Buk Bilong Jekop
Brata Bilong Nifai

1 Long wanem lukim, em i kamap we faipela ten faiv krismas i go pas pinis long taim Lihai i bin lusim Jerusalem, olsem na, Nifai i bin givim mi, Jekop, wanpela lo long ol liklik plet, we ol dispela samting em i bin katim na raitim.

2 Na em i bin givim mi, Jekop, wanpela lo olsem mi mas raitim liklik long ol samting em mi ting i dia tumas tru long ol dispela plet, tasol mi no ken raitim moa long histri bilong dispela pipol em ol i kolim ol pipol bilong Nifai.

3 Long wanem, em i bin tok olsem ol narapela plet bilong em bai i gat histri bilong ol pipol bilong em, tasol mi mas lukautim ol dispela plet na givim ol i go daun long ol lain pikinini bilong mi, long wanpela jeneresen i go long narapela jeneresen.

4 Na sapos i gat toktok bilong God em i holi, o revelesen em i bikpela tru, o profesai, olsem mi mas katim na raitim ol bikpela bikpela toktok bilong ol long ol dispela plet, na raitim moa long ol sapos mi ken bikos long Krais, na long gutpela sindaun long ol pipol bilong mipela.

5 Long wanem, bikos long bilip na bikpela wari tru bilong mi tupela, tru tumas ol samting em i bin soim long mi tupela em long wanem ol samting mas kamap long ol pipol bilong mipela.

6 Na tu mi tupela i bin gat planti revelesen, na spirit bilong planti profesi, olsem na, mipela i bin save long Krais wantaim kingdom bilong em, em bai kam.

7 Olsem na, mipela i bin wok strong namel long ol pipol bilong mipela, olsem mipela bai kirapim bel bilong ol long kam long Krais, na kisim gutpela pasin bilong God, inap long ol bai go insait kisim long malolo long em, nogut God bai tok antap tru long belhat bilong em olsem ol bai i no inap go insait, olsem em i bin wokim long ol lain pikinini bilong Israel long ples we nogat man i stap taim ol, sutim bel long de bilong traim.

8 Olsem na, mipela laikim halivim long God olsem mipela bai kirapim bel bilong olgeta man olsem ol i no ken sakim tok bilong God, long mekim em belhat, tasol olsem olgeta man mas bilip long Krais, na tingim as long idai bilong Krais, na skelim hevi bilong wok bilong Krais na i stap strong long kisim sem bilong ol pipol long graun, olsem na, mi, Jekop i bin wok long mekim lo bilong brata bilong mi Nifai i kamap tru.

9 Nau Nifai i stat long kamap lapun, na em i lukim olsem em mas klostu bai idai, olsem na, em i bin anointim wanpela man long kamap king na bosman long olgeta pipol bilong em, long bihainim kastam bilong bosman long kamap king.

10 Na ol pipol i bin lavim Nifai nogut tru, bikos em i bin wanpela nambawan man em i bin lukautim ol, na bin pait wantaim naip bilong pait bilong Leban long banisim ol, na i bin wok long olgeta de bilong em long gutpela sindaun bilong ol—

11 Olsem na, ol pipol i bin laik olsem ol bai tingim nem bilong em. Na ol pipol bin kolim ol man ol i bin kisim, ples bilong Nifai long kamap king, nambatu Nifai, nambatri Nifai, na i go yet, long bihainim ol kastam bilong kamap king, olsem na, ol pipol i bin kolim ol man ol i bin kamap king bihain long Nifai olsem, tasol ol man ol i kamap king ol i bin gat nem bilong ol yet.

12 Na em i kamap we Nifai i bin idai.

13 Nau ol pipol ol i no long ol lain bilong Leman ol i kolim ol yet long bik nem olsem ol lain bilong Nifai, tasol ol i bin gat kain liklik nem olsem ol lain bilong Nifai, ol lain bilong Jekop, ol lain bilong Josep, ol lain bilong Joram, ol lain bilong Leman, ol lain bilong Lemuel, na ol lain bilong Ismael.

14 Tasol mi, Jekop, bai i no inap kolim ol long ol kainkain liklik nem, tasol mi bai kolim ol lain ol i traim long bagarapim ol pipol bilong Nifai olsem ol lain bilong Leman na ol lain ol i poromanim Nifai, mi bai kolim ol lain bilong Nifai, o ol pipol bilong Nifai, long bihainim ol kastam bilong kamap king.

15 Na nau em i kamap we ol pipol bilong Nifai i stat long kamapim belhat bilong ol, taim nambatu king i bin bos, na ol i bin bihainim ol pasin nogut wankain olsem Devit bilong taim bipo wantaim pikinini bilong em Solomon, long laikim planti meri na planti narapela meri long silip wantaim.

16 Ye, na tu ol pipol bilong Nifai i stat long painim moa gol na silva, na i stat long antapim ol yet long wokim hambak pasin.

17 Olsem na, mi, Jekop, i bin givim long ol, dispela toktok taim mi lainim ol long tempel, bihain long Bikpela i bin givim mi dispela wok.

18 Long wanem, Nifai i bin givim dispela holi wok olsem mi Jekop wantaim brata bilong mi Josep long kamap pris na tisa long dispela pipol wantaim han bilong em.

19 Na mipela i bin wok long kamapim bikpela wok insait long opis bilong mipela long wokim wok bilong Bikpela, olsem mipela i gat wok, na sapos mipela i no lainim ol pipol long toktok bilong God wantaim olgeta strong, ol sin bilong ol bai kamap long ol het bilong mipela, olsem na, mipela i bin wok hat inap long blut bilong ol bai i no inap bagarapim ol klos bilong mipela, nogut, blut bilong ol bai kamap long ol klos bilong mipela, na mipela bai kamap doti long las de.