1 Elecha kmelekoi er kau e Josef el kemril a ngikel. Kau a mlechell er a chereomel er sera blek chebuul; oi, aikel sils er a kngara klou el klengitelreng ea delam a milchellau.

2 Me a Rubak lomekngeltengat er tia el beluu leko er kau, el ngii a meringel chad el beluu, el mo beluam e mo blurrir a remo ngeleker me a rubekum, ngmo delengchekliu el mo cherechar, alsekum komoltirakl a llechul a Ditang el Edaol er a Israel.

3 Me chelechang e Josef el kemril a ngikel el kulba el tuobed er a chereomel me a ringel, a kulengit er a Rubak me lomekngeltengat er kau el mo cherchar, me a remo ngelkem a diak di bolngemed er rokui.

4 Kau a rodech el mlar ngak, me ngak a uchuk ngikei el Josef el mle ngai el mo kelbus er a Egipten. Ng mle meklou a telbiil merrenged ra delongelel a Rubak me a Josef.

5 Me a Josef a milsa tia el taem el de kiei er ngii. Meng ngiluu a ulterkokl tekingel a Rubak el kmo, a remo redechel a delem a mo uchul ea Rubak el Dios a mo chokisii a kedung el rachel el mo er a blai er a Israel; ng diak el Messiah, tia el rachel a mo mecham endi diak le bo el mechoit er a telbilel a Rubak meng Messiah a mo chemolt er tir er a uriul klebsei, er a reng er a klisiich, el moltobed er tir er a iilkolk el me ra llomes – Oi, te mo tuobed er a berrotel liilkolk me a kelebus el mo diak le rrengodel.

6 Le Josef a mera el dilu el kmo: A chad er a ulaoch a bo lokedbechii a Rubak el Dios er Ngak el ngii a mo ngaruchei el chad er a ulaoch er a remo redechel a delek.

7 Oi, a Josef a meral dilung: A Rubak a dilu er ngak el kmo: A ngellitel chad er a ulaoch a bo kukisii er a redechel a delem: me a redechel a delem er rokui a mo melanges er ngii. E ak mo msa llach el kmo, ng moureor el mo er a redechel a delem, el bebir re ngii, meng mo klou a ultutlel kirir, leng mo omeklatk er tir er a telbiil er ngak me a re demam er a irechar.

8 Akmo msa llach meng diak a ngodech lurreor el bo moruul er ngii, ngdi se el urreor el blak delii er ngii. Mak rullii meng mo chetngakl er medak; leng mo oureor a urellek.

9 Meng ngii a mo merael a chisel uaia Moses, el ngii a kdilu el kmo, a kmo chokisii leko er kau el mo melubet er a re chedak, el Blai er a Israel.

10 Ng Moses a bo kukisii el moltobed er a re chedam er a beluu er a Egipten.

11 Endi a chad er a ulaoch a bo kukisii er a redechel a delem; e er a momsa klisiich meng mo ngmai a tekingek el mo er a redechel a delem – ng diak di lolab a tekingek el mong, a Rubak a dilung, ng dirrek el mo mult a rengrir lolab a tikingek, el ngii a dimla mong er a delongelir.

12 Me chelcha redechel a delem a mo meluches; me a redechel a delel a Judah me temo meluches; ea ike el mo meluches er a redechel a delem, me a ike el mo meluches er a redechel a delel a Judah a mo dmak e merael mo meklou, e tomall a ike el blulak losisechakl, e osarech a klautok, e rullii a budech er a dlongelir a redechel a delem, e ngoititrir el mo er a klemedngei er a redemrir er a uriul klebsei, me a klemedngei er a telbilek, a Rubak a dilung.

13 Me a klitechetul a rullii meng mo mesisiich, er sel sils el lurerek a momuchel er a delonglir a re chedak, el mo lutau er a kotem, e kau el blai er a Israel, leng dula Rubak.

14 Me a Josef a ulemlaoch el kmo: Kamosang, a Rubak a mo omekngeltengat er ngike el mo omlaoch, me tirke el mo melkoi a kodellel a dimo mechusm; le tial telbiil el bla knguu er a Rubak, el kirir a re dechel a delek el di mo tmaut. A kungil medngelii el di mo tmaut tial telbiil;

15 Me a ngklel a di mo uaia ngklek; el mo uaia ngklel a demal. Me ngii a di mo uai ngak; le tekoi el Rubak a mousbech er a chimal meruul, a klisiichel a Rubak a mouchul ea re chedak a mo suobel.

16 Oi, ngulemlaoch a Josef: A kungil medngelii tial tekoi el diuaia kudengelii a eltbiil er a Moses; le Rubak a mla dmu er ngak el kmo, akmo omtebechel er a remo ngelekem el mo cherchar.

17 Me a Rubak a dilung el kmo: A kukisii a Moses; e nguu a klisiich el msang er a chelsel a skors; e msa llach el llechukl. Endi diak kedekedii a chural me bol chad er a cheldecheduch, ngdiak rellii me bol meduch er a cheldecheduch. Endi a kmo msang a llechuk, el cheltngelel a a chimak a milluches; e a mo rullii melkingel.

18 A Rubak a dirrek el dilu er ngak el kmo: ak mokisii er a redechel a delem; e rullii el mo er ngii a chad er a omelkoi. Me ngak, oi ng ngak a mo msa klisiichel meng mo meluches a llecheklir a re dechel a delem el mo er a redechel a delem, ea chad er a omlekoi er a redechel a delem a ngmai el mouchais.

19 Me a tekoi el bo loluches, a ike el tekoi el kumdasu e ngkirel mo er a redechel a delem. Meng di mouaia le redechel a delem a llilangel mo er tir el mlara chebechab; le kmedenge klaumerang er tir.

20 Me te mo lmangel el ngara chebechab el mei; el melekoi er a re bebil er tir me bo louuchel a rengrir er a kngterir, endi tirka betok el cheroll a mla mo er ngii er a delongelir. Me a uriul klebesei ea lengelir a mo morenges, el di uaia ike el beot el di tekingir.

21 Ng klaumerang er tir a uchul me a tekingir a mo tuobed er a ngerek el mo er a rodam er tir el tir a redechel a delem; me a chelitechetul a tikingir ak rellii meng mo klisiichel a klaumerang er tir, me temo lotkii a telbiilek el krirelli el mo er a redemmiu.

22 E elecha rungalek er a Josef, aikaia mle teletelel a ulochel a demak er a lechuodel.

23 Me chelcha eng tial telbiil a uchul me ke ngeltengat; le re mo ngelekem a diak bo le ngemed le temo orrenges a tekoi el ngar tial babier.

24 E mo er ngii a tang er a delongelir el mo mekiis el mo mesisiich, el nga er ngii a betok el ungil bol ruul, el mo ungil a tekingel me a omrellel, e mo oderchelel a Dios, e kmal mo mesisiich a klemrang er ngii, meng mo meruul a meklou el tekoi, el sel ngii a kmal soal a Dios el tekoi, e mouchul eng mo mesmechokl a betok el tekoi el mo er a blai er a Israel, me a re ngelekir a re bebil er kau.

25 E elecha ke mo ngeltengat e Josef. Kau tia el dirke kekrei, me bo morrenges a tekingel obkum er a Nephi, me di le bol taut a ikel rokui el bla kulkoi er kau. Bom latk a tekingel a medkung el demam. Boluaisei.