Buk bilong Moronai

1 Nau mi, Moronai, bihain mi pinisim long katim sot long raitim stori long ol pipol bilong Jaret, mi bin ting mi bai i no moa raitim, tasol mi no idai yet, na mi no soim mi yet long ol lain bilong Leman, nogut, ol i kilim mi.

2 Long wanem, lukim, ol pait bilong ol i kamap nogut tru namel long ol yet, na bikos long belhat bilong ol, ol i bin kilim ol i idai wanwan lain bilong Nifai ol i no tok nogat long Krais.

3 Na mi, Moronai, bai i no inap tok nogat long Krais, olsem na, mi bin go long wanem hap mi ken long lukautim laip bilong mi yet.

4 Olsem na, mi raitim liklik moa long ol samting, we mi bin ting bipo olsem mi bai i no moa raitim, tasol mi raitim liklik moa long ol samting, olsem ol bai kamapim gutpela sindaun long ol lain brata bilong mi, ol lain bilong Leman, long sampela de long bihain taim, olsem long laik bilong Bikpela.