Chisel A Klaumerang Er A Reteiai El Sioning

Bolodengei er a rokui el beluu, me a rekauchad, me a rosisiu a tikingir, me a direchad el mei er tir tiang el ureor: El kmo, a Joseph Smith Junior., el ulleiuid er tiang el ureor, a mla ocholt er kemam ngii el tibereberk el klalo el dullekoi, el ko er a teletelel a kolt; ea ildisel a llel el ngika el mla medung el Smith a mla oiuid a kimulerreked er a chimomam; e direk el miles a blotk el ngar erngii, e rokui el ko er a teletelel a ureor er a irechar, el ko er a ngodech a omerellel. Me tiang aki mobang olechotel el olab a bleketakl el tekoi el kmo, a dullekoi er ngii el Smith a mla ocholt el mei er kemam, me a ki mlames e kmider me a ki kmal ungil medengei el kmo; ngika el mla medung el Smith a olab a ika el tibereberk el klalou el kiblam dung. Me a kimsa beluulechad a ngklam, el ouchais er a beluulechad aikei el kemam a mla omes. Me ngdaik kimomulak, a Dios meng sioning erngii.