U Testimonioil Óxtúl Testigooʼob

Ohélteʼexeʼ tulácal caheʼex, ét láktsileʼex, tʼaneʼex yétel meheʼn caheʼex, tiʼ maʼxeʼex bín in cáhs le meyahaʼ: Toʼoneʼ, tu yoʼolal u yutsil síbalil Hahal Dios le Tataoʼ yétel c Yumtsil Jesucristo, dzoʼoc c ilic le laminaoʼob tuʼux dzibaʼan le baʼaloʼobaʼ, lelaʼ u historiail u cahal Nefi yétel xan u cahal u palal Laman, u sucuʼunoʼob yétel xan u cahal Jared maʼx h tal tiʼ le torre dzoʼoc u yaʼalaʼaloʼ. C oheʼl xaneʼ dzoʼoc u yaʼalaʼal tumen u síbal utsil yétel u páhtalil Hahal Dios, tumen bey u yaʼalmaʼhil toʼon u tʼan; le betiʼqueʼ c oheʼl tu hahil le meyahaʼ. C testiʼficartiʼc xaneʼ c ilmaʼh le baʼax dzíbaʼan tiʼ le laminaoʼoboʼ; yétel dzoʼoc u yeʼesaʼal toʼon tumen u páhtalil Hahal Dios; maʼ tumen maʼc. C aʼalic xan yétel hah tʼanoʼobeʼ huntúl u angel Hahal Dios h ém teʼ caʼanoʼ ca tu tasah le laminaoʼoboʼ actán tiʼ toʼon le betiʼc túneʼ t ilah beyxann le baʼax dzíbtaanoʼoboʼ. Yétel c oheʼl xaneʼ tu yoʼolal u yutsil síbalil Hahal Dios le Tataoʼ, yétel c Yumtsil Jesucristoeʼ t ilah, yétel c hach aʼaliqueʼ tulácal le baʼaloʼobaʼ hah. Yétel hakaʼan c ól c pactiʼc. Chén baʼaleʼ, u tʼan Yumtsil aʼal toʼon, ca c aʼal le baʼaloʼobaʼ le betiʼc túneʼ, tu yoʼolal c uʼuyic u tʼan Hahal Dioseʼ, c hach aʼalic le baʼaloʼobaʼ. Yételeʼ c oheʼlwá chucaʼan c ól tiʼ Cristo c nokoʼobeʼ bin pʼoʼobocoʼob tiʼ u kiʼikeloʼ tulácal maʼcoʼob yétel bín anacoʼon yétel mix humpʼél maʼncha tu tánil u cúchil u juicio Cristo, yétel bín cahlacoʼon minaʼan u xul tu yétel teʼ caʼanoʼoboʼ. Ca tún dzaʼabac u gloriail tiʼ le Tataoʼ yétel tiʼ le Paloʼ yétel tiʼ le Hahil Pixanoʼ maʼxoʼob huntúliliʼ Dios. Ca beyac.