1 Inge Alma, el sensenkihnyuck sin Leum tuh solse lal tohkohsrah Noah ah ac tuhkuh in sruokuhltahluh, ac el oruh in kahlwem nuh sin mwet lal, ohinge elos oracni nuh sie un sip nahtuhlos, ac us grain nwaclos, ac som nuh innimac met liki solse lal tohkohsrah Noah ah.

2 Ac Leum El ahkkweyelos, tuh mwet lal tohkohsrah Noah ah tiac kuh in eisaclos in kuhnaosuhloslac.

3 Ac elos kahinglac lwen alkosr ke fuhfahsryucsr nuh innimac.

4 Ac elos tuhkuh nuh ke sie acn, ahok, finne sie acn na kahto ac wo, sie acn ma nwacsnwacs kof we.

5 Ac elos tulohkohnwack lohm nuknuk selos, ac muhtwacwacack in imaci infohk ah, ac muhtwacwacack in muhsah lohm; ahok, elos moniyuck in orekma.

6 Ac mwet ah kena tuh Alma elan fah tohkohsrah lalos, tuh mwet ah luhngse el.

7 Tuh el fahk nuh selos: Liye, tiac enenuh tuh in oasr tohkohsrah se lasr; tuh ohinge Leum El fahk: Kowos fah tiac nuhnkuh sie mwet in yohk liki sie, kuh sie mukul fah tiac nuhnkwacl sifacna muh el lucng liki sie na; ohinge nga fahk nuh suwos tuh tiac enenuh tuh in oasr sie tohkohsrah lowos.

8 Ne ohinge, fin kuh tuh in kwacna oasr mukul suwohs in tohkohsrah lowos ac ma wo se nuh suwos in oasr sie tohkohsrah lowos.

9 Tuh esam ma koluk lal tohkohsrah Noah ac mwet tol lal; ac nga sifacna langyak ke sie mahsrihk, ac oruh ma pucspucs suc koluk nuh ye muhtuhn Leum, suc oruh in upac nuh sihk in auliyak.

10 Ne ohinge, tukun kweok yohk, Leum El lohng tuhng luhk, ac topuk pruhe luhk, ac oraclah nga in sie kuhfwen mwe orekma nuh in pacol in use inkaiyowos in etuh ke pwacye Lal.

11 Ne ohinge, ke ma se inge nga tiac kaksakihn, tuh nga suhfal in kaksakihnyuc sifacna.

12 Ac inge nga fahk nuh suwos, kowos kohs sel tohkohsrah Noah, ac muhta ye srohoh lal ac mwet tol lal, ac elos ilyak nuh ke ma koluk lalos; ohinge kowos srohoh ke mwe kapihr luhn ma koluk.

13 Ac inge ke kowos taltallah ke kuh luhn God liki kapihr inge; ahok, finne liki pahol tohkohsrah Noah ac mwet lal, ac oacyacpac liki kapihr luhn ma koluk, oruh nga kena tuh kowos in tu kuh ke moul sukohsohk se inge ma kowos sukohsohklah kac inge, ac tuh kowos in tiac luhlahlfongi oacna sie mwet in tohkohsrah lowos.

14 Ac oacyacpac tiac luhlahlfongi sie fanna in mwet luti lowos kuh pahstuh lowos, sahyacn el sie mukul luhn God, fahsr ke inkacnek Lal ac karihngihn masap Lal.

15 Ohinge Alma el luti mwet lal, tuh mukul nuhkwewa in luhngse mwet tuhlan lal ac el sifacna, tuh in fah wacngihn fohs inmahsrlolos.

16 Ac inge, Alma el mwet tol fuhlwact lalos, el pa sramtweack alu lalos.

17 Ac tukun ma inge wacngihn mwet eis wal in fahkwack ac luti sahyacn el fin ma sin God. Ohinge el ahkkweyelah mwet tol lal nohfohn ac mwet luti lalos nohfohn; ac wacngihn selos ahkkweyeyucklac sahyacn elos fin mwet suwohs.

18 Ohinge elos in liyacacng mwet lalos, ac in kihtaclos ke ma suc suwohswohs.

19 Ac tukun ma inge elos muhtwacwacack in kahsruhpi fahfahlac fin acn ah; ac elos pahngon acn sac Helam.

20 Ac tukun ma inge elos puhseni ac kahsruhpi fahfahlac fin acn Helam; ac elos muhsahelah sie siti, suc elos pahngon siti Helam.

21 Ne ohinge Leum El liye fal in kalyei mwet Lal; ahok, El srihke muhtweng lalos ac luhlahlfongi lalos.

22 Ne ohinge—el na suc likiyac luhlahlfongi lal in El, el oacyacpac sifacna fah katweyuckyak ke lwen sahflah. Ahok, ac ohinge pa inge ma oasr yurun mwet inge.

23 Tuh liye, nga fah ahkkahlwemye nuh suwos tuh elos utuckuh nuh ke srohoh, ac wacngihn selos kuh in usacloslac tuhsruhk Leum God lalos, ahok, finne God lal Abraham ac Isaac ac Jacob.

24 Ac tukun ma inge el molweloslac, ac el tuh ahkkahlwemye kuhlacna Lal nuh selos, ac yohk enganwack lalos.

25 Tuh liye, tukun ma inge ke elos oasr fin acn Helam, ahok, ke siti Helam, ke elos imaci acn ah raunweack, elos liye u in solse se luhn mwet Laman tuhkuh nuh ke inmahsrol luhn acn ah.

26 Na tukun ma inge mwet wiyacl Alma kahinglac liki innimac lalos, ac oraclosweni nuh sie ke siti Helam; ac elos sahngweng yohk ke srihpen tuhkuh luhn mwet Laman.

27 Tuh Alma el som ac tu inmahsrlolos, ac fahk nuh selos elos in tiac sahngweng, tuh elos in esam Leum God lalos ac El ac kohlohloslac.

28 Ohinge elos tui ke sahngweng lalos, ac muhtwacwacack in pruhe nuh sin Leum tuh Elan ahkfihsrwacsrye insiacn mwet Laman, elos in sruokyac moul lalos, muhtwacn kiyaclos, ac tuhlihk nahtuhlos.

29 Ac tukun ma inge Leum El ahkfihsrwacsryelah insiacn mwet Laman. Ac Alma ac mwet wiyacl som ac isaclosyang sifacna nuh in paholos; ac mwet Laman elos sruokyac acn Helam.

30 Inge solse luhn mwet Laman, suc ukwe mwet lal tohkohsrah Limhi, elos tuhlac innimac ke lwen pucspucs.

31 Ac liye, elos konwacack mwet tol lal tohkohsrah Noah ah, ke sie acn suc elos pahngon Amulon; ac elos muhtwacwacack in sruokyac acn Amulon ac muhtwacwacack in imaci infohk ah.

32 Inge inen sifac luhn mwet tol ac pa Amulon.

33 Ac tukun ma inge Amulon el siyuck na pwacye sin mwet Laman; ac el oacyacpac suhpwaclah muhtwacn kiyaclos, suc tuhlihk muhtwacn nuhtin mwet Laman, in siyuck na pwacye sin mwet wiyaclos, tuh elos in tiac kuhnahoslah mukul tuhmwaclos.

34 Ac mwet Laman elos ahkkahlwemye pahkomuhta nuh sel Amulon ac mwet wiyacl, ac tiac kuhnaosuhloslac, ke srihpen muhtwacn kiyaclos.

35 Ac Amulon ac mwet wiyacl weacng mwet Laman, ac elos fuhfahsryucsr ke innimac in suk acn Nephi ke elos konwacack acn Helam, suc karihngihnyuck sel Alma ac mwet lal.

36 Ac tukun ma inge mwet Laman elos olwelah nuh sel Alma ac mwet wiyacl, tuh fin elos ahkkahlwemye inkacnek suc som nuh ke acn Nephi tuh elos in sang nuh selos moul lalos ac sukohsohk lalos.

37 Tuh tukun Alma el ahkkahlwemye nuh selos tari ke inkacnek ma ac som nuh ke acn Nephi, mwet Laman elos tiac karihngihn olwelah lalos tuhsruhk elos likiyac mwet topang raunweack acn Helam, nuh sel Alma ac mwet wiyacl.

38 Ac mwet luhlah ah som nuh ke fin acn Nephi; ac kuhtuh selos fohlohk nuh fin acn Helam, ac oacyacpac weluhlos tuhkuh pa muhtwacn ac tuhlihk nuhtin mwet topang suc likiyucki fin acn ah.

39 Ac tohkohsrah luhn mwet Laman el sang nuh sel Amulon tuh elan sie tohkohsrah ac sie mwet kol nuh sin mwet ah, suc oasr fin acn Helam; ne ohinge in wacngihn kuh yohrohl in oruh kuhtwena ma ma ac tuh tiac wo nuh sin tohkohsrah luhn mwet Laman.