1. Aj uʼj tzaj tkʼoʼn nmana Mormón wecyʼ, Moroni; bix cub ttzʼiban te wecyʼ despwestak ntxaquetlena tuj akʼuntl; bix cyjaʼtzan tzaj ttzʼiban wecyʼ, cyjaʼw:

2. Aya ncʼwaʼla Moroni nim wajbila tiʼja, nchin tzalaja nim wena que aj Kajaw Jesucristo maʼ pon tcʼuʼj tiʼja, bix maʼ txaqueta tuʼn te takʼan bix jun binchben sant.

3. Cucx tpona tiʼj ncʼuʼja cyuj n-orasyona, nchin kanna tiʼja te Dios aj Mambaj; tuj tbi aj tCʼwaʼl Sant Jesús, que tuʼn aj tbanal miʼn baj bix tchjonta caloʼna tuʼn tuj ocslabil tuj te tbi asta oc tel baj twiʼ.

4. Bix jaʼlatzan, aya ncʼwaʼla, chin yolala tiʼj teya aj ti tkal tina tiʼj wena, tuʼnj ntakʼ nim bis wiʼja que maʼ let xcyʼakbil cyxola.

5. Tuʼnj ka maʼ tzʼel nicyʼa tiʼj ax toc maʼ let xcyʼakbil cyxola tiʼj biyabil cyiʼj cycʼwaʼla ninuchke.

6. Aya ncʼwaʼl, wajbila tuʼn takʼnana cyuw wena tuʼn tel kʼitj ttzacaj luʼ cyxol; tuʼntzanj tlaj ajo ncub ntzʼibanaj uʼj teya luʼ.

7. Porque oʼcx aj sel nnicyʼa tiʼj ajo cyiʼja, ẍin yolan naja tucʼ Kajaw tiʼj j-ajo. Bix sultzan tyol Kajaw wibaj tuʼn tipamal Xewbaj Sant, cyjaʼw:

8. Binxaj tyol Cristo, aj Colal tiʼja, aj tAjawa bix tDiosa: lutzan luʼ, ntiʼ ma chin nula twitz txʼotxʼ cyiʼj teʼ tuj xtis tuʼn tajtz tiʼj cyanma tiʼj tnachal, sino que cyiʼjke aj il: ajke baʼn ateʼ ntiʼ til kʼanal cye, sino que akaj yab; cyjaʼtzan jluʼ, ajke cʼwal tal nuchka tbanal ateʼcyajo, tuʼnj milay bant twitz il cyuʼn; cyjaʼtzan jluʼ, aj cyʼiwbil nach tiʼj Adán maʼ tzʼel cyiʼj wuʼna, que cyjaʼtzan jluʼ ntiʼ tipamal cyibaj; bix aj ley xiʼ kʼot te Abrahán maʼ kʼuchjjo wiʼja.

9. Cyjaʼtzan ten tuʼmal aj tzaj tyecʼan Xewbaj Sant tyol Dios wecyʼ; cyjaʼtzan ten, aya ncʼwaʼl nim wajbila tiʼja loʼn wuʼna que jun xmocchaʼbil nach tuj twitz Dios, tuʼn cybiyan ninuch cʼwal.

10. Lutzan luʼ, cxel nmaʼna teya que ajo jluʼ cbel t-xnakʼtzaʼna: tuʼn tajs tiʼj cyanma tiʼj tnachal bix biyabil cyekej aj at tuʼn tbant wen cyuʼn bix tuʼn tbant twitz il cyuʼn; icytzanjo; xnakʼtzaʼn cuba cye mambaj aj tuʼn cyjaw jolpaj bix tuʼn cybiyan bix tuʼn tcub cybecyʼbiliʼn cywitz lonxa icytzan cycʼwaʼl ni nuch, bix chi coletal cycyakil tucʼ cycʼwaʼl ninuch.

11. Bix aj cycʼwaʼl ni nuch miyaʼ il tiʼj cye tuʼn tajs tiʼj cyanma, mix aj biyabil. Lutzan luʼ, aj bawtismo a til tuʼn tajs cyanma tiʼj tnachal tuʼntzan cyel twitz ajke mandmyenta tuʼntzan cynajset twitz il.

12. Per ajke tal cʼwal nchi ankʼin tucʼ Cristo atxax tcub keʼ twitz txʼotxʼ; nokatwatzan micyʼjo, Dios ajo jun Dios miyaʼ ax toc, jun Dios nok nmeltzʼaje que atka juʼn xjal nchoc tcʼujlaʼn bix juʼnke ntiʼ; tuʼnj ¡Nicyʼpunxaka cʼwal chi cyim bix miyaʼ biyamanke!

13. Que aj tuʼmal ajke cʼwal ntiʼ tuʼn cycolet tuʼn ntiʼ nchi biyan, pwes akajo oʼla cheʼx tuj jun infierno miʼn baj.

14. Lutzan luʼ, alcyej nxiʼ tnaʼn tiʼj que il tiʼj biyabil cye cʼwal tal nuch, taʼjo tuj tcʼayal cʼa bix tuj takʼal tnachal; tuʼnj ntiʼ tocslabil, mix ntiʼ aj nkeʼ tcʼuʼj, mix xtalbil; cyjaʼ tzan jluʼ, ka ma cyim tuj ximbitz ajo, oc cxelx tuj infierno.

15. Tuʼnj jun majx nach tuʼn t-xiʼ xiʼmat tiʼj que ncolet jun cʼwal tuʼn Dios nok tuʼn biyabil, myentras que cymel juntl nok tuʼnj ntiʼ otak tcʼam.

16. ¡Becyʼbil cywitzkej ma cub cymeltzʼuʼn tuʼmal tbe Kajaw! tuʼnj chi cyimel oʼcxtzala ka ma chi jaw jolpaj. Lutzan luʼ, nchin yolana miyaʼ tucʼ tchi, tuʼnj at woclena tuʼn Dios; bix ntiʼ tchi wiʼja aj tiʼ tkal baʼn tbant tuʼn xjal, tuʼnj aj tchi-al ax toc nbaj tkʼuchan aj nicyʼca tnachal.

17. Bix nxiʼ nnaʼna que nojna tina tucʼ xtalbil aj cʼujlabil, que ajo tchi-al te junmajx; cyjaʼtzan jluʼ, cyakilka cʼwal nuch parejkajo nwitza cyakil, que aj tuʼmal nim ncʼuʼja cyiʼj cʼwal tucʼ jun tchi-al ax toc wena; bix parejka cyakil bix nchi mojan tiʼj colbil.

18. Tuʼnj loʼn wuʼna aj Dios miyaʼ Dios nok te jun tyemp, mix jun xjal nok nmeltzʼajeʼ; sino que ntiʼ nmeltzʼaj te junmajx bix tuj junmajx.

19. Ajke cʼwal nuch milay tzʼajs tiʼj cyanma tiʼj tnachal; bix cyjaʼtzan, jun tnachal matij tuʼn mi tkʼakʼat cʼuʼjbaj cyiʼj aj axax toc te Dios, tuʼn cyakilka a taʼ cyankʼbil tiʼj nok tuʼnj njatz tcʼuʼj.

20. Bix alcyej ma kʼamante tiʼj que il tiʼj tuʼn cybiyan cʼwal nuch, nnel ticʼan aj njatz tcʼuʼj Cristo kiʼj bix nnel ticʼan aj chojbil twitz til bix aj tipamal najsbil cyiʼj twitz il.

21. ¡Becyʼbil cywitz kej akajo, tuʼnj teʼ tuj jun cyimleʼn, infierno bix tnachal aj miʼn baj! Nxiʼ nmaʼna miyaʼ tucʼ tchi, tuʼnj oʼ tzaj tmaʼn Dios wecyʼ. Binxajke yol luʼ bix xoʼn ocxa, bixmo oc cykʼamaʼya ax toc tiʼja twitz xtisbil te Cristo.

22. Tuʼnj lutzan luʼ, cyakilkaj cʼwal nuch nchi ankʼin tiʼj Cristo, icyx tzaʼn cyakilkaj ntiʼ teʼ tuj ley. Tuʼnj aj tipamal colbil kʼiʼn tuʼn cyakilxa ajke miyaʼ teʼ tuj ley; cyjaʼtzan jluʼ, alcyej minaʼx tcub tuj sentens, bixmo alcyej miya taʼ tjakʼ sentens, milay bant tuʼn tjaw jolpaj tiʼj tnachal; bix atzanj biyabil mitiʼ tajblenan te;

23. Aj tnejal jun xmocchaʼbil tuj twitz Dios, tuʼnj nchel icʼat aj njatz tcʼuʼj Cristo bix aj tipamal Xewbaj Sant, bix tzintzan nnoc keʼ cʼuʼjbaj cyiʼj binchben cyimnaka.

24. Lutzan luʼ, aya ncʼwaʼl, micyʼ tuʼn teʼnaj ajo, tuʼnj aj tuʼn tajs anma tiʼj tnachal ajo cyekaj teʼ tjakʼ sentens bix tjakʼ cyʼiwlabil tuj tnachalte aj ley miyaʼ xoʼn.

25. Bix aj tnejal twitz tiʼj tuʼn tajtz kanma tiʼj tnachal atzanj biyabil; bix aj biyabil ntzajjo tuʼnj ocslabil tuʼntzan cyel twitzkej mandamyent; bix aj tuʼn cyel cywitzkej mandamyent ntzaj tiʼn najsbil cyiʼj twitz il;

26. Bix aj najsbil cyiʼj twitz il ntakʼ aj tuʼn kbecyʼbilin kwitz bix becyʼbijil te anma; bix nok tuʼn tlaj aj mitiʼ nimsbil bix becyʼbijil te anma, ntzaj aj tuʼn tul Xewbaj Sant lol ke, aj Kʼukbal Kcʼuʼj aj nnoj tuʼn tuʼn tkeʼ kcʼuʼj bix tchi-al ax toc, aj tchi-al ncolet tuʼn cyakil kipamal tiʼj k-orasyon asta oc tel baj twiʼ, cwando cyakilka sant chi ankʼil tucʼ Dios.

27. Lutzan luʼ, aya ncʼwaʼl, cbel ntzʼibana juntl el teya, ka mi ma chinnex naja contraryo cyiʼj lamanitas. Lutzan luʼ, aj tnimbil nasyon luʼ, bixmo aj tnam te nefitas, oc ctakʼal tuʼn tkʼuchj, oʼcxtzla ka ma tzʼajs cyanma tiʼj tnachal.

28. Kananxa cyiʼj, aya ncʼwaʼl, tuʼntzan cycamban tiʼj tuʼn cyjaw jolpaj. Mas lutzan luʼ, nbaj ncʼuʼja que oʼ txiʼ tcoʼlan Xewbaj Sant tuʼn takʼnan cyucʼal; bix tuj part tej tnam luʼ nchi akʼnan tiʼj tuʼn tkʼuchat cyakil ipamal tzajna tiʼj Dios; bix ncuʼ cyeʼwan aj Xewbaj Sant.

29. Bix despwés tej nnel cyicʼan aj matij ximbitz, aya ncʼwaʼl, oc chi najal najjo, tuʼntzan cyel twitz ajke oʼ chi kʼunj jun tyemp aj i eʼx txʼolbaʼn cyuʼn Profetas, bix tzanxkej tyolx Colal.

30. Per kintzana, ncʼwaʼl, asta oc tcub ntzʼibana teya, bixmo cocal nqueʼyina juntl ela. Icytzan tenjo.