Jun Alaj Tzijobal Chrij
Ri Wuj Re Ri Mormon

Pa ri nabe u xak rech ri Wuj re ri Mormón cubij chi cʼo oxib u banic xax tak u xak chʼichʼ, are tak waʼ:

1. Ri Xax tak u Xak Chʼichʼ re ri Nefi, je jas cubij ri wuj, are waʼ quieb u sucʼ: (a) ri Nimak Xax tak u Xak Chʼichʼ; (b) ri Chʼutik Xax tak u Xak Chʼichʼ. Chupam ri nabe tak xax u xak chʼichʼ, cʼo ri ojer tak tzij quech ri winak riʼ, chupam ri ucab tak xax chʼichʼ cʼo ri lokʼalaj tak tzʼibatalic chejujun junab.

2. Ri Xax tak u Xak Chʼichʼ rech ri Mormón, ri cʼo chupam ri tzij ri xutzʼibaj ri Mormón ri xuchaʼ chupam ri xax tak u xak chʼichʼ rech ri Nefi, xukujeʼ sibalaj tzij ri cuchomaj areʼ. Xukujeʼ are cutakej ri u tzʼibaxic ri ojer tzij, cʼo cʼu nicʼaj tzij xwikitajic rumal ri Moroni, ri u cʼojol ri Mormón.

3. Ri Xax tak u Xak Chʼichʼ rech ri Eter, cʼo chupam waʼ ri ojer tak qui tzij ri winak ri aj Jareditas. Ri Moroni xuchaʼo xutzʼibaj we ojer tzij, xucoj cʼut chupam jas ri cuchomaj are. Cʼäte riʼ, xuwiko cucʼ ri nimalaj ojer tzij, y xucoj ri Wuj rech ri Eter che.

   Cʼo juleʼ chic xax tak u xak chʼichʼ chquiwäch waʼ ri bitajinak. Cʼo jutak mul cätzijoxic chquij chupam ri Wuj re ri Mormón, are tak waʼ:

4. Ri Xax tak u Xak Chʼichʼ Bronce rech ri Labán, are ri xquicʼam ulok ri u winak ri Lehi pa ri Jerusalén. Aretak waʼ cäquibij lokʼalaj tak tzʼibatalic, y ja ri petinak wi ri quijaʼlil ri aj Hebreos. Pa tak ri tzʼibatal chejujun junab quech ri aj Nefitas, queriktaj wi nicʼaj tzij ri xesaxic chupam waʼ.

Ri u sucʼ ri Wuj re ri Mormón are quince u kʼat ri kas rajwaxic, are ri cäbix wuj chque, xak jun man cäbix tä wuj che, chquijujunal cʼo ri qui biʼ ri ajtzʼibanelab quech. Ri nabe tak wakib wuj, Nabe Nefi, Ucab Nefi, Jacob, Enós, Jarom y Omni, are tak waʼ e kʼaxam tak tzij ri queriktajic pa tak nicʼaj tzij ri cʼo cho ri chʼutin xax tak u xak chʼichʼ rech ri Nefi. Chquixol tak ri Wuj re ri Omni y Mosíah, queriktajic ri u tzijobal ri Mormón. Ri cutik wi rib rucʼ ri u tzijobal ri Nefi, are waʼ xtzʼibaxic cho ri nim xax tak u xak chʼichʼ. Chupam waʼ, cʼolic ri xcʼulmatajic pa tak ri kʼij ri xtakexic. Ri u tzijobal ri Mormón cubij jas ri u cholaj ri nabe tak wuj rech ri we ojer tzij, xukujeʼ jun nabe u tzij chquiwäch ri cäquitakej na.

Ri mas nim u nicʼajil ri Wuj cächapletaj pa ri Mosíah cʼä pa ri u tas 7 rech ri Mormón. Are tak waʼ ri kʼaxam tak tzij ri xresaj ri Mormón chupam ri xax tak chʼichʼ re ri Nefi. Ri qʼuisbal u nicʼajil ri Wuj re ri Mormón cächapletaj pa ri u tas 8 rech Mormón cʼä pa ri qʼuisbal rech ri wuj ri u banom ri Moroni, ri u cʼojol ri Mormón. Ri Moroni nabe xuqʼuis u tzʼibaxic jas xucʼulmaj ri u tat, cʼäte riʼ, xumulij nicʼaj tzij chrij ri ojer tak wuj quech ri aj Jareditas, are u biʼ waʼ ri Wuj rech ri Eter. Cʼäte riʼ, xutzʼibaj ri Wuj re ri Moroni.

Ri Wuj re ri Mormón cutzijoj che ri xcʼulmataj cho waʼ ulew pa ri junab seiscientos nabe canok che ri ralaxibal ri Jesucristo cʼä pa ri junab cuatrocientos veinte y uno cʼäte ri ralaxibal riʼ. Pa tak we kʼij riʼ, ri Moroni, ri qʼuisbal ajtzʼibanel chquixol ri aj Nefitas, xutzʼapij ri lokʼalaj tzʼibatal che jujun junab y xucʼuʼ canok cho ri Ajawaxel. Xuban waʼ rech chi cäresaj ulok chi jumul pa ri qʼuisbal tak kʼij, je jas u bim ri Dios cumal ri ojer tak u kʼalajisanelab che ri cäpe na. Pa ri junab 1827 rech we tak ka junab, are waʼ jun Moroni, jun cʼastajinak winak, xuyaʼ che ri José Smith ri xax tak u xak chʼichʼ ri cʼo can retal chquiwäch.