1 Ngan yana, ine nahitabo nga hi Alma, nga nakapalagiw tikang han mga suruguon ni Hadi Noah, in nagbasul han iya mga sala ngan mga karaotan, ngan nagsingadto hin sekreto han mga tawo, ngan nagtikang pagtutdo han mga tugon ni Abinadi —

2 Ngan liwat, mahitungod hadton tiarabot, ngan mahitungod liwat han pagkabanhaw han patay, ngan han pagtubos han mga tawo, nga matutuman pinaagi han kagamhanan, ngan pagsakit, ngan pagkamatay ni Cristo, ngan han iya pagkabanhaw ngan pagsaka ngadto ha langit.

3 Ngan hiya in nagtututdo ngadto ha ngatanan nga nanmamati han iya mga tugon. Ngan hira gintutdoan niya hin sekreto, para dire mahibaroan han Hadi. Ngan damo an tomuod han iya mga tugon.

4 Ngan ine nahitabo an ngatanan nga tumuod ha iya in nasingadto ha lugar nga tinatawag nga Mormon, kahuman karawaton adto nga ngaran tikang han hadi, tungod kay nakada han ginkatakipan han tuna nga inookyan, ha oras o ha panahon, hadton mga ihalas nga mga hayop.

5 Yana, mayada dida ha Mormon usa nga burabod hin malimpyo nga tubig, ngan hi Alma didto nasingadto, ngan dida hito nga harani an tubig mayada marabong nga gudti nga mga kahoy, ngan dida hiya nagtatago ha bug-os nga adlaw han ginbibiniling hiya han hadi.

6 Ngan ine nahitabo nga adton ngatanan nga natuod ha iya in nakadto pamati han iya mga tugon.

7 Ngan ine nahitabo nga nakalabay in damo nga mga adlaw may pipira nga maupay nga nagkatirok ha lugar ha Mormon, namati han mga tugon ni Alma. Oo, ngan nagkatirok adton ngatanan nga natuod han iya tugon, pamati ha iya. Ngan iya gintutdoan hira, nagwali hiunong han pagbasul, ngan pagtubos, ngan pagtuo ha Ginoo.

8 Ngan nahitabo nga hiya in nagsiring ngadto ha ira: Kamatuoran, iine an katubigan ha Mormon (tungod kay asya adton an ginngaran) ngan yana, kay karuyag niyo nga dumaop ngadto han hugpo han Diyos, ngan tawagon nga iya mga tawo, ngan andam magdara han mga paras-anon han kada-tagsa, nga magin magaan;

9 Oo, ngan andam nga magmasamdong upod hadton nagmamasamdong; oo, ngan an pagliaw hadton nagkikinahanglan han pagliaw; ngan tumindog nga mga testigos han Diyos ha ngatanan nga oras ngan ha ngatanan nga nahuna-huna, ngan ha ngatanan nga lugar diin kamo aadto, bisan ngada ha kamatayon, nga an Diyos in nagtubos ha iyo, ngan maihap upod hadton una nga pagkabanhaw, nga kamo in magkaada hin kinabuhi nga waray katapusan —

10 Ngan yana nasiring ako ngadto ha iyo, knn ine an panuyo han iyo mga kaburut-on, ano nga dire ka napabunyag ha ngaran han Ginoo, ha pagtestigo ha atubangan niya nga kamo in naghimo hin kauyonan ha iya, nga magserbisyo ha iya ngan magtuman han iya mga kasugoanan, nga mahibuhos niya an iya espiritu hin patakas ha iyo?

11 Ngan yana han pakabati han mga tawo hine nga mga tugon, nagparakpak hira han ira mga kamot hin kalipay, ngan nagguliat: Ine an panuyo han amon mga kaburut-on.

12 Ngan yana ine nahitabo nga hi Alma in nagupod kan Helam, hiya usa han mga nauna, kumadto ngan tumindog ha tubig, ngan nanginyupo hin pagkasiring: O, Ginoo, ig-buhos mo an imo Espiritu han imo suruguon, nga hiya in magbuhat hine nga buruhaton ha kabaraan ha abilidad.

13 Ngan han iya pagluwason ine nga mga tugon, an Espiritu han Ginoo in nakada ha iya, ngan hiya in nagsiring: Helam, binubunyagan ka ikaw, nga mayada awtoridad tikang han Makagarahum nga Diyos, ha pagpamatuod nga ikaw in naghimo hin kauyonan ha iya nga magseserbisyo ha iya ngada han pagkamatay han mortal nga lawas; ngan hinaut unta an Espiritu han Ginoo in ig-buhos ngada ha imo; nga unta in ihatag ha imo an kinabuhi nga waray katapusan, pinaagi han pagtubos ni Cristo, nga iya igin-andam tikang pa han pagkahimo han kalibutan.

14 Ngan katapos ni Alma igluwas ine nga mga tugon, hira Alma ngan hi Helam in nahilubong ha tubig, ngan tumukdaw ngan humaw-as ha tubig nga nalilipay, kay puno hin Espiritu.

15 Ngan liwat, nagupod hi Alma hin iba, ngan kumadto ha ikaduha nga higayon ha tubig, ngan nagbunyag sugad han una, ugaring la kay waray na liwat niya iglubong an iya kalugaringon ha tubig hin otro.

16 Ngan ha sugad hine nga paagi an iya pagbunyag han kadausa nga nakadto ha lugar ha Mormon; ngan hira in may kadamoon nga 204 nga mga kalag; oo, ngan hira in ginbunyagan ha katubigan ha Mormon, ngan hira in napuno hin grasya han Diyos.

17 Ngan hira in ginngaranan nga simbahan han Diyos, o simbahan ni Cristo tikang hadto. Ngan ine nahitabo nga an hin-o man nga binubunyagan ha gahum ngan awtoridad han Diyos in nahidudugang ngadto ha iya simbahan.

18 Ngan ine nahibato nga hi Alma, nga may awtoridad tikang han Diyos, in nagordina hin mga saserdote; usa ha kada 50 ha ira in iya gin-ordinahan agud magtutdo ngadto ha ira, ngan magtutdo ha ira hiunong han mga butang mahitungod han ginhadian han Diyos.

19 Ngan hiya in nagsugo ha ira nga dire magtutdo labot la hadton mga nahuna-huna nga iya igintutdo, nga han mga iginyakan han mga baba han mga baraan nga mga propeta.

20 Oo, ngan bisan nga hiya in nagsugo ha ira nga dire magwali labot la han pagbasul ngan pagtuo han Ginoo, nga nagtubos han mga tawo.

21 Ngan nagsugo hiya nga waray maglantugi ha kada tagsa, nga lugod manan-aw ha usa nga mata, nga may-usa nga pagtuo ngan usa nga pagbunyag, ngan an ira mga kaburut-on in magkaurosa hin paghigugma ha kada tagsa.

22 Ngan ha sugad hine hiya in nagsugo ha ira nga magwali. Ngan ha sugad hine hira in nagin mga anak han Diyos.

23 Hiya in nagsugo ha ira nga magsunod han adlaw nga iparahuway, nga pakabaraanon ine, ngan liwat magpasalamat ha Ginoo nga ira Diyos ha kada adlaw.

24 Ngan liwat hiya in nagsugo nga an mga saserdote nga iya gin-ordinahan nga magtrabaho han ira kalugaringon mga kamot para han ira ikabubuhi.

25 Ngan mayada usa kaadlaw kada semana nga igingahin para magkatitirok ngan magtutdo han mga tawo, ngan magampo han Ginoo nga ira Diyos, ngan liwat, kun akus nira, in pagkaurusa han pagkatitirok han ira mga kalugaringon.

26 Ngan an mga saserdote in dire magtapud han mga tawo para ha ira ikabubuhi; pero para han ira pagkabudlay in kinahanglan kumarawat han grasya ha Diyos, nga magmakusog hira ha Espiritu, nga may kaaram han Diyos, nga makapagtutdo hira nga may gahum ngan awtoridad tikang han Diyos.

27 Ngan liwat hi Alma in nagsugo nga an mga tawo ha simbahan in kinahanglan nga maghatag han ira katigayonan, kada usa subay han iya akus; kun mayada damo hiya in kinahanglan nga maghatag hin damo; ngan hiya nga mayada hin gutiay, gutiay la an ginkikinahanglan; ngan adton waray kinahanglan pagtagan.

28 Ngan hira in kinahanglan maghatag han ira katigayonan ha ira kalugaringon nga pagburut-an nga may maupay nga mga panuyo ngadto ha Diyos, ngan hadto nga mga saserdote nga nagkikinahanglan, oo, ngan ngadto kada usa nga kablas, ngan ha kada nanginginahanglan, nga waray panapton nga tawo.

29 Ngan ine an iya iginsiring ngadto ha ira, nga may kasugoanan ha Diyos; hira in maglakat hin matadong ha atubangan ha Diyos, maghatag kada tagsa hin pantemporal ngan espirituwal subay han ira panginahanglan ngan ira mga karuyagon.

30 Ngan yana ine nahitabo ngan ine ngatanan nahimo didto ha Mormon, ngan liwat, ha katubigan ha Mormon, ha kagugub-an nga harani han katubigan ha Mormon; oo ngan, ha lugar ha Mormon, ha katubigan ha Mormon, an kagugub-an ha Mormon, kamaanyag hine ha ira mga mata nga nagsingadto ngan nahibaroan an ira Manurubos; oo, ngan bulahan hira, kay nagkakanta hira pagdayaw ha iya hin kadayonan.

31 Ngan ine nga mga hitabo in nahimo dida han mga ginkatakipan ha tuna, nga dire hira unta hibaroan han hadi.

32 Pero makabirido, nahitabo nga an hadi, nahibaroan an gios han mga tawo, in nagpadara han iya mga suruguon pagmanman ha ira. Sanglit dida han adlaw nga ira pagkatitirok para manmati han mga mensahe han Ginoo nadiskobrihan hira han hadi.

33 Ngan salit yana an hadi in nagsiring nga hi Alma in nagaaghat han mga tawo nga maglaris kontra ha iya; sanglit nagpadara hiya hin mga sundalo agud hira patayon.

34 Ngan ine nahitabo nga hi Alma ngan han mga tawo han Ginoo in ginsumatan han pagabot han mga sundalo han hadi; sanglit ginkuha nira an ira mga tolda ngan mga pamilya ngan lumakat ngadto ha kamingawan.

35 Ngan hira in may kadamoon nga 450 nga mga tawo.