Tsir 1Pahoran a otsĩa ebien no bɛyɛ ɔtsɛmbuafo panyin na Kishkumen ku no—Pacumeni bɛtsena atsɛmbu egua no do—Coriantumr bɛyɛ Lamanfo nsordaafo no hɔn sahen, ɔgye Zarahemla na oku Pacumeni—Moronihah dzi Lamanfo do konyim na ɔsan gye Zarahemla na woku Coriantumr. Bɛyɛ mfe 52–50 Ansaana wɔbɔwo Christ. Tsir 2Helaman, Helaman ne babanyin, bɛyɛ ɔtsɛmbuafopanyin—Gadianton bɛyɛ Kishkumen no kuw no ne panyin—Helaman no nkowaa ku Kishkumen, na Gadianton kuw no guan kɔ sar no do. Bɛyɛ mfe 50–49 Ansaana wɔbɔwo Christ. Tsir 3Nephifo pii guan kɔ asaase a ɔwɔ etsifi afamu no do—Wosisi adan pa na wɔdze kyerɛwsɛm pii sie—Wɔsakyer nyimpa mpem mpem na wonuma hɔn—Nyankopɔn n’asɛm gya nkorɔfo kɔ nkwagye mu—Helaman ne ba Nephi bɛtsena atsɛmbu egua no do. Bɛyɛ mfe 49–39 Ansaana wɔbɔwo Christ. Tsir 4Nephifo etuatsewfo na Lamanfo kã nsordaafo bɔmu na wɔgye Zarahemla asaase—Ɔnam Nephifo hɔn emumuyɛ ntsi wodzi ɔkogu—Asɔr no wodow na no mu nyimpa bɛyɛ mberɛw tse dɛ Lamanfo. Bɛyɛ mfe 38–30 Ansaana wɔbɔwo Christ. Tsir 5Nephi na Lehi tu hɔnho si hɔ kã asɛmpa—Hɔn edzin kaa hɔn dɛ wɔnhwɛ hɔn edzikamfo ho mbɔ bra—Christ pon hɔn a wonu hɔnho—Nephi na Lehi sakyer nkorɔfo pii a wɔdze hɔn gu efiadze, na ogya twa hɔnho hyia—Fua kebii hyɛ nyimpa ahaebiasa do—Asaase wosow na ndze bi hyɛ hɔn dɛ wonnu hɔnho—Nephi na Lehi nye abɔfo twetwe nkɔmbɔ na ogya twa dɔmtutuw no ho hyia. Bɛyɛ mfe 30 Ansaana wɔbɔwo Christ. Tsir 6Lamanfo atseneneefo no kã asɛmpa no kyerɛ Nephifo emumuyɛfo no—Hɔn beenu nyina yɛ prɔmprɔm wɔ ber a nna wɔtse asomdwee na ndɔbaa pii mu—Lucifer, bɔn ne farbaa no, nunu emumuyɛfo no na Gadianton edwotwafo no akoma ma wodzi ewu na wɔyɛ emumuyɛdze pii—Edwotwafo no tu Nephi aban no gu. Bɛyɛ mfe 29–23 Ansaana wɔbɔwo Christ. Tsir 7Nkorɔfo a wɔwɔ etsifi afamu no pow Nephi na ɔsan n’ekyir ba Zarahemla—okegyina abantsentsen a ɔwɔ no ture mu do bɔ mpaa na ɔse nkorɔfo no dɛ wonnu hɔnho annyɛ dɛm a wɔbɛhera. Bɛyɛ mfe 23–21 Ansaana wɔbɔwo Christ. Tsir 8Atsɛmbuafo esisifo per nunu nkorɔfo no ma wotsia Nephi—Abraham, Moses, Zenos, Zenock, Ezias, Isaiah, Jeremiah, Lehi na Nephi nyina gye Christ ho dase—Nephi nam nkenyan do bɔ ɔtsɛmbuafopanyin no ku ho nkaabɔ. Bɛyɛ mfe 23–21 Ansaana wɔbɔwo Christ. Tsir 9Asomafo kohu dɛ ɔtsɛmbuafopanyin no ewu da atsɛmbu egua no enyim—Wɔdze hɔn gu efiadze na ekyir no woyi hɔn—Nephi nam nkenyan do hu dɛ Seantum nye owudzifo no—Binom gye Nephi to mu dɛ ɔyɛ nkɔnhyɛnyi. Bɛyɛ mfe 23–21 Ansaana wɔbɔwo Christ. Tsir 10Ewuradze dze nsɔwano tum ma Nephi—Wɔma no tum dɛ biribiara a ɔbɛkyekyer na obesan wɔ asaase do no wɔbɛyɛ no dɛmara wɔ sor—Ɔhyɛ nkorɔfo no dɛ wonnu hɔnho, annyɛ dɛm a wɔbɛhera—Sunsum no soa no fi nyimpadodow mu kɔ nyimpadodow mu. Bɛyɛ mfe 21–20 Ansaana wɔbɔwo Christ. Tsir 11Nephi sũ frɛ Ewuradze dɛ ɔmfa ɔkɔm mbɛhyɛ hɔn akodzi no ananmu—Nyimpa pii hera—Wonu hɔnho na Nephi serɛ Ewuradze dɛ ɔmma nsu ntɔ—Nephi na Lehi nya nyikyerɛ pii—Gadianton edwotwafo no gyee ndwow wɔ asaase no do. Bɛyɛ mfe 20–6 Ansaana wɔbɔwo Christ. Tsir 12Nyimpa nnsi pi na wɔyɛ nkwaseadze na wɔnnkyɛr bɔn yɛ—Ewuradze tsẽa No nkorɔfo—Wɔdze adasamba a wɔnnsɛ hwee to Nyankopɔn no tum ho—Atsɛmbu da no nyimpa benya daapem nkwa anaa daapem afɔbu. Bɛyɛ mfe 6 Ansaana wɔbɔwo Christ. Tsir 13Samuel, Lamannyi no hyɛ nkɔm dɛ sɛ Nephifo no ennu hɔnho a wɔbɛsɛɛ hɔn—Ndom kã hɔn nye hɔn ahodze—Wɔpow nkɔnhyɛfo no na wosiw hɔn abo, mbɔnsam twa hɔnho hyia na hɔn enyi gye emumuyɛdze ho. Bɛyɛ mfe 6 Ansaana wɔbɔwo Christ. Tsir 14Samuel hyɛ nkɔm dɛ wɔ Christ n’awoo no anafua no bɛyɛ kan na woraba fofor bopue—Christ pon adasamba fi honam na sunsum mu owu mu—No wu ho nsɛnkyerɛdze no mu bi nye sum kebii ndaansa, mbotan mpaapaae, na nsakyer kɛse a ɔbɛba asaase do awerɛfir mu. Bɛyɛ mfe 6 Ansaana wɔbɔwo Christ. Tsir 15Ewuradze tsẽaa Nephifo osiandɛ Ɔdɔ hɔn—Lamanfo a wɔsakyeree no gyina pintsinn wɔ gyedzi mu—Ewuradze bohu Lamanfo mbɔbɔr wɔ nda a odzi ekyir no mu. Bɛyɛ mfe 6 Ansaana wɔbɔwo Christ. Tsir 16Nephi numa Nephifo a wɔgye Samuel dzi no—Nephifo no a wonnuu hɔnho no nntum mmfa hɔn egyen na abo nnku Samuel—Binom pirim hɔn akoma na binom so hu abɔfo—Ekyingyefo no se dɛ onnkehia dɛ wɔbɛgye Christ nye Ne Jerusalem mbaa no edzi. Bɛyɛ mfe 6–1 Ansaana wɔbɔwo Christ.