Buk Momon

Long wanem dispela em i sotpela stori i kam long rekot bilong ol pipol bilong Nifai, wantaim ol pipol bilong Leman—Profet i bin raitim long ol lain bilong Leman, em ol wanwan lain long ol haus bilong Israel, na tu long ol lain Juda wantaim ol lain bilong Jentail—Em i bin raitim olsem God bin tok, na tu wantaim spirit bilong profesi na revelesen—Em i bin raitim, pasim na haitim bilong Bikpela, we ol bai i no inap bagarap—Tasol long bihain taim, wantaim presen na pawa bilong God ol i ken tanim tok long en—Pasim wantaim han bilong Moronai, na haitim bilong Bikpela, long kamaut long taim stret em i bin makim long wanpela lain bilong Jentail—Tanim tok bilong em wantaim presen bilong God.

Narapela sotpela stori tu i kam long Buk bilong Ita, em i rekot bilong ol pipol bilong Jaret, Bikpela i bin tromoi nabaut dispela pipol taim em i bin paulim tok ples bilong ol, long taim ol i bin wokim wanpela taua i go long heven—Dispela em long soim ol wanwan lain long haus bilong Israel, wanem bikpela samting tru Bikpela i bin wokim long ol tumbuna papa bilong ol, olsem ol bai save ol promis bilong Bikpela, olsem ol i no inap lus olgeta. Na tu long mekim ol lain Juda wantaim ol lain bilong Jentail long bilip olsem Jisas i Krais, God Oltaim, soim em yet long olgeta nesen—Na nau, sapos, planti rong i kamap, em i rong bilong ol man, olsem na, noken tok bilas long ol samting bilong God, bai yu sanap klin tru long jasmen-sia bilong Krais.

Josep Smit, Nambatu, i bin tanim tok stori long ol plet
i go long Inglis long nambawan taim

Nambawan Inglis edisen ol i bin kamaut long
Palmyra, Niu Yok, USA, long 1830.