1. Wegihidba ib pukidar kudoe an ibagan modele na ibmar imaidoe, wehmar abargine, ibiyob ibmar tummad imaidoe, napi epinsamalaga an na igar mesisa tulemar mimmimar ebogua, tehegine an kannar sunna argan na oyodoe an negguebur Israel negginmalad gala.

2. Teheginbali, Peh Nefi, epinsaegala ebo na igargan mesisadi, ar peh pab teyob moga, al yoho peh mimmimar an epinsamalagala; tehgi an kaiya purbagi peh mimmimar sunmaidi kudmaloe; al an kaiya purba pínnasuli kotoe napneg tirbir pela naidgine, an negguebur pentakegala, ar Israel nega;

3. Ar an kaiya purba pinnasur kotoe—tulemar Pab ba nasurmalad soidemaloe; ¡Pab Kaiya purba Sokuen! ¡Pab Kaiya purba maid sokuena! ar niymala, tehegine Pab Kaiya purba paid abelesuli.

4. Paba tule tummad we yob soge: Tulemar ib Kuen wisshurmala, Pab Kaiya purba sokuenaguad nikumaloed; tehegine udios mar tanimaloe, an negguebur kebe sailaki anbo igar mesisadi. ¿Tehegi ar igi nuedye na soimaloe udios margala, Pab Kaiya purba abingasmaladgine? Eye, ¿Pab sorda surmalad we ibu soimala? ¿Na epinsamala, negginsuli kudihi kusmalad, udios mar tummad wilesmala tehegine, ekuage ulubgi pensulid ba nanadidihid tule Pab sorda surmalad anse sedamaloe, pentakegala?

5. Al Pab sorda surmalad ¿Udiosmar pehmar epinsamala, an negguebur, kebe sailagi anbo igar mesisadi? Suli, ar pehmar istar taismala, tehegi nagi nue pinsarsurmala kannar ambikunonimaloedgine. Tehegine an kannar pela ibmar saoe pehgi nue pinsamalagala; ar ani tule tummadi, an negguebur na ieshuli.

6. Tule ibmar kuen wisshurmalad, pehmar we soge: Pab Kaiya purba sokuenagua. Anmar nika Pab Kaiya purba. ¿Pab Kaiya purba maid na pehmar niykumalo dibana Udiosmar sulina?

7. ¿Ar wisshurmarsi guebur sokuenna sisuli? ¿Na wisshurmar si, ani tule tummadi, pehmar Paba, pela tulemar obinnisadi, ar an epinsoe tulemar temar balid tuppu nanaidi nibneg kaniggid, ar napa neg kaniggidi, tehegine an kaiya purba sesa tulemar mimmigan gala eye, napneggi pela gueburmar gala?

8. ¿Ibiga angi sunmaimala, ar an kaiya purba, abingasmaladbali? ¿Ar wisshurmar si guebur soibo parsoimalad, an parsoimaloe, ani Pabtummadi, tehegine an epinsae, we guegur soibopela? Tehegine an sogoe kaiya purba we guebur soiboguadgala, eye, guebur soibo peladgala. Tehegine guebur soiboguad na otosmalale, ibmar napiraguad soisomalad, ebo na soimarbaloe.

9. Tehegine tulemarga oyogega, ani na emala, sahegi, emi, tehgi kadegua; ar an abegedba kaiya purba na soge. Ar na soimardibe, pato an kaiya purba sunmaisa, kege na bar sunmake; al amba yohoe na arbaed peloge, ar perguosuli, tule pergudele, tehegi sadeguoe.

10. Tehe soggua mel-legi na pinsamala an Kaiya purba mai sokuennagua, ar paid bar masuli, ar unnidba Kaiya purba niymarye; tehegine bali igarmar paigan bar narmakosurdeye na soilesuli.

11. Ar pela tulemarga na soge, tada nakuesiggid, tada arguaneisiggid, yarbalid, ar temar ginmalad gala, ibmar an soged napmaia; al we karda narmaimaloed yohoe na napi igar nudaimaloe we napneggala, enanasmaladba karda narmailesadi.

12. Tehegi Udios marga na sunmakoe, ar narmaimaloe; ar Nefitas mar ga na sunmakoe, ar wemar nar maimaloe; tehgi Israel nega ehablis soisokuen puimaladga na súnmakoe, tikasur ehmar na sesadi, ar narmaimarmogoe, tehegi napneggi guebur puimalad ga na sunmaibaloe tehegi wehmar narmaimaloe.

13. Wegi immar kudoe, ar Udios, Nefitas mar Kaiya purba abingamaloe, Nefitas mar, Udios Kaiya purba abingamaloe, tehegine, Nefitas mar, Udios mar, Israel ablismarga kusmalad ekaiya purba abingamarmogoe, Nefitas mar, Udios mar ekaiya purba.

14. Tehegi an negguebur, we di Israel nega, napneggine ambigudoe eyargine; ar an Kaiya purba ba attomogoe, sokuennaguadga kudoe. Tehegine pehmarga oyodoe, an kaiya purba gi uludmaloe, ar wedi Israel nega, al ani Pabtummadi, Abrahán ebo igar na mesisa, emimmigan an epinsadi kadegumaloe.