 10–12, Bambae oli mas bildim wan haos blong printim ol buk; 13–17, Lod i givimaot sam samting long olgeta we oli gat raet blong kasem.
Seksen 95
1–6, Lod i tok strong blong stretem ol Sent from we oli nomo bildim haos blong Lod; 7–10, Lod i wantem yusum haos blong Hem blong givim long pipol blong Hem, paoa ia we i kam long heven; 11–17, Haos ia, bambae oli mas dediketem olsem wan ples blong mekem wosip mo blong mekem skul blong ol Aposol.
Seksen 96
1, Ketlan Stek blong Saeon i mas kam strong moa; 2–5, Bisop i mas serem ol samting we olgeta Sent oli gat raet long hem; 6–9, Jon Jonson i mas kam wan memba blong grup blong yunaet oda.
Seksen 97
1–2, Plante long olgeta Sent long Saeon (Jakson Kaonti, Misuri) oli kasem blesing from fasin blong olgeta blong stap fetful; 3–5, Lod i presem Parli P. Prat from ol wok blong hem insaed long skul long Saeon; 6–9, Olgeta we oli folem ol kavenan, Lod i akseptem olgeta; 10–17, Oli mas bildim wan haos long Saeon, we insaed long hem, olgeta we oli gat wan hat we i klin evriwan, bambae oli luk God; 18–21, Saeon i olgeta we oli gat hat we i klin; 22–28, Saeon bambae i no kasem wip blong Lod sapos hem i stap fetful.
Seksen 98
1–3, Ol hadtaem blong olgeta Sent bae oli blong gud blong olgeta; 4–8, Olgeta Sent oli mas sapotem mama loa blong kantri; 9–10, Ol memba blong Jos oli mas sapotem ol man we oli ones, waes mo gud blong oli stap long ol ples long gavman; 11–15, Olgeta we oli givim laef blong olgeta taem oli wok blong Lod bambae oli gat laef we i no save finis; 16–18, Sakemaot wo mo taltalemaot pis; 19–22, Lod i tok strong long olgeta Sent long Ketlan mo i komandem olgeta blong oli sakem sin; 23–32, Lod i talemaot ol loa blong Hem long saed blong ol hadtaem mo ol fasin blong givim hadtaem we i kam long ol pipol blong Hem; 33–38, Wo i stret nomo taem Lod i givim oda from; 39–48, Olgeta Sent oli mas fogivim ol enemi blong olgeta, we, sapos oli sakem sin, oli ronwe long fasin we Lod bae i givimbak long olgeta.
Seksen 99
1–8, Lod i singaotem Jon Medok blong talemaot gospel, mo olgeta we oli akseptem hem, bae oli akseptem Lod mo bae oli kasem sore blong hem.
Seksen 100
1–4, Josef mo Sidni, tufala i mas prijim gospel blong Jisas i sevem ol sol; 5–8, Bae Lod i givim long tufala long stret aoa, wanem nao we tufala i mas talem; 9–12, Sidni i mas stap man blong talemaot samting, mo Josef i mas stap wan reveleta mo stap strong long testemoni; 13–17, Lod bae i mekem rere wan pipol we i klin evriwan, mo olgeta we oli obei, bae Lod i sevem olgeta.
Seksen 101
1–8, Ol Sent oli kasem panismen mo gat hadtaem from oli brekem loa; 9–15, Kros blong Lod bae i foldaon long ol nesen, be ol pipol blong Hem bae oli kam tugeta wanples mo Lod bae i leftemap tingting blong olgeta; 16–21, Lod bae i stanemap Saeon mo ol stek blong hem; 22–31, Lod i tokbaot se laef bae i olsem wanem long taem blong Mileniom; 32–42, Lod bae i blesem mo givim praes long olgeta Sent long taem ia; 43–62, Parabol blong gudfala man mo blong ol olif tri i soemaot ol trabol mo taem ia we bae Lod i pemaot Saeon; 63–75, Ol Sent oli mas gohed blong kam tugeta long wanples; 76–80, Lod i bin stanemap Konstitusen blong Yunaeted Stet; 81–101, Ol Sent oli mas askem blong oli stretem ol nogud samting we oli bin mekem long olgeta, folem parabol blong woman mo jaj ia we i no stret.
Seksen 102
1–8, Lod i jusum wan hae kaonsel blong stretem ol impoten problem we oli stap kam antap insaed long Jos; 9–18, Seksen ia i talemaot ol fasin blong wok blong oli harem mo jajem wanwan problem; 19–23, Presiden blong kaonsel i givim desisen; 24–34, Seksen ia i talemaot fasin blong apil agensem wan desisen.
Seksen 103
1–4, From wanem Lod i bin letem blong olgeta Sent long Jakson Kaonti oli kasem hadtaem; 5–10, Olgeta Sent bae oli win sapos oli obei long ol komanmen; 11–20, Fasin blong pemaot Saeon bae i kam tru long paoa, mo Lod bae i go long fored blong ol pipol blong Hem; 21–28, Olgeta Sent oli mas kam wanples long Saeon, mo olgeta we oli givim laef blong olgeta, bae oli faenem laef blong olgeta bakegen; 29–40, Lod i singaotem sam brata blong oganaesem Kamp blong Saeon mo go long Saeon; Lod i bin promesem olgeta se bae oli win sapos oli stap fetful.
Seksen 104
1–10, Olgeta Sent we oli brekem ol loa blong grup blong yunaet oda, bae Lod i sakem wan strong nogud tok long olgeta; 11–16, Lod i givim samting long olgeta Sent blong Hem long wei blong Hem; 17–18, Loa blong gospel i lidim fasin blong kea long olgeta we oli pua; 19–46, Lod i talemaot ol samting we wanwan brata bae i lukaotem mo ol blesing blong olgeta; 47–53, Grup blong yunaet oda long Ketlan mo oda long Saeon bae oli mas wok wanwan; 54–66, Lod i setemap tabu wok blong mane we bae i stap blong printim ol skripja; 67–77, Jeneral wok blong lukaot long mane blong grup blong yunaet oda i mas wok folem fasin blong evriwan i agri; 78–86, Olgeta we oli stap long grup blong yunaet oda oli mas pemaot evri kaon blong olgeta, mo Lod bae i mekem olgeta oli fri long fasin blong stap slef long saed blong mane.
Seksen 105
1–5, Saeon bae i stanap i folem selestial loa; 6–13, Taem blong fasin blong putumbak Saeon i sevet blong wan smol taem; 14–19, Lod bae i faet long ol faet blong Saeon; 20–26, Olgeta Sent oli mas waes mo oli no mas tokflas abaot ol bigfala wok, taem oli kam tugeta wanples; 27–30, Oli mas pemaot ol graon long Jakson mo long ol kaonti we oli stap long saedsaed mo raon; 31–34, Ol elda oli mas kasem endaomen blong olgeta insaed long haos blong Lod long Ketlan; 35–37, Olgeta sent we Lod i singaotem mo jusum olgeta, bae oli kam tabu; 38–41, Olgeta Sent bae oli mas leftemap wan flag blong pis i go long wol.
Seksen 106
1–3, Lod i singaotem Waren A. Kaodri olsem wan lokol prisaeding ofisa; 4–5, Seken Kaming bae i no kam long ol pikinini blong laet olsem wan stilman; 6–8, Ol bigfala blesing oli kam afta wan fetful seves insaed long Jos.
Seksen 107
1–6, I gat tufala prishud: Melkesedek mo Aronik; 7–12, Olgeta we oli kasem Melkesedek Prishud, oli gat paoa blong mekem wok long evri ofis insaed long Jos; 13–17, Bisoprik i prisaed ova long Aronik Prishud, we i lidim evri odinens we man i save luk; 18–20, Melkesedek Prishud i holem ol ki blong evri blesing long saed blong spirit; Aronik Prishud i holem ol ki blong seves blong ol enjel; 21–38, Fas Presidensi, Olgeta Twelef, mo Olgeta Seventi oli stap olsem ol kworom we oli lukaot long jos, oli mas mekem ol desisen long yuniti mo long stret mo gud fasin; 39–52, Lod i stanemap oda blong petriak stat long Adam i go kasem Noa; 53–57, Olgeta Sent we oli bin laef bifo oli bin kam tugeta wanples long Adam-ondi-Aman, mo Lod i bin kamaot long olgeta; 58–67, Olgeta Twelef oli mas putum ol ofisa blong Jos folem oda; 68–76, Ol bisop oli stap olsem ol jeneral jaj long Isrel; 77–84, Fas Presidensi mo Olgeta Twelef oli stap olsem kot we i moa hae insaed long Jos; 85–100, Ol prishud presiden oli lidim ol kworom blong olgeta.
Seksen 108
1–3, Liman Serman i kasem fogivnes from ol sin blong hem; 4–5, Bae oli mas kaontem hem wetem ol elda we oli ol lida blong Jos; 6–8, Lod i singaotem hem blong prijim gospel mo blong mekem ol brata blong hem oli kam strong moa.
Seksen 109
1–5, Oli bin bildim Ketlan Tempol olsem wan ples blong Pikinini blong Man i kam visit; 6–21, Hem i mas stap olsem wan haos blong prea, blong livim kakae, blong fet, blong lanem samting, blong glori, blong oda, mo wan haos blong God; 22–33, Prea i blong olgeta we oli no wantem sakem sin mo oli agensem ol pipol blong Lod, bae oli nomo gat toktok blong talem; 34–42, Prea i blong olgeta Sent oli go fored wetem paoa blong karem olgeta we oli stret mo gud oli kam wanples long Saeon; 43–53, Prea i blong olgeta Sent oli kam fri long ol nogud samting we bae i foldaon bigwan long ol man nogud long ol las dei; 54–58, Prea i blong ol nesen mo ol pipol mo ol jos oli mas rere from gospel; 59–67, Prea i blong Lod i pemaot olgeta Jiu, Ol Man blong Leman, mo ful Isrel; 68–80, Prea i blong olgeta Sent oli kasem glori mo ona antap long hed blong olgeta, mo blong oli kasem fasin blong sevem man we i no save finis.
Seksen 110
1–10, Lod Jehova i kamaot wetem glori mo i akseptem Ketlan Tempol olsem haos blong Hem; 11–12, Moses mo Elaeas, wanwan long tufala i kamaot mo i givim ol ki blong dispensesen blong tufala; 13–16, Elaeja i kambak mo i givim ol ki blong dispensesen blong hem olsem we Malakae i bin promesem.
Seksen 111
1–5, Lod i lukluk long ol nid, long saed blong laef ia, blong ol wokman blong Hem; 6–11, Bae hem i soemaot sore blong hem long Saeon mo mekem evri samting i stret, blong gud blong ol wokman blong Hem.
Seksen 112
1–10, Olgeta Twelef oli mas sendem gospel mo leftemap wan voes blong woning i go long evri nesen mo pipol; 11–15, Olgeta Twelef, oli mas karem kros blong olgeta, folem Jisas, mo fidim ol sipsip blong Hem; 16–20, Olgeta we oli akseptem Fas Presidensi, oli akseptem Lod; 21–29, Tudak i kavremap wol, mo olgeta nomo we oli biliv mo oli kasem baptaes bambae Jisas i sevem olgeta; 30–34, Fas Presidensi mo Olgeta Twelef, oli holem ol ki blong dispensesen blong taem blong evri wok blong God i kamtru.
Seksen 113
1–6, Lod i talemaot huia i stamba blong Jese, branj we i kamaot long hem, mo rus blong Jese; 7–10, Haf laen blong Saeon we oli go wanwan, oli gat wan raet long prishud mo Aesea i singaotem olgeta blong kambak long Lod.
Seksen 114
1–2, Bae Lod i givim ol wok blong jos we olgeta we oli no fetful oli holem i go long ol narafala man.
Seksen 115
1–4, Lod i putum nem blong jos blong Hem i, Jos Ia blong Jisas Kraes blong Ol Lata-dei Sent; 5–6, Saeon mo ol stek blong hem oli ol ples blong olgeta Sent oli difendem olgeta mo blong oli stap sef long hem; 7–16, Lod i komandem olgeta Sent blong bildim wan haos blong hem long Fa Wes; 17–19, Josef Smit i holem ol ki blong kingdom blong God long wol ia.
Seksen 116
Seksen 117
1–9, Ol wokman blong Lod oli no mas wantem ol samting we i blong wol ia, from we “?wanem propeti nao i impoten long Lod?”; 10–16, Oli mas livim fogud fasin blong gat smol maen long sol, mo sakrifaes blong olgeta bae i tabu long Lod.
Seksen 118
1–3, Lod bae i givim ol samting we ol famli blong Olgeta Twelef oli nidim; 4–6, Ol emti spes insaed long Olgeta Twelef oli nomo emti.
Seksen 119
1–5, Olgeta Sent oli mas pem ol propeti blong olgeta we i ova mo afta, givim, olsem wan taeting, wan aot long ten blong wanem oli winim long wan yia; 6–7, Rod ia bae i mekem graon blong Saeon i kam tabu.
Seksen 120
Seksen 121
1–6, Profet i prea long Lod from ol samting we ol Sent oli safa long hem; 7–10, Lod i givim pis long hem; 11–17, Lod i sakem strong nogud tok long olgeta we oli talemaot ol giaman toktok agensem ol pipol blong Lod se oli brekem loa; 18–25, Olgeta ia, bae oli no gat raet long prishud mo bae oli no save kam antap samtaem; 26–32, Lod i promesem ol bigfala revelesen long olgeta we oli stap strong wetem strong tingting; 33–40, From wanem Lod i singaotem plante be hem i jusum samfala nomo; 41–46, Man i mas yusum prishud long stret mo gud fasin nomo.
Seksen 122
1–4, Evri en blong wol bae i askem abaot nem blong Josef Smit; 5–7, Evri denja mo safa blong hem, bae i givim hem eksperiens mo bae i blong gud blong hem; 8–9, Pikinini blong Man i bin kamdaon mo fesem i bitim evri samting ia.
Seksen 123
1–6, Ol Sent oli mas putum tugeta mo printim wan stori abaot ol samting we oli bin safa mo ol hadtaem we oli kasem; 7–10, Semfala spirit we i bin setemap ol giaman bilif, i lidim fasin blong givim hadtaem blong ol Sent; 11–17, Plante long medel blong evri grup blong relijin bae oli kasem trutok yet.
Seksen 124
1–14, Lod i bin komandem Josef Smit blong talemaot strong abaot gospel long presiden blong Yunaeted Stet, ol gavna, mo ol man blong rul blong evri nesen; 15–21, Haeram Smit, Deved W. Paten, Josef Smit Senia, mo ol narafala long medel blong olgeta we oli laef mo olgeta we oli ded, oli kasem blesing from fasin blong olgeta blong stap tru mo from ol klin fasin blong olgeta; 22–28, Lod i komandem ol Sent blong bildim wan haos blong stap lukaotem ol strenja, mo wan tempol long Nauvu; 29–36, Ol memba blong Jos oli mas mekem baptaes blong olgeta dedman insaed long tempol; 37–44, Ol pipol blong Lod oli oltaem bildim ol tempol blong mekem ol tabu odinens; 45–55, Ol Sent oli nomo gat wok ia blong bildim wan tempol long Jakson Kaonti from fasin blong ol enemi blong olgeta blong mekem nogud long olgeta; 56–83, Lod i givim ol instraksen blong bildim Haos blong Nauvu; 84–96, Lod i singaotem Haeram Smit blong stap olsem wan petriak, blong kasem olgeta ki, mo blong tekem ples blong Oliva Kaodri; 97–122, Lod i givim instraksen long Wiliam Lo mo ol narafalawan long saed blong wok blong olgeta; 123–145, Lod i givim nem blong ol jeneral mo lokol ofisa, wetem ol diuti blong olgeta mo wanem kworom bae oli stap long hem.
Seksen 125
1–4, Ol sent oli mas bildim ol siti mo oli mas karem ol stek blong Saeon oli kam wanples.
Seksen 126
1–3, Lod i presem Brigham Yang from ol wok blong hem mo Lod i rilisim hem long ol fiuja travel i go long narafala ples.
Seksen 127
1–4, Josef i gat glad long taem we hem i kasem hadtaem mo trabol; 5–12, Ol memba blong Jos oli mas gohed blong raetemdaon ol rekod long saed blong ol baptaes blong olgeta dedman.
Seksen 128
1–5, Ol lokol mo jeneral man blong raetemdaon rekod oli mas talem se i tru we ol baptaes long bihaf blong ol dedman i bin hapen; 6–9, Rekod blong olgeta, oli laef mo oli rekodem long wol mo long heven; 10–14, Pul blong baptaes i ripresentem gref; 15–17, Elaeja i bin putumbak paoa long saed blong baptaes long bihaf blong ol dedman; 18–21, Evriwan long ol ki, paoa, mo atoriti blong ol dispensesen blong bifo, oli bin putumbak; 22–25, Josef Smit i talemaot ol glad nius mo gud nius long saed blong olgeta we oli laef mo olgeta we oli ded.
Seksen 129
1–3, I gat ol bodi we oli laef bakegen, mo ol spirit bodi long heven; 4–9, Josef Smit i givim ol ki, we tru long olgeta, oli luksave ol mesenja we oli kam long narasaed blong vel.
Seksen 130
1–3, Papa mo Pikinini, wanwan long tufala i save kamaot long man; 4–7, Ol enjel oli stap long wan selestial ples; 8–9, Selestial wol bae i wan bigfala Yurim mo Tumim; 10–11, God i givim wan waet ston long evriwan we i go insaed long selestial wol; 12–17, God i no talemaot taem blong Seken Kaming long Profet; 18–19, Waes we yumi kasem long laef ia bae i stap wetem yumi long Laef Bakegen long Ded; 20–21, Evri blesing oli kam taem yumi stap obei long loa; 22–23, Papa mo Pikinini, tufala i gat bodi blong mit mo bun.
Seksen 131
1–4, Selestial mared i wan mas blong kam olsem wan god long ples we i moa hae olgeta insaed long heven; 5–6, Josef Smit i eksplenem olsem wanem man i sil i go long laef we i no save finis; 7–8, Evri samting we i spirit i wan samting.
Seksen 132
1–6, Fasin blong kam olsem wan god, man i kasem tru long kavenan ia we i niu mo i no gat en; 7–14, Lod i eksplenem ol rul mo kondisen blong kavenan ia; 15–20, Selestial mared mo fasin blong famli yunit i gohed i mekem se man i save kam olsem ol god; 21–25, Rod we i stret mo i no isi i lidim yumi long ol laef we oli no save finis; 26–27, Lod i givim loa long saed blong fasin blong tok agensem Tabu Spirit; 28–39, Lod i mekem ol promes blong gohed blong gat pikinini blong taem we i no save finis mo fasin blong kam olsem wan god long ol profet mo ol Sent we oli laef long eni taem blong wol ia; 40–47, Lod i givim long Josef Smit, paoa blong joenem mo silim samting long wol mo long heven; 48–50, Lod i silim Josef Smit blong hem i kam olsem wan god; 51–57, Lod i komandem Ema Smit blong stap fetful mo tru; 58–66, Lod i eksplenem ol loa long saed blong fasin blong man i maredem fulap woman.
Seksen 133
1–6, Olgeta Sent oli kasem komanmen blong oli mas mekem olgeta oli rere from Seken Kaming; 7–16, Evri man i kasem komanmen blong ronwe long Babilon, blong go long Saeon, mo blong rere from bigfala dei ia blong Lod; 17–35, Bambae Hem i stanap long Hil blong Saeon, ol defren graon bae oli joen i kam wan graon, mo ol traeb blong Isrel we oli lus bambae oli kambak; 36–40, Gospel i bin kambak tru long Josef Smit, blong oli prijim long ful wol; 41–51, Lod bae i kamdaon, wetem tingting blong givimbak long olgeta man we oli nogud; 52–56, Bambae i yia blong olgeta we Hem i pemaot olgeta; 57–74, Oli mas sendem gospel blong Hem i go blong sevem olgeta Sent mo blong prapa spolem gud ol nogud man.
Seksen 134
1–4, Ol gavman oli mas holemtaet fridom blong tingting mo blong wosip; 5–8, Evri man i mas sapotem ol gavman blong olgeta mo oli mas gat respek mo stap folem loa; 9–10, Ol grup blong relijin oli no mas gat paoa blong yusum paoa blong gavman ova long ol man; 11–12, Man i gat raet blong difendem hemwan mo ol samting blong hem.
Seksen 135
1–2, Oli kilimded Josef mo Haeram Smit insaed long Katej Kalabus from bilif blong tufala; 3, Oli talemaot se posisen blong Profet we i hae mo i impoten tumas; 4–7, Blad blong tufala we i nogat rong long hem i testifae se wok ia i tru mo i kam long heven.
Seksen 136
1–16, Oli eksplenem olsem wanem nao bae oli mas oganaesem kamp blong Isrel blong rere long wokbaot i go Wes; 17–27, Olgeta Sent oli kasem komanmen blong laef folem sam standet blong gospel; 28–33, Olgeta Sent oli mas singsing, danis, prea, mo lanem waes tingting; 34–42, Ol nogud man oli kilimded ol profet blong mekem se Lod i givim ona long olgeta, mo i panisim olgeta we oli nogud.
Seksen 137
1–6, Profet i luk brata blong hem, Alvin, insaed long selestial kingdom; 7–9, Lod i talemaot doktrin blong fasin blong sevem ol dedman; 10, Jisas i sevem evri pikinini i go long selestial kingdom.
Seksen 138
1–10, Presiden Josef F. Smit i stap tingting hevi long ol toktok we Pita i bin raetem mo visit blong Lod blong yumi i go long spirit wol; 11–24, Presiden Smit i luk olgeta dedman we oli stret mo gud oli kam wanples long paradaes mo seves blong Kraes long medel blong olgeta; 25–37, Hem i luk olsem wanem nao oli bin oganaesem wok blong prijim gospel long medel blong ol spirit; 38–52, Hem i luk Adam, Iv, mo plante long ol tabu profet insaed long spirit wol we oli bin tekem se laef blong olgeta long spirit wol bifo oli laef bakegen long ded, i olsem blong stap insaed long wan kalabus; 53–60, Olgeta dedman we oli stret mo gud long taem naoia oli gohed long ol wok blong olgeta insaed long wol blong ol spirit.