U
Libroil Mormon

Le betiʼc túneʼ humpʼél u tsicbalil u cahal Nefi bey heʼebix xan tiʼ le u palaloʼob Laman. Dzíbtaan tiʼ u palal Laman, leloʼobaʼ u yalab u cahal Israel; yétel xan tiʼ le judioʼoboʼ yétel tiʼ le maʼ judioʼoboʼ. Dzíbtaan tumen bey tu yaʼalil Diosoʼ, tu yoʼolal le profetaoʼoboʼ yétel le tʼan dzabaʼan tumen le Pixan cu tuxtiʼc Diosoʼ le baʼax cu yeʼesicoʼ. Dzíbtaan, kalaʼan yétel taacaʼan utiaal le baʼax u kát Yumtsileʼ, tu yoʼolal maʼ u xuʼulsaʼal. Bín chícpahac tu yoʼolal u sibal yétel u páhtalil Hahal Dios tu yoʼolal u suʼutul tiʼ le tʼan ca naʼatiʼcoʼ. Kalaʼab tumen u kab Moroni yétel taacaʼab tiʼ Yumtsileʼ tu yoʼolal ca chícpahac hach tu kinil u káteʼ ichil le maʼ judioʼoboʼ yétel ca naʼataac le tʼanoʼobaʼ tu yoʼolal u dzaʼabal tumen Hahal Dios.

Dzeʼedzec xan baʼaxoʼob dzíbtaan tiʼ u libroil Eter, lelaʼ u tsoʼolol u cahal Jared, le kiʼitpahoʼob le kin cah xaʼakpahoʼob u tʼan le maʼcoʼoboʼ tán caʼach u betiʼcoʼob humpʼél torre ca kuchuc tac tiʼ caʼanoʼ. Lelaʼ cu yeʼesic tac tu xul u cahal Israel bucaʼah nucuch baʼaloʼob dzoʼoc u betiʼc Hahal Dios tu yoʼolal u tataoʼob maʼc yétel tu yoʼolal u yoheltiʼcoʼob baʼax u yaʼalmaʼh Hahal Dios ca dzaʼabac tiʼoʼob, de que maʼ h puʼuloʼob minaʼan u xul u kinil tu tán Hahal Dios, yétel ca u naʼat le judioʼoboʼ yétel le maʼ judioʼoboʼ de que Jesuseʼ letiʼ le Cristooʼ, le Dios Minaʼan u Xuloʼ, Letiʼ cu yeʼesicuba tiʼ tulácal cah. Beʼoraaʼ wá yan baʼax wáy dzíbtaanaʼ maʼ maʼalob dzíbtaaniʼ letiʼ tu yoʼolal maʼcoʼob, beyoʼ, maʼ ca wáʼaliqueʼex de que maʼ maʼalob u baʼaxiʼloʼob u dzamáʼh Hahal Dios ca pátac a sutaba sac tu trono juicoil Cristo.