1 Ko e ngaahi folofola ʻa Kalaisi, ʻa ia naʻá ne folofola ʻaki ki heʻene kau ^aākongá, ʻa e toko hongofulu mā ua ʻa ia naʻá ne filí, ʻi heʻene hilifaki hono toʻukupú kiate kinautolú—

2 Pea naʻá ne ui ʻa kinautolu ʻi honau hingoá, ʻo pehē: Ke mou ui ki he Tamaí ʻi hoku hingoá, ʻi he fuʻu lotu lahi; pea ka hili hoʻomou fai ʻení te mou maʻu ʻa e ^amālohi koeʻuhi ko ia te mou hilifaki ki ai homou ^bnimá, te ^cmou foaki ki ai ʻa e Laumālie Māʻoniʻoní; pea ʻi hoku hingoá te mou foaki ia, he ʻoku fai pehē ʻe heʻeku kau ʻaposetoló.

3 Ko ʻeni naʻe folofola ʻaki ʻe Kalaisi ʻa e ngaahi folofolá ni kiate kinautolu ʻi heʻene ʻuluaki hā maí; pea naʻe ʻikai fanongo ki ai ʻa e fuʻu kakaí, ka naʻe fanongo ki ai ʻa e kau ākongá; pea ko kinautolu kotoa pē ʻa ia naʻa nau ^ahilifaki ki ai honau ngaahi nimá, naʻe tō ki ai ʻa e Laumālie Māʻoniʻoní.