Mukanda wa Molomo

Bua nanku, tshidi tshikosu tshia miandiku ya bantu ba Nefi, ne ya Bena Lamana kabidi—Tshifundibua bua Bena Lamana, badi bikala tshishadila tshia nzubu wa Isalele; ne kabidi Bena Yuda ne Bena Bisamba bia Benda—Tshifundibua ku mukenji, ne kabidi ku nyuma wa buprofete ne wa dibuluila—Tshifundibua ne tshikangibua, ne tshisokoka bua Mukalenga, bua ne katshinyangakajibu to—Bua kulopoka ku dipa ne bukola bia Nzambi bua diandamuna diatshi—Tshikangibua ku tshianza tshia Moloni, ne tshisokokibua bua Mukalenga, bua kulopoka mu tshikondu tshikumbanyina kupitshila ku Bantu ba Bisamba bia Benda—Diandamuna diatshi ku dipa dia Nzambi.

Tshikosu tshiangatshila ku Mukanda wa Etele kabidi, udi muikala miandiku ya bantu ba Yalede, bavua batangalaka tshikondu tshivua Mukalenga mubuejakaja muakulu wa bantu, pavuabu bikala bibaka tshibumba bua kufika mu diûlu—Tshidi bua kuleja kudi tshishadila tshia nzubu wa Isalele malu manena kayi adi Mukalenga muenza bua batatuabu; ne bua ne bamanya bipungidi bia Mukalenga, ne kabena bimanshibua bua kashidi to—Ne kabidi bua ditabujija Bena Yuda ne Bena Bisamba bia Benda ne Yezu udi Kilisto, Nzambi wa Tshiendelela, udimuenesha kudi bisamba bionsu—Ne mpindiewu, bikalaku bilema bidi matupakana a bantu; bua nanku, kanupîshi malu a Nzambi to, bua ne kanusanganyibu ne katoba to ku nkuasa wa tshilumbuluilu wa Kilisto.