An
Libro ni Mormon

Kaya, ini an pinahalipot na kasaysayan kan manga tawo ni Nephi, asin man kan manga Lamanite—Isinurat para sa manga Lamanite na manga tada kan Harong kan Israel; asin man sa Judio asin Gentil—Isinurat sa paagi nin katugonan, asin man kan espiritu nin pagpropesia asin nin kapahayagan—Isinurat asin sinerahan, asin itinago para sa Kagurangnan tanganing dai maraot an manga ini—Na iluluwas sa paagi kan balaog asin kapangyarihan kan Dios sa pagpaliwanag kan manga ini—Sinerahan kan kamot ni Moroni, asin itinago para sa Kagurangnan, na iluluwas sa tamang panahon sa paagi kan Gentil—An pagpaliwanag kaini sa paagi kan balaog kan Dios.

An pinahalipot na kasaysayan kinua man sa Libro ni Ether, na kasuratan kan manga tawo ni Jared, na nagkawaragas kan panahon na rinilibong kan Kagurangnan an tataramon kan manga tawo, kan sinda nagpapatindog kan tore pasiring sa kalangitan—Tanganing ipahiling sa manga natada kan Harong kan Israel kun anong balakid na manga bagay na ginibo kan Kagurangnan sa saindang manga magurang; asin tanganing maaraman man ninda an kapangakoan kan Kagurangnan, na sinda dai man isisikwal sagkod man—Asin man tanganing magtubod an Judio asin Gentil na si Jesus iyo an Cristo, an Daing-Kasagkuran na Dios, magpapahiling siya sa gabos na manga nasion—Asin ngonian, kun igwa man ki manga sala, iyan manga pagkakasala na nin tawo; kaya dai pagsalaon an manga bagay na makadios tanganing dai kang digta sa hukoman ni Cristo.