Sapta 25
Hambak lain wantaim pasin nogut lain bai paia kukim ol olsem gras long taim Jisas i kam long nambatu taim—Elaija bai kam bek bipo long dispela bikpela de nogut tru—Skelim Malakai 4. Klostu 34 krismas bihain long Krais.
1 Long wanem, lukim, de bai kam we bai paia olsem long auen na olgeta hambak lain, yea na olgeta ol i save wokim pasin nogut by ol i pundaun na de bai kam we paia bai kukim ol, Bikpela bilong planti i tok, olsem na dispela de bai i no inap lusim ol as bilong diwai o han bilong diwai.
2 Tasol long yu husat i poret long nem bilong mi, Pikinini man bilong Stretpela pasin bai kirap wantaim hilin long wing bilong em, na yupela bai go het na kamap bikpela olsem ol pikinini bilong bulmakau insait long banis.
3 Na yupela bai daunim na kurungutim ol pasin nogut lain, long wanem, ol bai kamap olsem das bilong paia aninit long insait bilong lek bilong yupela long de we mi bai wokim dispela, Bikpela bilong Planti i tok.
4 Yupela mas tingim lo bilong Moses, wokman bilong mi, em mi tokim em long Horep long olgeta Israel, wantaim ol liklik lo na jasmen.
5 Lukim, mi bin salim profet Elaija long yupela bipo long bikpela na de nogut tru bilong Bikpela bai kam.
6 Na em bai tanim bel bilong ol tumbuna papa i go long ol tumbuna pikinini, na bel bilong ol tumbuna pikinini i go long tumbuna papa bilong ol, nogut mi kam na paitim graun wantaim wanpela kes.