Scriptures
    Uwach-ri wuj re ri Mormon
    Footnotes
    Theme

    Ri
    Wuj Re ri Mormon

    Jun tzijobal tzʼibatalic rucʼ
    Ri U Kʼab Ri Mormon Cho Ri Xax Tak U Xak
    Chʼichʼ Esatajinak Lok Chupam Ri Xax Tak U
    Xak Chʼichʼ Rech Ri Nefi

    Are cʼu waʼ jun chaʼom tak tzij ri esatajinak pa ri tzʼibatal chejujun junab quech ri u winak ri Nefi, xukujeʼ quech ri aj Lamanitas. Tzʼibatal cʼu waʼ chque ri aj Lamanitas, are jun u wiʼ ijaʼlil rech ri rachoch ri Israel, xukujeʼ chque ri aj judeyib, chque cʼut ri Gentilib. Tzʼibatal cʼu waʼ rucʼ ri u beyal ri takbal, rucʼ cʼut ri uxlabal re kʼalajisabal che ri cäpe na, y rech lokʼalaj kʼalajisanic. Tzʼibatalic, tzʼapitalic, y awatal canok waʼ che ri u rayibal ri Ajawaxel, rech man cäsach tä u wäch. Takal chi cäcʼut rib rumal ri lokʼalaj u sipanic y ri u cuinem ri Dios che ri u chʼobic. Tzʼapital canok rumal ri Moroni, awatal cʼu canok che ri u rayibal ri Ajawaxel, rech cäcʼut rib pa ri takal kʼij cumal ri Gentilib, rech cächʼobtaj waʼ rumal ri lokʼalaj u sipanic ri Dios.

    Xukujeʼ jun chaʼom tak tzij ri xesataj pa ri Wuj re ri Eter. Are waʼ jun ojer tzijobal chquij ri u winak ri Jared, ri xejabux canok pa ri kʼij ri Ajawaxel xusach ri winak pa ri qui tzijobal, pa ri kʼijal ri tajin cäquiban jun tzʼukutzʼik tzʼak rech quebopanic chicaj. Are waʼ cächacunic che ri u cʼutic chque ri u wiʼ ri rijaʼlil ri rachoch ri Israel ri nimalaj tak jastak ri u banom ri Ajawaxel chque ri qui tat, rech cäquetamaj chi cʼo ri u banic ri Ajawaxel cucʼ, rech ri e areʼ man quetzelex tä na che junalic. Xukujeʼ rech cächʼecʼanic puwiʼ ri u noʼj ri aj Judío, xukujeʼ puwiʼ ri u noʼj ri Gentil, chi ri areʼ ri Jesus ri Christo, ri Junalic Dios, ri cäcʼutwächin rib paquiwiʼ conojel ri nimalaj tak tinimit. Wachinim cʼut, we tä cʼo sachbal, xak e sachinak ri achijab. Rumal riʼ, miwetzelaj ri jastak rech ri Dios rech quicʼut iwib man ix tzʼajom taj chuwäch ri u kʼatbal tzij ri Cristo.

    Kʼaxatajinak Lok Waʼ Pa Ri Xax Tak U Xak Chʼichʼ
    Rumal Ri Jose Smith, Cʼojol