1 Ia oqo, ko i au ko Moronai, au sa vola na vosa ka a vakaroti vei au, me vaka na veika au sa nanuma rawa; ka’u a sa tukuna vei kemudou na veika au sa ^amaroroya tu; o koya mo dou kakua sara ni tarai ira mo dou vakadewataki ira; ni sa vakatabui vei kemudou, me yacova na gauna sa lewa yalomatua kina na Kalou.

2 Ka raica, sa na rawa ni vakatarai vei kemudou mo dou vakaraitaka na peleti oqo vei ^aira era na veivuke ena kena vakarautaki na itukutuku oqo;

3 Ka ni na vakaraitaki vei iratou e lewe ^atolu ena kaukauwa ni Kalou; o koya eratou na ^bkila vakaidina sara kina ni sa ^cdina na itukutuku oqo.

4 Ka na qai vakadeitaki na itukutuku oqo ena nodratou ^aivakadinadina na lewe tolu; ia na nodratou ivakadinadina na lewe tolu kei na ivola oqo, ka na vakaraitaki mai kina na kaukauwa ni Kalou kei na nona vosa tale ga, ka ratou sa vakadinadinataka na Tamada, kei na Luvena, kei na Yalo Tabu—ia na veika kece oqo ena tu me ivakadinadina me saqati vuravura ena siga mai muri.

5 Ia kevaka era sa veivutuni ka ^alako mai vua na Tamada ena yacai Jisu, era na rawata na matanitu ni Kalou.

6 Ia oqo, kevaka sa sega ni tu vei au na kaukauwa ni veika oqo, mo dou vakatulewa ga kina; ni dou na qai kila ni sa tu vei au na kaukauwa ena gauna dou na qai raici au kina, ka ni da na tu ena mata ni Kalou ena siga mai muri. Emeni.