1. Teia te tu o te akameitaki anga te au ereta e te taunga i te kopapa e te toto o te Mesia i roto i te akonoanga, kua rave ratou i te reira, mei tei akaueia mai e te Mesia, no reira te kite nei tatou e, e tu tika tikai te reira, e na te ereta e te taunga e rave i te reira.

2. E kua tuturi akera ratou e te au tangata katoatoa ki raro, e kua pure atura ki te Metua, na roto i te ingoa o Iesu Mesia, i te na ko anga e,

3. E te Atua, e te Metua mutu kore, te pati atu nei matou kia koe, na roto i te ingoa o taau tamaiti ko Iesu Mesia, kia akameitaki, e kia akatapu mai i teia varaoa nei, no te au vaerua o te aronga katoa te ka rave i te reira, kia kai ratou, ei akamaaraanga i te kopapa o taau tamaiti, e kia akakite atu ratou kia koe e te Atua e te Metua mutu kore, e te akatika nei ratou i te tuku mai ki rungao ia ratou i te ingoa o taau tamaiti ma te akamaara ua atu rai iaia, ma te akono i tana au akaueanga, tana i tuku mai kia ratou, kia noo ua mai rai tona Vaerua ia ratou. Amene.